Mateus 6:6 - Õꞌacʉ̃ Yere Ucũrĩ Turi

⁶ Mʉsã yʉꞌʉre ẽjõpeorã, mʉsã ya tucũpʉ sãjãa, sopere biꞌa, mʉsã pacʉ Õꞌacʉ̃ mʉsã meꞌrã nigʉ̃rẽ sẽrĩ, ñubueya. Tojo weecã, marĩ pacʉ noꞌo bajutiropʉ weesere ĩꞌapeꞌogʉ, mʉsãrẽ añusere oꞌogʉsami.

Tukano

⁶ Mɨsâ yɨ'ɨ̂re ẽho peórã, mɨsa yeé tũkupɨ sãháa, soperé bi'á, mɨsâ pakɨ Õ'âkɨ̃hɨ mɨsâ me'ra niigɨ́re sẽriyá. Tohô weekã́, marî pakɨ no'ó bahutíropɨ weesére ĩ'yâ pe'ogɨ, mɨsâre ãyusére o'ôgɨsami.

Mateus 6:6 Iomraidhean Croise

Mateus 14:23

Beꞌro masãrẽ weꞌeritica beꞌro ʉ̃rʉ̃gʉ̃pʉ cʉ̃ seꞌsaro ñubuegʉ mʉjãcʉ niwĩ. Topʉre ñami ẽjã́cã, niꞌcʉ̃ta nicʉ niwĩ.

Mateus 6:18

Tojo weecã, ãpẽrã mʉsã beꞌtisere masĩsome. Marĩ pacʉ diaꞌcʉ̃ marĩ yaꞌyioro weesere ĩꞌapeꞌogʉ masĩgʉ̃sami. Cʉ̃ mʉsãrẽ añusere oꞌogʉsami”, nicʉ niwĩ Jesú.

Mateus 6:4

Yaꞌyioro ãpẽrã na masĩtiro oꞌoya. Tojo weecã, marĩ pacʉ nipeꞌtise marĩ yaꞌyioro weesere ĩꞌapeꞌogʉ, mʉsãrẽ añusere oꞌogʉsami.

San Juan 1:48

Jesú tojo nicã tʉꞌogʉ, Natanae cʉ̃rẽ sẽrĩtiñaꞌwĩ: —¿Deꞌro wee mʉꞌʉ yʉꞌʉre masĩti? Jesú Natanaerẽ yʉꞌtiwĩ: —Yʉꞌʉ mʉꞌʉrẽ Felipe pijise dʉporo ĩꞌatojapʉ. Mʉꞌʉ yucʉ higuera wãmeticjʉ docapʉ niapʉ.

San Juan 20:17

Jesú core nicʉ niwĩ: —Duꞌuya yʉꞌʉre. Yʉꞌʉ pacʉ tiropʉ mʉjãatiapʉ yujupʉ. Yʉꞌʉre ẽjõpeorãrẽ werego waꞌaya. “Aꞌtiro niami”, niña. “Cʉ̃, cʉ̃ pacʉ Õꞌacʉ̃ tiropʉ ‘Waꞌagʉ weeꞌe’, niami.” “ ‘Õꞌacʉ̃ yʉꞌʉ pacʉ, tojo nicã mʉsã pacʉ nimi.’ Apeye quẽꞌrãrẽ ‘Yʉꞌʉ wiogʉ nimi. Tojo nicã mʉsã wiogʉ nimi’, niami”, niña, nicʉ niwĩ.

Hechos 10:30

Cornelio cʉ̃rẽ yʉꞌticʉ niwĩ: —Baꞌparitise nʉmʉrĩ yʉꞌrʉꞌʉ aꞌti horata tres nicã aꞌti wiꞌipʉ yʉꞌʉ beꞌti ñubueca beꞌro. Wãcũña marĩrõ niꞌcʉ̃ ʉmʉ suꞌti asistese sãñagʉ̃ bajuawĩ yʉꞌʉ tiropʉ.

Hechos 10:9

Na waꞌáca beꞌro ape nʉmʉ dajaritero nicã na Jopepʉ ejarãtirã weeri cura Pedro peꞌe cʉ̃ nirĩ wiꞌi buꞌi dʉposãrĩpʉ ñubuegʉ mʉjãcʉ niwĩ. Ti wiꞌi dʉposãrĩ opa sira nicaro niwʉ̃.

Hechos 9:40

Beꞌro Pedro masã to nirã́ nipeꞌtirãrẽ wijaaduticʉ niwĩ. Na wijááca beꞌro Pedro ejaqueꞌa, Õꞌacʉ̃rẽ ñubuecʉ niwĩ. Ñubuetoja, wẽrĩꞌcore ĩꞌa, core nicʉ niwĩ: —Tabita, wãꞌcãnʉꞌcãña. Cʉ̃ tojo nicãta, co caperire ĩꞌapãaco niwõ. Pedrore ĩꞌagõta, wãꞌcãnujãco niwõ.

Romanos 8:5

Marĩ ʉaro weesĩꞌrĩsere weesetirã, marĩ ʉasenojõ diaꞌcʉ̃rẽ wãcũsaꞌa. Espíritu Santu meꞌrã nisetirã, cʉ̃ ʉasenojõ peꞌere weesaꞌa.

Efesios 3:14

Õꞌacʉ̃, marĩ wiogʉ Jesucristo pacʉre eꞌcatipeoꞌo. Mʉsã judío masã nitirãrẽ añurõ weesere wãcũgʉ̃, tojo weeꞌe.