Mateus 5:22 - Õꞌacʉ̃ Yere Ucũrĩ Turi

²² Yʉꞌʉ peꞌe aꞌtiro weregʉti. Noꞌo cʉ̃ acaweregʉ meꞌrã uagʉnojõ buꞌiri daꞌrenoꞌgʉ̃sami. Noꞌo cʉ̃ acaweregʉre ‘Mʉꞌʉ wapamarĩꞌi’ ni bujicãꞌgʉ̃nojõ wiorã tiropʉ besenoꞌgʉ̃sami. Noꞌo cʉ̃ acaweregʉre ‘Waꞌicʉ weronojõ tʉꞌomasĩse moobutiaꞌa’ nigʉ̃nojõrẽ Õꞌacʉ̃ pecameꞌepʉ buꞌiri daꞌre, cõꞌatawio niꞌi.

Tukano

²² Yɨ'ɨ̂ pe'e a'tîro werêgɨti. No'ó kɨ̃ɨ̂ akawerégɨ me'ra uagɨ́ noho bu'îri da'rê no'ogɨsami. No'ó kɨ̃ɨ̂ akawerégɨre “Mɨ'ɨ̂ wapa marí'” niî buhíkã'gɨ noho wiôrã tiropɨ besé no'ogɨsami. No'ó kɨ̃ɨ̂ akawerégɨre “Wa'îkɨ̃ weeró noho tɨ'o masíse moó butia'” niigɨ́ nohore Õ'âkɨ̃hɨ pekâ me'epɨ bu'îri da'rê, kõ'âta wió niî'.

Mateus 5:22 Iomraidhean Croise

Génesis 37:4

Cʉ̃ maꞌmisʉmʉa cʉ̃ peꞌere “Marĩ nemorõ maꞌiyʉꞌrʉnʉꞌcãmi” nírã, cʉ̃rẽ ĩꞌasĩꞌrĩti, uacãrã niwã. Cʉ̃rẽ ne cãꞌrõ añudutiticãrã niwã.

Génesis 37:8

Tere tʉꞌorã, cʉ̃ maꞌmisʉmʉa nicãrã niwã: —¿To pũrĩcãrẽ mʉꞌʉ ʉ̃sã wiogʉ nigʉ̃sari? ¿Mʉꞌʉ ʉ̃sãrẽ dutipegʉsari? Cʉ̃ quẽꞌeꞌquere werecã, “Tojo waꞌapʉ” nicã tʉꞌorã, nemorõ ua, cʉ̃ meꞌrã aꞌpepũrĩcãrã niwã.

Mateus 10:17

Añurõ ĩꞌaña. Mʉsãrẽ ñeꞌe, judío masã wiorã tiropʉ miarãsama. Na nerẽse wiꞌseripʉ mʉsãrẽ tãrãrãsama.

Mateus 10:28

Mʉsã upʉre wẽjẽcõꞌarãrẽ uiticãꞌña. Na upʉ diaꞌcʉ̃rẽ wẽjẽcõꞌamasĩsama. Õꞌacʉ̃ peꞌe upʉ, ejeripõꞌrãrẽ pecameꞌepʉ cõꞌabutiamasĩsami. Cʉ̃ tojo weegʉ́ pũrĩcãrẽ uiya, niwĩ.

Mateus 12:24

Fariseo masã na tojo nicã tʉꞌorã, aꞌtiro niwã: —Ãꞌrĩ wãtĩa wiogʉ Beelzebú wãmetigʉ tutuaro meꞌrã wãtĩarẽ cõꞌawĩrõcãꞌsami, niwã.

Mateus 17:5

Pedro tojo ucũrĩ cura niꞌcã oꞌmecurua asisteri curua aꞌti, narẽ tuubiꞌacãꞌcaro niwʉ̃. Ti curuapʉre niꞌcʉ̃ ucũcã tʉꞌocãrã niwã: —Ãꞌrĩ yʉꞌʉ macʉ̃, yʉꞌʉ maꞌigʉ̃ nimi. Cʉ̃ meꞌrã pũrõ eꞌcatiꞌi. Cʉ̃ ucũsere tʉꞌo ẽjõpeoya, nicʉ niwĩ Õꞌacʉ̃.

Mateus 18:21

Tojo nicã tʉꞌogʉ, Pedro Jesú tiro waꞌa, sẽrĩtiñaꞌwĩ: —Wiogʉ, yʉꞌʉ acaweregʉ yʉꞌʉre ñaꞌarõ weecã, ¿dicʉsetiri cʉ̃rẽ acobojogʉsari? ¿Sietetiripʉta cʉ̃ ñaꞌarõ weesere acobojosari? niwĩ.

Mateus 18:35

Beꞌro Jesú tere wéréca beꞌro niwĩ: —Yʉꞌʉ pacʉ ʉꞌmʉsepʉ nigʉ̃́ mʉsã acawererãrẽ diacjʉ̃ acobojoticã, tojota weegʉsami mʉsãrẽ, niwĩ.

Mateus 23:15

Jesú aꞌtiro ninemowĩ Moisé ojaꞌquere buꞌeri masãrẽ, tojo nicã fariseo masãrẽ: —Mʉsã ʉpʉtʉ waro weetaꞌsaꞌa. Mʉsã ẽjõpeosere noꞌo niꞌcʉ̃ nigʉ̃acãrẽ mʉsã weronojõ ẽjõpeocã ʉarã, nipeꞌtiropʉ sijabiꞌaꞌa. Beꞌro tuꞌajanʉꞌcõ, cʉ̃rẽ mʉsã nemorõ ñaꞌarõ pecameꞌepʉ waꞌata basiocã weesaꞌa.

Mateus 23:33

»Mʉsã weetaꞌsari curuacjãrã aña weronojõ niꞌi. Mʉsã deꞌro wee Õꞌacʉ̃ pecameꞌepʉ buꞌiri daꞌreatjere yʉꞌrʉwetimasĩsome.

Mateus 25:41

»Beꞌro cũpe peꞌe nuꞌcũrãrẽ aꞌtiro nigʉ̃ti: “Mʉsã Õꞌacʉ̃ buꞌiri daꞌrenoꞌajã niꞌi. Tojo weerã aꞌtore niticãꞌña. Pecameꞌe ʉ̃jʉ̃nuꞌcũrĩ meꞌe tiropʉ waꞌaya. Ti meꞌe wãtĩ wiogʉ, cʉ̃ meꞌrã ʉꞌmʉsepʉ cõꞌadijoꞌcãrãrẽ apoyúca meꞌe niꞌi.

Mateus 26:59

Paꞌia wiorã, judío masã bʉcʉrã, nipeꞌtirã wiorã Jesure wẽjẽsĩꞌrĩcãrã niwã. Tojo weerã diacjʉ̃ nitise meꞌrã cʉ̃rẽ weresãtjere aꞌmacãrã niwã.

Mateus 3:17

Tojo waꞌacã, ʉꞌmʉsepʉ cʉ̃ pacʉ Õꞌacʉ̃ ucũdijocʉ niwĩ. —Ãꞌrĩ yʉꞌʉ macʉ̃ ʉpʉtʉ yʉꞌʉ maꞌigʉ̃ nimi. Cʉ̃ meꞌrã pũrõ eꞌcatiꞌi, nicʉ niwĩ.

Mateus 5:34

Yʉꞌʉ peꞌe aꞌtiro weregʉti. Mʉsã ãpẽrãrẽ ‘Aꞌtiro weerãti’ nírã, Õꞌacʉ̃rẽ wãmepeoticãꞌña. ‘Ʉꞌmʉse meꞌrã weerãti’, niticãꞌña. Õꞌacʉ̃ nirṍ topʉta niꞌi.

Mateus 5:44

Yʉꞌʉ peꞌe mʉsãrẽ weregʉti. Mʉsãrẽ ĩꞌatuꞌtirãrẽ maꞌiña. Mʉsãrẽ ñaꞌarõ ucũrãrẽ ‘Añurõ waꞌato’, niña. Mʉsãrẽ ñaꞌarõ weecã, ñaꞌarõ bujicãꞌmicã, na ye niatjere Õꞌacʉ̃rẽ sẽrĩbosaya.

Marcos 14:55

Paꞌia wiorã, tojo nicã nipeꞌtirã wiorã “¿Deꞌro wee Jesure weresãrõʉamitito?” nicãrã niwã. Cʉ̃rẽ wẽjẽsĩꞌrĩrã, tojo nicãrã niwã. Cʉ̃rẽ wẽjẽsĩꞌrĩmirã, buꞌiri ne bocaticãrã niwã.

Marcos 15:1

Boꞌreacã paꞌia wiorã nerẽcãrã niwã. Judío masã bʉcʉrã, Moisé ojaꞌquere buꞌeri masã quẽꞌrã nerẽcãrã niwã. Ãꞌrã nipeꞌtirã wiorã nerẽqueꞌa, “Jesure ¿deꞌro weerãsari marĩa?” ni ucũcãrã niwã. Ucũtoja, Jesure dʉꞌtetjĩarã, Pilato tiropʉ miiejacãrã niwã.

San Lucas 12:5

Mʉsãrẽ “Ãꞌrĩ peꞌere uiya”, nigʉ̃ti. Õꞌacʉ̃ marĩ wẽ́rĩ́ca beꞌro pecameꞌepʉ cõꞌabutiamasĩsami. Cʉ̃ tojo weegʉ́ pũrĩcãrẽ uiya.

San Lucas 22:66

Ape nʉmʉ boꞌreacã judío masã bʉcʉrã, paꞌia wiorã, Moisé ojaꞌquere buꞌeri masã nerẽcãrã niwã. Beꞌro Jesure na tiropʉ miacãrã niwã. Cʉ̃rẽ sẽrĩtiñaꞌcãrã niwã:

San Juan 11:47

Tojo weerã fariseo masã, tojo nicã paꞌia wiorã nerẽcãrã niwã. Na paꞌia wiogʉ cʉ̃ meꞌrãcjãrã nirõpʉ nerẽcãrã niwã. Aꞌtiro nicãrã niwã: —¿Deꞌro weerãsari marĩ? Jesú peje añuse weeĩꞌogʉ̃ weemi.

San Juan 15:25

Õꞌacʉ̃ ye queti ojáca pũrĩpʉ nírõnojõta queoro waꞌaro weeꞌe. Aꞌtiro niꞌi: “Buꞌiri moomicã, yʉꞌʉre ĩꞌatuꞌtiwã”, ni ojanoꞌwʉ̃.

San Juan 7:20

Masã cʉ̃rẽ niwã: —¿Noa mʉꞌʉrẽ wẽjẽsĩꞌrĩti? Mʉꞌʉ wãtĩ sãjãnoꞌcʉ nisaꞌa.

San Juan 8:48

Jesú tojo nicã tʉꞌorã, judío masã cʉ̃rẽ niwã: —Ʉ̃sã mʉꞌʉrẽ Samariacjʉ̃, wãtĩ sãjãnoꞌcʉ niꞌi nírã, diacjʉ̃ta niꞌi.

Hechos 17:18

Niꞌcãrẽrã epicúreo, estoico wãmetise cururicjãrãrẽ buꞌerã Pablo meꞌrã ucũcãrã niwã. Cʉ̃ Jesú ye quetire, apeye quẽꞌrãrẽ wẽrĩꞌcãrãpʉ masãsere werecʉ niwĩ narẽ. Tojo weerã niꞌcãrẽrã na basu aꞌmerĩ sẽrĩtiñaꞌcãrã niwã: —¿Deꞌro ni weresĩꞌrĩgʉ̃ weeti tocãꞌrõ ucũsepijagʉ? Ãpẽrã peꞌe aꞌtiro nicãrã niwã: —Ape diꞌtacjãrã na ẽjõpeorãnojõrẽ ucũgʉ̃ weesami, nicãrã niwã.

Hechos 22:30

Surara wiogʉ ape nʉmʉ peꞌe ¿deꞌro weerã cʉ̃rẽ weresãpari? ni masĩsĩꞌrĩgʉ̃, paꞌia wiorã, ãpẽrã nipeꞌtirã judío masã wiorãrẽ nerẽduticʉ niwĩ. Tojo weegʉ Pablore na dʉꞌteꞌque cõme darire pãa, na wiorã tiropʉ pijiwãꞌcãcʉ niwĩ.

Hechos 23:1

Pablo wiorãrẽ ĩꞌagʉ̃ta ĩꞌa, narẽ nicʉ niwĩ: —Nipeꞌtiro yʉꞌʉ catiro põtẽorõ Õꞌacʉ̃ cʉ̃ ĩꞌorõpʉ nipeꞌtise cʉ̃ ʉaro weenuꞌcũcãꞌa. Tojo weegʉ yʉꞌʉ wãcũqueꞌtiro marĩrõ nicãꞌa, nicʉ niwĩ.

Hechos 24:20

Na aꞌtiticãma, ãꞌrã mʉꞌʉ tiro nirã́ cãrʉ̃ wiorã tiropʉ yʉꞌʉ nicã, na buꞌiri bocaꞌquere weresãto.

Hechos 4:15

Beꞌro Pedro quẽꞌrãrẽ wiorã nerẽrĩ tucũpʉ níꞌcãrãrẽ aperopʉ wijaaduticãrã niwã yujupʉ. Na wijááca beꞌro na seꞌsaro aꞌmerĩ ucũcãrã niwã: —¿Deꞌro weerãsari marĩ ãꞌrãrẽ? Nipeꞌtirã Jerusalẽ́cjãrã na sijamasĩtiꞌcʉre yʉꞌrʉocã tʉꞌopeꞌticãꞌsama. Tojo weerã “Yʉꞌrʉotiama, tojo nimaꞌacãrã weema”, marĩ narẽ nímasĩtisaꞌa.

Hechos 5:21

Cʉ̃ tojo níca beꞌro na buꞌiri daꞌreri wiꞌipʉ níꞌcãrã wijaa waꞌacãrã niwã. Ape nʉmʉ boꞌreacã Õꞌacʉ̃rẽ werecoꞌtegʉ níꞌcaronojõta Õꞌacʉ̃ wiꞌipʉ wererã waꞌacãrã niwã. Na topʉ wereri cura paꞌia wiogʉ, tojo nicã cʉ̃ meꞌrãcjãrã nipeꞌtirã judío masã wiorãrẽ nerẽduticãrã niwã. Na nerẽpeꞌtica beꞌro surarare “Narẽ pijirã waꞌaya marĩ ñamicaꞌa biꞌadʉpoꞌcãrãrẽ”, níoꞌocãrã niwã. Na wijaaꞌquere masĩticãrã niwã.

Hechos 5:27

Beꞌro narẽ wiorã decopʉ miaa, topʉ sãjãejacã, paꞌia wiogʉ narẽ nicʉ niwĩ:

Hechos 6:12

Na wapaye nisoodutioꞌoꞌcãrã masãpʉre waꞌa, werecãrã niwã na níꞌcaronojõta. Tere werecã tʉꞌorã, masã peꞌe queoro ẽjõpeocãrã niwã. Tojo weerã nipeꞌtirã masã, ãpẽrã judío masã bʉcʉrã, Moisé ojaꞌquere buꞌeri masã Esteba meꞌrã pũrõ uacãrã niwã. Na uacã ĩꞌarã, narẽ uarosãjãcã weeꞌcãrã maata cʉ̃rẽ ñeꞌe, paꞌia wiorã tiropʉ miacãrã niwã.

Hechos 6:15

Na tojo nicã tʉꞌorã, wiorã Estebare pũrõ ĩꞌacãrã niwã. Na cʉ̃rẽ ĩꞌacã, cʉ̃ ya diapoa asistea waꞌacaro niwʉ̃. Õꞌacʉ̃rẽ werecoꞌtegʉ ʉꞌmʉsecjʉ̃ weronojõ bajuri diapoa waꞌacaro niwʉ̃.

Hechos 7:37

Moiséta marĩ ñecʉ̃sʉmʉarẽ aꞌtiro werecʉ niwĩ: “Õꞌacʉ̃ beꞌropʉ niꞌcʉ̃ oꞌógʉsami cʉ̃ ye queti wereacjʉre. Yʉꞌʉre oꞌóꞌcaro weronojõta cʉ̃rẽ oꞌógʉsami. Cʉ̃ quẽꞌrã marĩ acaweregʉ nigʉ̃sami”, nicʉ niwĩ.

Romanos 12:10

Jesucristore ẽjõpeorã niꞌcʉ̃ põꞌrã weronojõ aꞌmerĩ maꞌiña. Mʉsã weese meꞌrã ãpẽrã, ãpẽrã peꞌere añurõ wãcũdutirã tojo weeya. Aꞌmerĩ wiopesase meꞌrã ĩꞌaña.

1 Corintios 6:10

Tojo nicã yajari masã, ʉaripejasebʉcʉrãnojõ, queꞌasebʉcʉrã, tuꞌtisepijarã, weesoose meꞌrã yajari masã Õꞌacʉ̃ tiropʉ waꞌasome.

1 Corintios 6:6

Nicãma, cʉ̃rẽ besedutironojõ oꞌorã, Jesucristore ẽjõpeotirã tiro peꞌe mʉsã meꞌrãcjãrãrẽ weresãrã waꞌaꞌa. Tojo weecã ¿añu niti mʉsãrẽ?

1 Tesalonicenses 4:6

Ne apĩ nʉmorẽ aꞌmetãrãticãꞌña. Mʉsã apĩ nʉmorẽ aꞌmetãrãrã, co marãpʉre ñaꞌarõ weerã weesaꞌa. Õꞌacʉ̃ aꞌte ñaꞌase weerãrẽ buꞌiri daꞌregʉsami. Todʉporopʉ mʉsãrẽ weretojawʉ aꞌte nʉcʉ̃ĩꞌase quetire.

Tito 3:2

Ne ãpẽrãrẽ ñaꞌarõ ucjaticãꞌto. Ãpẽrã meꞌrã ũrũsãtirãta, narẽ añurõ ucũato. Maꞌise meꞌrã nipeꞌtirãrẽ añurõ weeato”, niña narẽ.

Hebreos 12:25

Tojo weerã añurõ tʉꞌomasĩña. Õꞌacʉ̃rẽ mʉsãrẽ weregʉre teeticãꞌña. Todʉporocjãrãrẽ Õꞌacʉ̃ bajuyoropʉ werecʉ niwĩ. Na cʉ̃rẽ teecãrã niwã. Na tojo weecã, narẽ buꞌiri daꞌrecʉ niwĩ. Marĩ pũrĩcãrẽ teecã, tjãgʉ̃sami. Õꞌacʉ̃ ʉꞌmʉsepʉ nigʉ̃́ marĩrẽ weremi. Cʉ̃rẽ teerã, ne yʉꞌrʉwetisome.

Hebreos 5:9

Cʉ̃ wẽrĩgʉ̃, nipeꞌtise cʉ̃ pacʉ cũuꞌquere weecʉ niwĩ. Tojo weegʉ cʉ̃ masãrẽ yʉꞌrʉogʉ sãjãcʉ niwĩ. Marĩ nipeꞌtirã cʉ̃rẽ ẽjõpeo yʉꞌtirãrẽ yʉꞌrʉo, catinuꞌcũcã weemi.

Santiago 2:20

Mʉsã diacjʉ̃ wãcũweꞌe. Tʉꞌomasĩtirã weronojõ niꞌi. Marĩ “Jesucristore ẽjõpeoꞌo” nimirã, ãpẽrãrẽ añurõ weeĩꞌotirã, Jesucristore diacjʉ̃ ẽjõpeotisaꞌa.

Santiago 3:6

Marĩ ñaꞌarõ ucũse ʉseri pecameꞌe weronojõ niꞌi. Ñeꞌmerõ cãꞌñeꞌmerõacã nimicã, ti ñeꞌmerõ meꞌrã peje ñaꞌase ucũmasĩsaꞌa. Noꞌo ʉaro nipeꞌtise ñaꞌase waꞌasaꞌa. Te ñaꞌarõ ucũse wãtĩ meꞌrã dʉꞌpocã́tisaꞌa. Nipeꞌtiro marĩ catiri ʉmʉco marĩ weesetisere dojorẽsaꞌa.

1 Pedro 2:23

Cʉ̃rẽ ñaꞌarõ bujicãꞌcãrãrẽ narẽ bujicãꞌaꞌmetiwĩ. Cʉ̃ piꞌetigʉ, “Mʉsãrẽ buꞌiri daꞌregʉti”, nitiwĩ. Cʉ̃ pacʉ peꞌere “Yʉꞌʉ pacʉ cʉ̃ ʉaro, queoro ñaꞌarõ weerãrẽ buꞌiri daꞌregʉsami”, niwĩ. Tojo weegʉ cʉ̃ ye niatjere cʉ̃ pacʉpʉre wiawĩ.

1 Pedro 3:9

Ãpẽrã mʉsãrẽ ñaꞌarõ weecã, narẽ aꞌmeticãꞌña. Mʉsãrẽ ñaꞌarõ bujicãꞌcã, narẽ bujicãꞌaꞌmeticãꞌña. Aꞌtiro peꞌe weeya. Narẽ añurõ waꞌato nírã, Õꞌacʉ̃rẽ sẽrĩbosaya. Õꞌacʉ̃ marĩrẽ tojo weedutisami. Aꞌtiro weecã, Õꞌacʉ̃ mʉsãrẽ añurõ weegʉsami.

1 João 2:9

Marĩ aꞌtiro nibosaꞌa: “Yʉꞌʉ pũrĩcã añurõ Õꞌacʉ̃ dutiro weenuꞌcũcãꞌa.” Tojo nimigʉ̃ ãpẽrãrẽ maꞌitigʉ, todʉporopʉ naꞌitĩꞌarõpʉ níꞌcaro weronojõta nicãꞌsaꞌa tja.

1 João 3:10

Marĩ Õꞌacʉ̃ põꞌrãrẽ, wãtĩ yarãrẽ aꞌtiro ĩꞌadʉcawaamasĩꞌi. Noꞌo ãpẽrãrẽ maꞌitirã, ñaꞌarõ weesetirãrẽ “Wãtĩ yarã nima”, niꞌi. Ãpẽrãrẽ maꞌírã añurõ weesetirã peꞌere “Õꞌacʉ̃ põꞌrã nima”, niꞌi.

1 João 5:16

Apetero Jesucristore ẽjõpeogʉ ñaꞌarõ weesami. Cʉ̃ tojo weecã ĩꞌarã, Õꞌacʉ̃rẽ sẽrĩbosaya. Marĩ sẽrĩbosacã, Õꞌacʉ̃ yʉꞌtigʉsami. Cʉ̃rẽ dʉcayugʉsami tja. Apeye pũrĩcã ñaꞌabutiaro weese niꞌi. Téma “Sẽrĩbosaya” niña marĩꞌi. Tere weerã́ Õꞌacʉ̃ tiropʉ waꞌasome.

Judas 1:9

Ʉꞌmʉsecjãrã Õꞌacʉ̃rẽ werecoꞌterã wiogʉ Miguemarĩcã tojo bujicãꞌticʉ niwĩ. Dʉporopʉ Moisé wẽ́rĩ́ca beꞌro Migue wãtĩ meꞌrã Moisé ya upʉre dʉꞌsasocãrã niwã. Migue cʉ̃ basu wãtĩrẽ ne cãꞌrõ tuꞌti bujicãꞌticʉ niwĩ. Aꞌtiro peꞌe nicʉ niwĩ: “Õꞌacʉ̃ yʉꞌʉ wiogʉ mʉꞌʉrẽ tuꞌtiato”, nicʉ niwĩ.

Apocalipse 20:14

Õꞌacʉ̃ masã na wẽrĩsere cõꞌapeꞌocãꞌwĩ. Na wẽrĩꞌcãrã nirṍ quẽꞌrãrẽ cõꞌapeꞌocãꞌwĩ. Pecameꞌejopʉ buꞌiri daꞌrese apaturi wẽrĩse weronojõ niꞌi.