Mateus 4:4 - Õꞌacʉ̃ Yere Ucũrĩ Turi

⁴ Cʉ̃ tojo nicã, Jesú aꞌtiro yʉꞌticʉ niwĩ: —Õꞌacʉ̃ ye queti ojáca pũrĩpʉ aꞌtiro ojanoꞌo: “Masã baꞌase meꞌrã diaꞌcʉ̃ catimasĩtisama. Na añurõ nisĩꞌrĩrã, nipeꞌtise Õꞌacʉ̃ ucũsere yʉꞌti ẽjõpeosama”, niwʉ̃, nicʉ niwĩ.

Tukano

⁴ Kɨ̃ɨ̂ tohô niikã́, Jesu a'tîro yɨ'tíkɨ niîwĩ: —Õ'âkɨ̃hɨ yee kiti ohâka pũripɨ a'tîro ohâ no'owɨ: “Masá ba'asé me'ra di'akɨ̃ katî masitisama. Naâ ãyuró niî sĩ'rirã, niî pe'tise Õ'âkɨ̃hɨ uúkũsere yɨ'tí ẽho peósama”, niîwɨ, niîkɨ niîwĩ.

Mateus 4:4 Iomraidhean Croise

Éxodo 16:15

Na Israe curuacjãrã tere ne ĩꞌamasĩtirã, “¿Ñeꞌenojõ niti?”, ni aꞌmerĩ sẽrĩtiñaꞌcãrã niwã. Moisé narẽ nicʉ niwĩ: —Aꞌte mʉsã pã́ weeatje Õꞌacʉ̃ cʉ̃ oꞌose niꞌi.

Éxodo 16:35

Israe curuacjãrã cuarenta cʉ̃ꞌmarĩ manárẽ baꞌacãrã niwã. Canaá diꞌta sumuto etarãpʉ tere baꞌatʉocãrã niwã. Canaá na niatji diꞌta nicaro niwʉ̃. *****

Éxodo 16:8

Moisé apeye narẽ ninemocʉ niwĩ: —Ñamicaꞌa nicã Õꞌacʉ̃ mʉsã baꞌatji diꞌirore oꞌogʉsami. Boꞌreacãma mʉsãrẽ peje baꞌase pã́ weronojõ nisere oꞌogʉsami. Mʉsã cʉ̃rẽ ñaꞌarõ ucũ, ũrũsãsere tʉꞌoami. Mʉsã ũrũsãrã, ʉ̃sã mejẽtare ñaꞌarõ ucũrã weeapʉ. Õꞌacʉ̃ peꞌere ñaꞌarõ ucũrã weeapʉ. Ʉ̃sã mejõ nirã niꞌi.

Mateus 15:11

Marĩ ʉsero meꞌrã baꞌase mejẽta Õꞌacʉ̃ ĩꞌorõpʉ marĩrẽ ñaꞌarõ waꞌacã weeꞌe. Tojo weronojõ oꞌoro, marĩrẽ ʉseropʉ wijatise peꞌe ñaꞌarõ waꞌacã weeꞌe, niwĩ.

Mateus 4:10

Tojo nicã tʉꞌogʉ, Jesú cʉ̃rẽ nicʉ niwĩ: —Waꞌaya, wãtĩ. Õꞌacʉ̃ ye queti ojáca pũrĩpʉ aꞌtiro ojanoꞌo: “Õꞌacʉ̃ mʉꞌʉ wiogʉ niꞌcʉ̃rẽta ẽjõpeoya. Cʉ̃ niꞌcʉ̃rẽta yʉꞌtiroʉaꞌa”, niwʉ̃, nicʉ niwĩ.

Mateus 4:7

Tojo nisere Jesú cʉ̃rẽ yʉꞌticʉ niwĩ: —Õꞌacʉ̃ ye queti ojáca pũrĩpʉ aꞌte quẽꞌrã ojanoꞌcaro niwʉ̃: “Mʉꞌʉ wiogʉ Õꞌacʉ̃ cʉ̃ ucũꞌquere ne niꞌcãti ¿diacjʉ̃ta nimitito? nírã, cʉ̃rẽ weeĩꞌodutiticãꞌña”, ni ojanoꞌwʉ̃, nicʉ niwĩ Jesú.

Marcos 7:20

Jesú apeye werenemocʉ niwĩ: —Masʉ̃pʉre wijase pũrĩcã cʉ̃rẽ ñaꞌarõ waꞌacã weeꞌe.

San Lucas 4:12

Jesú cʉ̃rẽ yʉꞌticʉ niwĩ: —Õꞌacʉ̃ ye queti ojáca pũrĩpʉre aꞌte quẽꞌrã ojanoꞌcaro niwʉ̃: “Mʉꞌʉ wiogʉ Õꞌacʉ̃ cʉ̃ ucũꞌquere ne niꞌcãti ¿diacjʉ̃ta nimitito? nírã, cʉ̃rẽ weeĩꞌodutiticãꞌña”, ni ojanoꞌwʉ̃, nicʉ niwĩ Jesú.

San Lucas 4:4

Jesú cʉ̃rẽ yʉꞌticʉ niwĩ: —Õꞌacʉ̃ ye queti ojáca pũrĩpʉ aꞌtiro ojanoꞌo: “Masã baꞌase meꞌrã diaꞌcʉ̃ catimasĩtisama”, ni ojanoꞌwʉ̃, nicʉ niwĩ.

San Lucas 4:8

Jesú aꞌtiro yʉꞌticʉ niwĩ: —Õꞌacʉ̃ ye queti ojáca pũrĩpʉ aꞌtiro ojanoꞌo: “Õꞌacʉ̃ mʉꞌʉ wiogʉ niꞌcʉ̃rẽta ẽjõpeoya. Cʉ̃ seꞌsarore, cʉ̃ dutise diaꞌcʉ̃rẽ weecoꞌteya”, niwʉ̃, nicʉ niwĩ Jesú.

San Juan 15:26

»Espíritu Santu diacjʉ̃ ucũgʉ̃, mʉsãrẽ weetamugʉ̃ aꞌtigʉsami. Ʉ̃sã yʉꞌʉ pacʉ meꞌrã cʉ̃rẽ oꞌórãsaꞌa. Cʉ̃ aꞌtigʉ, queoro yé cjasere mʉsãrẽ weregʉsami.

San Juan 6:63

Espíritu Santu catisere oꞌomi. Marĩ upʉ marĩrẽ catise oꞌoweꞌe. Yʉꞌʉ baꞌase, sĩꞌrĩsere ucũgʉ̃, poꞌpeapʉ ejeripõꞌrã cjasere ucũgʉ̃ weeꞌe. Yʉꞌʉ ucũsere ẽjõpeorã catinuꞌcũcãꞌrãsama.

Romanos 15:4

Nipeꞌtise todʉporopʉ Õꞌacʉ̃ ye queti ojaꞌque marĩrẽ masĩdutiro ojanoꞌcaro niwʉ̃. Marĩ ñaꞌarõ yʉꞌrʉrã, te ojaꞌquere buꞌerã, nʉꞌcãpoꞌo. Wãcũtutuanemoꞌo. Tojo weerã Õꞌacʉ̃ cʉ̃ weeatjere eꞌcatise meꞌrã yucueꞌe.

Efesios 6:17

Surara cʉ̃ dʉpoare cãꞌmotaꞌasĩꞌrĩgʉ̃ cõmesapeare pesasami. Cʉ̃ weronojõ wãtĩ mʉsã wãcũsere dojorẽsĩꞌrĩcã, “Õꞌacʉ̃ yʉꞌrʉonoꞌcãrã niꞌi”, niña. Apeye quẽꞌrãrẽ surara aꞌmewẽjẽsĩꞌrĩgʉ̃ pajiri pjĩ diꞌpjĩjore miasami. Cʉ̃ weronojõ mʉsã quẽꞌrã Espíritu Santu oꞌóca pjĩrẽ cʉoya. Ti pjĩ Õꞌacʉ̃ ucũse nisĩꞌrĩrõ weeꞌe. Cʉ̃ ucũse meꞌrã wãtĩrẽ cãꞌmotaꞌamasĩꞌi. Tojo nicã nipeꞌtise ñaꞌasere cõꞌamasĩꞌi.