Mateus 28:6 - Õꞌacʉ̃ Yere Ucũrĩ Turi

⁶ Aꞌtore marĩmi. Cʉ̃ níꞌcaronojõta masãtojami. Cʉ̃rẽ cũuꞌcarore ĩꞌarã aꞌtia, ni pijisãjãacʉ niwĩ.

Tukano

⁶ A'toré marimí. Kɨ̃ɨ̂ niî'karo nohota masá tohami. Kɨ̃ɨ̂re kũû'karore ĩ'yârã a'tiá, niî pihî sãhakɨ niîwĩ.

Mateus 28:6 Iomraidhean Croise

Mateus 12:40

Joná waꞌiwʉ̃ pajigʉjo paaga poꞌpeapʉ iꞌtia ʉmʉco, iꞌtia ñami cʉ̃pʉre sãñacʉ niwĩ. Cʉ̃ weronojõta yʉꞌʉ Õꞌacʉ̃ macʉ̃ masʉ̃ weronojõ upʉtigʉ quẽꞌrã yʉꞌʉre yááca beꞌro iꞌtia ʉmʉco, iꞌtia ñami diꞌta poꞌpeapʉ cũñagʉ̃saꞌa.

Mateus 16:21

Tita meꞌrã Jesú ʉ̃sãrẽ aꞌtiro werenʉꞌcãwĩ: —Yʉꞌʉre Jerusalẽ́pʉ waꞌaro niꞌi. Topʉ judío masã bʉcʉrã, paꞌia wiorã, Moisé ojaꞌquere buꞌeri masã yʉꞌʉre ʉpʉtʉ piꞌeticã weerãsama. Yʉꞌʉre wẽjẽrãsama. Tojo weemicã, iꞌtia nʉmʉ beꞌro masãgʉ̃saꞌa, niwĩ ʉ̃sãrẽ.

Mateus 17:23

Yʉꞌʉre wẽjẽrãsama. Na tojo weemicã, iꞌtia nʉmʉ beꞌro masãgʉ̃saꞌa tja, niwĩ. Ʉ̃sã cʉ̃ “Yʉꞌʉre wẽjẽrãsama” nicã tʉꞌorã, pũrõ bʉjawetiwʉ.

Mateus 17:9

Na tigʉpʉ níꞌcãrã dijaticã, Jesú narẽ nicʉ niwĩ: —Mʉsã niꞌcãrõacã ĩꞌaꞌquere ne ãpẽrãrẽ wereticãꞌña. Yʉꞌʉ Õꞌacʉ̃ macʉ̃ masʉ̃ weronojõ upʉtigʉ wẽrĩ masã́ca beꞌropʉ wereya, nicʉ niwĩ.

Mateus 20:19

Náta tja ape diꞌtacjãrã judío masã nitirã wiorãpʉre wiaturiarãsama. Yʉꞌʉre bujicãꞌa, tãrã, curusapʉ wẽjẽdutirãsama. Na tojo weemicã, yʉꞌʉ iꞌtia nʉmʉ beꞌro masãgʉ̃saꞌa, niwĩ Jesú.

Mateus 27:63

Topʉ etarã, Pilatore aꞌtiro nicãrã niwã: —Wiogʉ, ʉ̃sã sõꞌonícʉ catigʉpʉ nisoosepijagʉ níꞌquere wãcũꞌu. Cʉ̃ “Iꞌtia nʉmʉ yʉꞌʉ wẽ́rĩ́ca beꞌro masãgʉ̃ti”, niwĩ.

Marcos 16:6

Cʉ̃ narẽ nicʉ niwĩ: —Yʉꞌʉre uiticãꞌña. Mʉsã Jesú Nazarecjʉ̃rẽ na curusapʉ paabiꞌpe wẽjẽꞌcʉre aꞌmarã weeꞌe. Cʉ̃ masãtojami. Aꞌtore marĩmi. Cʉ̃rẽ na cũuꞌcarore ĩꞌarã aꞌtia.

Marcos 8:31

Tuꞌajanʉꞌcõ, cʉ̃ buꞌerãrẽ aꞌtiro ni buꞌenʉꞌcãcʉ niwĩ: —Yʉꞌʉ Õꞌacʉ̃ macʉ̃ masʉ̃ weronojõ upʉtigʉ pũrõ piꞌetigʉsaꞌa. Tojo nicã judío masã bʉcʉrã, paꞌia wiorã, Moisé ojaꞌquere buꞌeri masã yʉꞌʉre ʉatirãsama. Yʉꞌʉre wẽjẽrãsama. Na tojo weemicã, iꞌtia nʉmʉ beꞌro masãgʉ̃saꞌa, nicʉ niwĩ.

San Lucas 24:12

Na tojo weemicã, Pedro peꞌe masãpepʉ ĩꞌagʉ̃ waꞌagʉ, omawãꞌcãcʉ niwĩ. Ti tutipʉ ejagʉ, muꞌrĩqueꞌa, Jesure omaꞌque caserire sumutopʉ tuupeꞌepeoꞌque diaꞌcʉ̃rẽ ĩꞌacʉ niwĩ. Beꞌro tojo waꞌaꞌquere ĩꞌamarĩa, ¿deꞌro waꞌapariba? nígʉ̃, cʉ̃ ya wiꞌipʉ tojaa waꞌacʉ niwĩ.

San Lucas 24:23

Na cʉ̃ upʉre bocaticãrã niama. Ʉ̃sãrẽ aꞌtiro niama. “Ʉ̃sã quẽꞌese weronojõ Õꞌacʉ̃rẽ werecoꞌterã ʉꞌmʉsecjãrãrẽ ĩꞌapʉ. ‘Jesú catimi’, niama”, ni quetiwereama ʉ̃sãrẽ.

San Lucas 24:44

Beꞌro narẽ nicʉ niwĩ: —Aꞌte yʉꞌʉre waꞌaꞌquere todʉporo mʉsã meꞌrã nígʉ̃, weremiwʉ̃: “Nipeꞌtise Moisé yʉꞌʉre ojaꞌque, Õꞌacʉ̃ ye queti weremʉꞌtãrĩ masã na ojaꞌque queoro waꞌarosaꞌa”, nimiwʉ̃. “Tojo nicã Salmo wãmetiri pũrĩpʉ na ojaꞌcaronojõta yʉꞌʉre waꞌarosaꞌa”, niwʉ̃, nicʉ niwĩ.

San Juan 10:17

»Yʉꞌʉ pacʉ yʉꞌʉre maꞌimi. Yʉꞌʉ masãrẽ wẽrĩ yʉꞌrʉoatje wapa tojo weemi. Ne niꞌcʉ̃ yʉꞌʉre wẽrĩcã weemasĩtisami; yʉꞌʉ ʉaro meꞌrã wẽrĩgʉ̃ti. Yʉꞌʉ wẽrĩmasĩꞌi. Beꞌro masãmasĩꞌi tja. Yʉꞌʉ pacʉ yʉꞌʉre aꞌtirota weedutiwĩ, niwĩ Jesú.

San Juan 2:19

Jesú narẽ yʉꞌtiwĩ: —Aꞌti wiꞌire cõꞌacãꞌña. Iꞌtia nʉmʉ beꞌro yʉꞌʉ apogʉti tja.

Hechos 2:24

Marĩ pacʉ tojo waꞌáca beꞌro Jesucristore cʉ̃ wẽrĩꞌcʉpʉre masõcʉ niwĩ. Cʉ̃ wẽrĩdojaticʉ niwĩ. Masã waꞌacʉ niwĩ.