Mateus 26:58 - Õꞌacʉ̃ Yere Ucũrĩ Turi

⁵⁸ Pedro peꞌe Jesure yoacurero sirutucʉ niwĩ. Paꞌia wiogʉ ya wiꞌi sope pʉꞌtopʉ sirututʉocʉ niwĩ. Topʉ ti sãꞌrĩrõpʉ sãjãa, surara pʉꞌto dujicʉ niwĩ. ¿Deꞌro waꞌabutiarosari? nígʉ̃, tojo weecʉ niwĩ.

Tukano

⁵⁸ Pedro pe'e Jesuré yoâ kurero siru tuúkɨ niîwĩ. Sacerdotea wiôgɨ yaá wi'i sopé pɨ'topɨ siru tuú tɨokɨ niîwĩ. Toopɨ́ tií sã'riropɨ sãháa, surára pɨ'to duhîkɨ niîwĩ. De'ró wa'â butia'rosari? niîgɨ, tohô weékɨ niîwĩ.

Mateus 26:58 Iomraidhean Croise

Mateus 26:3

Titare paꞌia wiorã, Moisé ojaꞌquere buꞌeri masã, judío masã bʉcʉrã, Caifá paꞌia wiogʉ ya wiꞌi sope pʉꞌtopʉ nerẽcãrã niwã.

Mateus 5:25

”Apeye quẽꞌrãrẽ weregʉti. Niꞌcʉ̃ mʉsãrẽ weresãsĩꞌrĩgʉ̃ besewʉaropʉ miasĩꞌrĩcã, maata topʉ waꞌase dʉporo apoweꞌocãꞌña. Tojo weecã, mʉsãrẽ beseri masʉ̃rẽ oꞌotibosami. Tojo weeticãma, beseri masʉ̃ surarapʉre oꞌo, buꞌiri daꞌreri wiꞌipʉ sõrõbosami.

San Lucas 22:54

Beꞌro Jesure ñeꞌe, paꞌia wiogʉ ya wiꞌipʉ miacãrã niwã. Pedro yoacurero cʉ̃rẽ sirutucʉ niwĩ.

San Juan 18:25

Tojo weeri cura Pedro pecameꞌe sumuto sõꞌmanuꞌcũwĩ. Topʉ nirã́ cʉ̃rẽ sẽrĩtiñaꞌwã: —¿Mʉꞌʉ sĩꞌi meꞌrãcjʉ̃ mejẽta niti? Pedro narẽ niwĩ: —Niweꞌe.

San Juan 19:6

Paꞌia wiorã, ãpẽrã Õꞌacʉ̃ wiꞌi coꞌterã surara cʉ̃rẽ ĩꞌarã, pũrõ caricũwã: —Cʉ̃rẽ curusapʉ paabiꞌpe wẽjẽña, ni caricũwã. Pilato narẽ niwĩ: —Mʉsã basu cʉ̃rẽ curusapʉ paabiꞌpe wẽjẽrã waꞌaya. Yʉꞌʉ cʉ̃rẽ ne cãꞌrõacã buꞌiri bocatisaꞌa, niwĩ.

San Juan 7:32

Fariseo masã “Ãꞌrĩ Õꞌacʉ̃ beseꞌcʉ nimi” nisere tʉꞌocãrã niwã. Tojo weerã paꞌia wiorã meꞌrã Õꞌacʉ̃ wiꞌi coꞌterã surarare Jesure ñeꞌedutirã oꞌócãrã niwã.

San Juan 7:45

Õꞌacʉ̃ wiꞌi coꞌterã surara Jesure ñeꞌedutirã oꞌónoꞌcãrã aꞌtiro weewã. Na oꞌóꞌcãrã tiro fariseo masã, tojo nicã paꞌia wiorã tiropʉ majãmitojaawã. Topʉ na etacã, wiorã narẽ sẽrĩtiñaꞌcãrã niwã: —¿Deꞌro weerã Jesure ñeꞌe miititiati? nicãrã niwã.

Hechos 5:22

Na tojo nicã tʉꞌorã, surara narẽ pijirã waꞌacãrã niwã na biꞌadʉpoca wiꞌipʉ. Ti wiꞌipʉ sãjãa, na níca tucũrẽ pão, ĩꞌacãrã nimiwã. Ne marĩcãrã niwã. Na marĩcã ĩꞌa, narẽ bocati, wiorãpʉre wererã waꞌacãrã niwã.

Hechos 5:26

Cʉ̃ werecã tʉꞌorã, surara wiogʉ ãpẽrã surara meꞌrã Jesú besecṹúꞌcãrãrẽ ñeꞌerã waꞌacãrã niwã. Narẽ ñeꞌerã, masã ʉ̃sãrẽ ʉ̃tãperi meꞌrã narẽ maꞌírã doqueri nírã, ne mejẽcã weeticãrã niwã.