Mateus 26:5 - Õꞌacʉ̃ Yere Ucũrĩ Turi

⁵ Tere apomirã, aꞌtiro nicãrã niwã: —Bosenʉmʉ nicã weeticãꞌrã. Masã cʉ̃rẽ maꞌírã, noꞌo ʉaro caricũmaꞌa, marĩ tojo weesere dojorẽbosama, nicãrã niwã.

Tukano

⁵ Teeré apomírã, a'tîro niîkãrã niîwã: —Bosê nɨmɨ niikã́ weetíkã'rã. Masá kɨ̃ɨ̂re ma'írã, no'ó ɨaró karíkũ ma'a, marî tohô weesére dohórẽ' boosama, niîkãrã niîwã.

Mateus 26:5 Iomraidhean Croise

Mateus 14:5

Cʉ̃ Juãrẽ wẽjẽsĩꞌrĩcʉ niwĩ. Masã peꞌe “Juã Õꞌacʉ̃ ye quetire weremʉꞌtãrĩ masʉ̃ nimi”, nicãrã niwã. Tojo weegʉ yʉꞌʉ cʉ̃rẽ wẽjẽcã, masã yʉꞌʉ meꞌrã uabosama ni uigʉ, maata cʉ̃rẽ wẽjẽticʉ niwĩ.

Mateus 21:26

Marĩ “Õꞌacʉ̃ oꞌóticʉ niwĩ; masã cʉ̃rẽ oꞌócãrã niwã” nicã, masã marĩrẽ tuꞌtibosama. Nipeꞌtirã masã “Juã Õꞌacʉ̃ ye queti weremʉꞌtãrĩ masʉ̃ niwĩ”, ni ẽjõpeosama, niwã.

Mateus 27:24

Masã Pilato ucũsere tʉꞌosĩꞌrĩticãrã niwã. Tojo tʉꞌoronojõ oꞌorã, mejõ peꞌe cumuca wãꞌcõcãrã niwã. Na tojo weecã ĩꞌagʉ̃, Pilato aco miitiduticʉ niwĩ. Te meꞌrã masã ĩꞌorõpʉ omocoe, aꞌtiro nicʉ niwĩ: —Ãꞌrĩ masʉ̃ buꞌiri moogʉ̃rẽ wẽjẽcã, yʉꞌʉ buꞌiri moogʉ̃saꞌa. Mʉsã basu buꞌiritirãsaꞌa, nicʉ niwĩ.

Marcos 14:12

Masã pã́ bʉcʉase meꞌrã morẽtiꞌquere baꞌari bosenʉmʉ ninʉꞌcãcaro niwʉ̃. Ti nʉmʉ nicã, niꞌcʉ̃ oveja wĩꞌmagʉ̃ na Pascua bosenʉmʉ baꞌacjʉre wẽjẽsama. Titare Jesú buꞌerã cʉ̃rẽ sẽrĩtiñaꞌcãrã niwã: —¿Noꞌopʉ marĩ Pascua bosenʉmʉ baꞌatjore apoyucã ʉasari? nicãrã niwã.

Marcos 14:2

Tojo nírã, aꞌtiro nicãrã niwã: —Bosenʉmʉ nicã weeticãꞌrã. Masã cʉ̃rẽ maꞌírã, noꞌo ʉaro caricũmaꞌa, marĩ tojo weesere dojorẽbosama, nicãrã niwã.

Marcos 14:27

Topʉ waꞌagʉ, Jesú narẽ nicʉ niwĩ: —Mʉsã nipeꞌtirã aꞌti ñami uirã, yʉꞌʉre cõꞌawãꞌcãpeꞌtia waꞌarãsaꞌa. Mʉsã tojo weeatje Õꞌacʉ̃ ye queti ojáca pũrĩpʉ nírõnojõta waꞌarosaꞌa. Aꞌtiro ojanoꞌwʉ̃: “Yʉꞌʉ oveja coꞌtegʉre wẽjẽnoꞌcã weegʉsaꞌa. Tojo weecã, cʉ̃ yarã oveja noꞌo ʉaro omastearãsama”, niwʉ̃.

San Lucas 20:6

Marĩ “Masã cʉ̃rẽ oꞌócãrã niwã” nicã quẽꞌrãrẽ, nipeꞌtirã masã marĩrẽ ʉ̃tãperi meꞌrã doquewẽjẽrãsama. Na aꞌtiro ẽjõpeoma. “Juã Õꞌacʉ̃ ye quetire weremʉꞌtãrĩ masʉ̃ niwĩ”, ni ẽjõpeoma, nicãrã niwã.

San Lucas 22:7

Beꞌro masã na pã́ bʉcʉase meꞌrã morẽtiꞌquere baꞌari bosenʉmʉ nicaro niwʉ̃. Ti nʉmʉ nicã, niꞌcʉ̃ oveja wĩꞌmagʉ̃rẽ na Pascua bosenʉmʉ baꞌacjʉre wẽjẽsama.

San Juan 18:28

Beꞌro Jesure Caifá ya wiꞌipʉ níꞌcʉre Pilato ya wiꞌipʉ miawã. Boꞌrearopʉ weewʉ. Judío masã wiorã ti wiꞌipʉre sãjãatiwã. Ti wiꞌipʉre sãjãarã, Pascua bosenʉmʉ baꞌawʉasere baꞌatibopã. Pilato judío masʉ̃ nitimi nise buꞌiri na buꞌiritirã tʉꞌoñaꞌbopã. Tojo weerã cʉ̃ ya wiꞌire sãjãatiwã.

Hechos 19:29

Ãpẽrã quẽꞌrã tere tʉꞌo, to nirã́ waroa añurõ caricũseꞌsa waꞌacãrã niwã. Tojo caricũrãta Gayo, Aristarco wãmetirãrẽ ñeꞌe, sojaro meꞌrã wejewãꞌcãcãrã niwã pajiri wiꞌi ti macãcjãrã na nerẽrĩ wiꞌipʉ. Na Macedoniacjãrã Pablo meꞌrã sijaꞌcãrã nicãrã niwã.

Hechos 21:38

¿To pũrĩcãrẽ cãrʉ̃ sõꞌonícʉ Egiptocjʉ̃ masãrẽ neocũu weetjĩagʉ̃, romano masã wiorã meꞌrã aꞌmewẽjẽꞌcʉ mejẽta niti? Pãjãrã wẽjẽrĩ masãrẽ baꞌparitisetiri mil níꞌcãrãrẽ cʉ̃ yucʉ marĩrõpʉ miacʉ niwĩ. ¿Mʉꞌʉ cʉ̃ mejẽta niti?” ni sẽrĩtiñaꞌcʉ niwĩ Pablore.

Hechos 4:28

Tojo weerã wẽjẽcãꞌwã cʉ̃rẽ. Dʉporopʉ mʉꞌʉ macʉ̃rẽ wẽjẽatjere masĩtojacʉ niwʉ̃. “Tojo waꞌarosaꞌa”, nicʉ niwʉ̃. Mʉꞌʉ masĩꞌquere yujupʉta niꞌcãrõacã weerã weema.