Mateus 26:25 - Õꞌacʉ̃ Yere Ucũrĩ Turi

²⁵ Tojo níca beꞌroacã Juda Jesure wiorãpʉre oꞌoacjʉ aꞌtiro niwĩ: —Ʉ̃sãrẽ buꞌegʉ, yʉꞌʉta nicãꞌsaꞌaba, niwĩ. Jesú cʉ̃rẽ yʉꞌtiwĩ: —Mʉꞌʉta niꞌi, niwĩ.

Tukano

²⁵ Tohô niîka be'roakã Juda Jesuré wiôrãpɨre o'oákɨhɨ a'tîro niîwĩ: —Ɨ̃sâre bu'egɨ́, yɨ'ɨ́ta niîkã'sa' baa, niîwĩ. Jesu kɨ̃ɨ̂re yɨ'tiwĩ́: —Mɨ'ɨ́ta niî', niîwĩ.

Mateus 26:25 Iomraidhean Croise

Mateus 23:7

Masã narẽ macã decopʉ wiopesase meꞌrã añuduticã ʉasama. Narẽ, “Ʉ̃sãrẽ buꞌerã” pisucã ʉasama.

Mateus 23:8

»Mʉsã pũrĩcã ãpẽrãrẽ “Mʉsã ʉ̃sãrẽ buꞌerã niꞌi”, ninoꞌticãꞌña. Aꞌtiro niꞌi. Mʉsã niꞌcʉ̃ põꞌrãta niꞌi. Yʉꞌʉ niꞌcʉ̃ta mʉsãrẽ buꞌegʉ niꞌi.

Mateus 26:14

Jesú numiorẽ tojo níca beꞌro ʉ̃sã Jesú buꞌerã meꞌrãcjʉ̃ níꞌcʉ, Juda Iscariote na nigʉ̃́ aꞌtiro weewĩ. Paꞌia wiorã tiropʉ waꞌatjĩgʉ̃, ucũgʉ̃ waꞌacʉ niwĩ.

Mateus 26:49

Cʉ̃ narẽ níꞌcaronojõta weewĩ. Maata Jesú tiropʉ ejanʉꞌcãgʉ̃, “Yʉꞌʉre buꞌegʉ”, niwĩ. Tojo nígʉ̃ta, Jesure waꞌsuporopʉ miꞌmiwĩ.

Mateus 26:64

Jesú cʉ̃rẽ yʉꞌticʉ niwĩ: —Cʉ̃́ta niꞌi mʉꞌʉ nírõnojõta. Apeye quẽꞌrãrẽ mʉsãrẽ werenemogʉ̃ti. Beꞌro yʉꞌʉ Õꞌacʉ̃ macʉ̃ masʉ̃ weronojõ upʉtigʉ Õꞌacʉ̃ tutuayʉꞌrʉgʉ pʉꞌtopʉ dujicã ĩꞌarãsaꞌa. Tojo nicã yʉꞌʉ oꞌmecururi buꞌipʉ apaturi dijaticã ĩꞌarãsaꞌa, nicʉ niwĩ.

Mateus 27:11

Beꞌro Jesure Judea diꞌta wiogʉ Pilato tiropʉ miacãrã niwã. Pilato cʉ̃rẽ sẽrĩtiñaꞌcʉ niwĩ: —¿Mʉꞌʉta niti judío masã wiogʉ? nicʉ niwĩ. Jesú cʉ̃rẽ yʉꞌticʉ niwĩ: —Mʉꞌʉ nírõnojõta cʉ̃́ta niꞌi, nicʉ niwĩ.

San Lucas 22:70

Tojo nicã tʉꞌorã, nipeꞌtirã sẽrĩtiñaꞌcãrã niwã: —¿To pũrĩcãrẽ mʉꞌʉ Õꞌacʉ̃ macʉ̃ niti? nicãrã niwã. Jesú narẽ yʉꞌticʉ niwĩ: —Mʉsã nírõnojõta cʉ̃́ta niꞌi, nicʉ niwĩ.

San Juan 18:37

Cʉ̃ tojo nicã tʉꞌogʉ, Pilato nicʉ niwĩ: —¿To pũrĩcãrẽ mʉꞌʉ wiogʉ niti? Jesú cʉ̃rẽ nicʉ niwĩ: —Mʉꞌʉ nírõnojõta yʉꞌʉ wiogʉ niꞌi. Yʉꞌʉ diacjʉ̃ cjasere weregʉ aꞌtopʉ aꞌti, bajuawʉ. Nipeꞌtirã diacjʉ̃ cjasere ʉarã, yʉꞌʉ ucũsere tʉꞌoma.

San Juan 4:31

Na aꞌtiri cura ʉ̃sã Jesure baꞌase ecarã weemiwʉ̃.