Mateus 22:40 - Õꞌacʉ̃ Yere Ucũrĩ Turi

⁴⁰ Aꞌte pʉaro dutisere wéérã, nipeꞌtise Moisé cʉ̃ dutiꞌquere, tojo nicã Õꞌacʉ̃ ye queti weremʉꞌtãrĩ masã na buꞌeꞌquere yʉꞌtirãta weeꞌe, niwĩ Jesú.

Tukano

⁴⁰ A'té pɨáro dutisére weérã, niî pe'tise Moisé kɨ̃ɨ̂ dutî'kere, tohô niikã́ Õ'âkɨ̃hɨ yee kiti werê mɨ'tarã naâ bu'ê'kere yɨ'tírãta weé', niîwĩ Jesu.

Mateus 22:40 Iomraidhean Croise

Mateus 7:12

”Mʉsãrẽ ãpẽrã añurõ weemeꞌrĩcã ʉasaꞌa. Mʉsã quẽꞌrã tojota narẽ añurõ weemeꞌrĩcãꞌña. Moisé dutiꞌque, tojo nicã Õꞌacʉ̃ ye quetire weremʉꞌtãrĩ masã ojaꞌque tojo weedutiꞌi.

San Juan 1:17

Õꞌacʉ̃ dutise Moisé meꞌrã oꞌonoꞌcaro niwʉ̃. Jesucristo meꞌrã peꞌe Õꞌacʉ̃ marĩrẽ maꞌisere masĩnoꞌo. Tojo nicã diacjʉ̃ cjasere masĩnoꞌo.

Romanos 13:9

Õꞌacʉ̃ aꞌtere dutise cũucʉ niwĩ. “Mʉsã nʉmosãnumia nitirãrẽ, marãpʉsʉmʉa nitirãrẽ aꞌmetãrãticãꞌña. Ãpẽrãrẽ wẽjẽcõꞌaticãꞌña. Yajaticãꞌña. Ãpẽrã yere ʉoticãꞌña” ni, dutise cũucʉ niwĩ. Aꞌte, tojo nicã nipeꞌtise apeye dutise cũuꞌquere niꞌcãrõpʉta neonʉꞌcõmasĩꞌi. Aꞌtiro niꞌi. Mʉsã, mʉsã basu maꞌirõnojõta mʉsã tiropʉ nirãrẽ maꞌiña, niꞌi.

Gálatas 5:14

Marĩ Moisé dutise nipeꞌtisere niꞌcãrõpʉta neonʉꞌcõmasĩꞌi. Aꞌtiro niꞌi: “Marĩ basu maꞌirõnojõta ãpẽrã quẽꞌrãrẽ maꞌirõʉaꞌa”, niꞌi.

1 Timoteo 1:5

Mʉsãrẽ aꞌmerĩ maꞌicã ʉagʉ, tojo dutiꞌi. Ñaꞌase marĩrã, buꞌiri marĩrã tʉꞌoñaꞌrã, diacjʉ̃ Õꞌacʉ̃rẽ ẽjõpeorã, queoro maꞌirãsaꞌa.

Santiago 2:8

Õꞌacʉ̃ marĩ wiogʉ cʉ̃ ye queti ojáca pũrĩpʉ aꞌtiro weeduticʉ niwĩ. “Mʉsã basu maꞌirõnojõta ãpẽrã quẽꞌrãrẽ maꞌiña.” Marĩ cʉ̃ tojo dutiꞌquere wéérã, añurõ weerã weeꞌe.