Mateus 22:18 - Õꞌacʉ̃ Yere Ucũrĩ Turi

¹⁸ Tojo weegʉ Jesú na ñaꞌarõ wãcũsere ĩꞌagʉ̃, aꞌtiro niwĩ: —Mʉsã tojo nírã, weetaꞌsari masã niꞌi. ¿Deꞌro weerã yʉꞌʉre mejẽcã yʉꞌtigʉ, buꞌiri bocagʉsami nírã, sẽrĩtiñaꞌti?

Tukano

¹⁸ Tohô weégɨ Jesu naâ yã'âro wãkusére ĩ'yâgɨ, a'tîro niîwĩ: —Mɨsâ tohô niîrã, weé ta'sarã niî'. De'ró weérã yɨ'ɨ̂re mehêkã yɨ'tígɨ, bu'îri bokagɨ́sami niîrã, sẽrí yã'ati?

Mateus 22:18 Iomraidhean Croise

Mateus 12:15

Jesú cʉ̃rẽ wẽjẽsĩꞌrĩsere masĩgʉ̃, omocã bʉꞌawiaꞌcʉre yʉꞌrʉoꞌcaropʉ níꞌcʉ wijaawãꞌcãwĩ. Cʉ̃rẽ masã pãjãrã sirutuwã. Nipeꞌtirã dutitirãrẽ yʉꞌrʉowĩ.

Mateus 19:3

Narẽ yʉꞌrʉocã ĩꞌarã, fariseo masã Jesure buꞌiri bocasĩꞌrĩrã, cʉ̃ tiro waꞌa, sẽrĩtiñaꞌwã: —¿Niꞌcʉ̃ noꞌo mejõ niseacã meꞌrã cʉ̃ nʉmorẽ cõꞌamasĩsari? ¿Marĩrẽ dutise tojo niti? niwã.

Mateus 22:17

Tojo weerã mʉꞌʉrẽ apeyenojõ sẽrĩtiñaꞌrã aꞌtiapʉ. Romano masã wiogʉre cʉ̃ niyeru wapaseesere wapayecã, marĩrẽ dutise ¿añuti, o ñaꞌa nitine? Na Jesure buꞌiri bocasĩꞌrĩrã, tojo niwã. (Jesú “Wapayeroʉaꞌa” nicãma, judío masã “Õꞌacʉ̃ niꞌcʉ̃rẽta ẽjõpeoroʉaꞌa; mʉꞌʉ tojo nise ñaꞌa niꞌi”, nibocãrã niwã. “Wapayeticãꞌrõʉaꞌa” nicã peꞌe, “Romano masã wiogʉre yʉꞌrʉnʉꞌcãgʉ̃ weeꞌe”, nibocãrã niwã.)

Mateus 22:19

Niyeru cuji romano masã wiogʉre wapayeri cujinojõrẽ miitia, niwĩ. Cʉ̃ tojo nicã tʉꞌorã, niꞌcã nʉmʉ daꞌrawapataꞌari cujinojõrẽ miitiwã.

Marcos 12:5

Ti wese wiogʉ apĩrẽ oꞌónemosami tja. Ãꞌrĩma diacjʉ̃ta wẽjẽcãꞌsama. Beꞌro pãjãrã oꞌónemosami. Ãpẽrãrẽ paasama. Ãpẽrãrẽ wẽjẽcãꞌsama.

Marcos 2:8

Jesú cʉ̃ basu na wãcũsere ĩꞌamasĩgʉ̃, aꞌtiro nicʉ niwĩ narẽ: —¿Deꞌro weerã mʉsã yʉꞌʉre ñaꞌarõ mejẽcã wãcũti?

San Lucas 10:25

Beꞌro niꞌcʉ̃ Moisé ojaꞌquere buꞌeri masʉ̃ Jesú cʉ̃ ucũsere tʉꞌogʉ, wãꞌcãnʉꞌcã, Jesú meꞌrã ucũgʉ̃ waꞌacʉ niwĩ. Cʉ̃rẽ mejẽcã yʉꞌticã ʉagʉ, aꞌtiro sẽrĩtiñaꞌcʉ niwĩ: —Masãrẽ buꞌegʉ, yʉꞌʉ Õꞌacʉ̃ meꞌrã catinuꞌcũsĩꞌrĩgʉ̃, ¿deꞌro weegʉsari? nicʉ niwĩ.

San Lucas 20:23

Jesú peꞌe na ñaꞌarõ weesĩꞌrĩse meꞌrã sẽrĩtiñaꞌcã ĩꞌamasĩcãꞌcʉ niwĩ. Tojo weegʉ aꞌtiro nicʉ niwĩ:

San Lucas 5:22

Jesú na wãcũsere ĩꞌamasĩgʉ̃, aꞌtiro nicʉ niwĩ: —¿Deꞌro weerã mʉsã yʉꞌʉre mejẽcã wãcũmaꞌati?

San Lucas 9:47

Jesú na tojo wãcũsere ĩꞌamasĩcãꞌcʉ niwĩ. Tojo weegʉ niꞌcʉ̃ wĩꞌmagʉ̃rẽ cʉ̃ pʉꞌto wejeonʉꞌcõ,

San Juan 8:6

¿Deꞌro yʉꞌtigʉsari? nírã, cʉ̃rẽ tojo sẽrĩtiñaꞌwã. Na aꞌtiro wãcũwã: “Cʉ̃ mejẽcã yʉꞌticã, wiorãrẽ weresãrãsaꞌa”, ni wãcũwã. Na sẽrĩtiñaꞌcã tʉꞌogʉ, muꞌrĩqueꞌa, cʉ̃ omopica meꞌrã nucũcãpʉ ojawĩ.

Hechos 5:9

Co tojo nicã, Pedro nicʉ niwĩ: —Mʉsã Espíritu Santu ĩꞌorõ nisooapʉ. Õꞌacʉ̃ ĩꞌatisami ʉ̃sã tojo weecã, ¿ni wãcũmiati? Niꞌcãrõacã mʉꞌʉ marãpʉre yaarã ejaꞌcãrã tojatarã weema. Mʉꞌʉ quẽꞌrã mʉꞌʉ marãpʉ waꞌaꞌcaronojõta wẽrĩgõsaꞌa. Mʉꞌʉ quẽꞌrãrẽ yaarãsama mʉꞌʉ marãpʉre yaaꞌcaro weronojõta, nicʉ niwĩ Pedro.

Apocalipse 2:23

Co põꞌrãrẽ wẽrĩcã weegʉti. Tojo weecã, nipeꞌtirã Jesucristore ẽjõpeose cururicjãrã aꞌtiro nirãsama: “Cʉ̃ masã tʉꞌoñaꞌsere masĩmi”, nirãsama. “Na poꞌpeapʉ wãcũsere, ʉ̃sã quẽꞌrãrẽ masĩpeꞌocãꞌmi”, nirãsama. “Marĩ nisetisere queoro wapeyegʉsami”, nirãsama.