Mateus 21:5 - Õꞌacʉ̃ Yere Ucũrĩ Turi

⁵ Jerusalẽ́cjãrãrẽ aꞌtiro niña: “Ĩꞌaña. Mʉsã wiogʉ mʉsã tiropʉ aꞌtimi. Mejõ nigʉ̃́ weronojõ burra macʉ̃ wĩꞌmagʉ̃ buꞌipʉ pesawãꞌcãtimi”, ni ojacʉ niwĩ.

Tukano

⁵ Jerusalẽ́kãharãre a'tîro niîya: “Ĩ'yâya. Mɨsâ wiôgɨ mɨsâ tiropɨ a'tîmi. Mehô niigɨ́ weeró noho jumenta makɨ wi'magɨ́ bu'ipɨ pesâ wã'katimi”, niî ohâkɨ niîwĩ.

Mateus 21:5 Iomraidhean Croise

Génesis 49:10

Judá, mʉꞌʉ dutisere ne niꞌcʉ̃ mʉꞌʉrẽ ẽꞌmasome. Téé nipeꞌtirocjãrãrẽ dutiacjʉ aꞌticãpʉ ninuꞌcũgʉ̃saꞌa. Mʉꞌʉrẽ nipeꞌtise macãrĩcjãrã yʉꞌtirãsama.

Mateus 11:29

Yʉꞌʉ dutisere, yʉꞌʉ ʉaronojõ weeya. Mʉsã tojo weecã, weetamugʉ̃ti. Yʉꞌʉ daꞌradutipegʉ niweꞌe. Yʉꞌʉ mʉsãrẽ pajañaꞌgʉ̃, mejõ nigʉ̃ weronojõ weeꞌe. Mʉsã bʉjawetisere yʉꞌʉre werecã, mʉsãrẽ eꞌcatise dʉcayugʉti.

Mateus 2:2

Topʉ etarã, sẽrĩtiñaꞌcãrã niwã: —Judío masã wiogʉ niacjʉ wĩꞌmagʉ̃ ¿noꞌopʉ bajuapari? Ʉ̃sã ya macã mujĩpũ mʉjãtiro peꞌe dʉporopʉ ñocõawʉ̃ ʉ̃sã ĩꞌatiꞌcʉre ĩꞌawʉ̃. Cʉ̃rẽ ĩꞌarã, “Wiogʉ niacjʉ bajuatojapĩ”, niwʉ̃. Tojo weerã cʉ̃rẽ ẽjõpeorã aꞌtiapʉ, nicãrã niwã.

Mateus 2:6

Belẽ́, Judea diꞌtapʉ nirĩ macã mejõ nirĩ macã mejẽta niꞌi. Ti diꞌta nise macãrĩ waꞌteropʉre ti macãcjʉ̃ niꞌcʉ̃ wiogʉ wijagʉsami. Yarã masã Israe curuacjãrãrẽ coꞌteacjʉ nigʉ̃sami, ni ojanoꞌcaro niwʉ̃, ni werecãrã niwã Herodere.

Mateus 21:6

Beꞌro Jesú cʉ̃ oꞌóꞌcãrã ti macãpʉ waꞌa, cʉ̃ weedutiꞌcaronojõta weecãrã niwã.

San Lucas 24:27

Beꞌro nipeꞌtise Õꞌacʉ̃ ye queti ojáca pũrĩpʉ cʉ̃ ye cjase ucũsere werecʉ niwĩ. Moisé cʉ̃ ojaꞌque meꞌrã werenʉꞌcãcʉ niwĩ. Téé Õꞌacʉ̃ ye queti weremʉꞌtãrĩ masã na ojaꞌque meꞌrã yapatidaꞌreocʉ niwĩ.

San Juan 1:49

Natanae cʉ̃rẽ niwĩ: —Ʉ̃sãrẽ buꞌegʉ, mʉꞌʉ Õꞌacʉ̃ macʉ̃ Israe curuacjãrã wiogʉ niꞌi.

2 Corintios 10:1

Yʉꞌʉ Pablo mʉsãrẽ apeyenojõ weregʉti. Cristo tuꞌtiro marĩrõ cʉ̃ añurõ pajañaꞌse meꞌrã ucũrõnojõta mʉsãrẽ ojasĩꞌrĩsaꞌa. Ãpẽrã yʉꞌʉre aꞌtiro nisama: “Cʉ̃ marĩ tiropʉ tutuatigʉ, pajasecʉogʉ weronojõ ucũmeꞌrĩcãꞌmi”, nisama. “Yoaropʉ papera oꞌógʉ peꞌe, tutuaro meꞌrã ojaoꞌomi”, nisama.