Mateus 21:44 - Õꞌacʉ̃ Yere Ucũrĩ Turi

⁴⁴ Ʉ̃tãgã yʉꞌʉ werecagare aꞌtiro weregʉti. Noꞌo tigapʉ bʉrʉpejagʉnojõ mʉtõdijonoꞌgʉ̃sami. Noꞌo tiga peꞌe cʉ̃ buꞌipʉ doquepejacãma, añuse poꞌcapʉ waꞌagʉsami, niwĩ. Tojo nígʉ̃, cʉ̃rẽ ʉatirã beꞌropʉ buꞌiri daꞌrenoꞌrãsama nígʉ̃, tojo niwĩ.

Tukano

⁴⁴ Ɨ̃tâga yɨ'ɨ̂ werêkagare a'tîro werêgɨti. No'ó tigapɨ́ bɨrɨ̂ pehagɨ noho mɨto dihó no'ogɨsami. No'ó tigá pe'e kɨ̃ɨ̂ bu'ipɨ dokê pehakã maa, ãyusé mara wa'âgɨsami, niîwĩ. Tohô niîgɨ, kɨ̃ɨ̂re ɨatírã be'ropɨ́ bu'îri da'rê no'orãsama niîgɨ, tohô niîwĩ.

Mateus 21:44 Iomraidhean Croise

Mateus 21:43

Tojo weegʉ mʉsãrẽ weregʉti. Sĩꞌi wese wiogʉ sõjã coꞌterãrẽ diꞌta ẽꞌmaꞌcaro weronojõ Õꞌacʉ̃ mʉsãrẽ weegʉsami. Õꞌacʉ̃ mʉsã wiogʉ nisĩꞌrĩmiwĩ. Nipeꞌtise añuse cʉ̃ wiogʉ nirõpʉ nise mʉsã ye nibopã. Mʉsã Õꞌacʉ̃ ye quetire weremʉꞌtãrĩ masãrẽ, tojo nicã yʉꞌʉre ʉatise ye buꞌiri Õꞌacʉ̃ mʉsã cʉoboꞌquere ẽꞌmagʉ̃sami. Ãpẽrã peꞌere oꞌogʉsami. Na yʉꞌʉre ẽjõpeo, Õꞌacʉ̃ ʉaro weerãsama.

Mateus 21:45

Paꞌia wiorã, ãpẽrã fariseo masã Jesú te queose meꞌrã werecã tʉꞌorã, “Marĩrẽ tojo nigʉ̃ weesami”, niwã.

Mateus 26:24

Yʉꞌʉ Õꞌacʉ̃ macʉ̃ masʉ̃ weronojõ upʉtigʉre Õꞌacʉ̃ ye queti ojáca pũrĩ níꞌcaronojõta waꞌarosaꞌa. Tojo waꞌacã, yʉꞌʉre wiorãpʉre oꞌogʉma ñaꞌabutiaro waꞌarosaꞌa. Cʉ̃ diacjʉ̃ta bajuatiyʉꞌrʉocã, nemorõ añubopã, niwĩ.

Mateus 27:25

Cʉ̃ tojo nicã tʉꞌorã, masã nipeꞌtirã topʉ nirã́ yʉꞌticãrã niwã: —Cʉ̃ wẽrĩse wapa ʉ̃sã põꞌrã meꞌrã buꞌiri cʉorãti, nicãrã niwã.

San Lucas 2:34

Beꞌro Simeó narẽ “Õꞌacʉ̃ mʉsãrẽ añurõ weeato”, nicʉ niwĩ. María, Jesú pacore aꞌtiro nicʉ niwĩ: —Õꞌacʉ̃ ãꞌrĩ wĩꞌmagʉ̃rẽ aꞌtiro weedutigʉ beseapĩ. Cʉ̃rẽ ʉatirã Israe curuacjãrã cõꞌadijonoꞌrãsama. Cʉ̃rẽ ʉarã peꞌe morõpeonoꞌrãsama. Cʉ̃ Õꞌacʉ̃ ye cjasere ĩꞌomʉꞌtãgʉ̃ nigʉ̃sami. Pãjãrã cʉ̃rẽ teerãsama.

San Lucas 20:18

Noꞌo tiga buꞌipʉ bʉrʉpejagʉnojõ mʉtõdijonoꞌgʉ̃sami. Noꞌo tiga peꞌe cʉ̃ buꞌipʉ doquepejacãma, añuse poꞌcapʉ waꞌagʉsami, nicʉ niwĩ. Tojo nígʉ̃, cʉ̃rẽ ʉatirã beꞌropʉ buꞌiri daꞌrenoꞌrãsama nígʉ̃, tojo nicʉ niwĩ.

San Juan 19:11

Jesú cʉ̃rẽ nicʉ niwĩ: —Õꞌacʉ̃ mʉꞌʉrẽ cãꞌmotaꞌacã, mʉꞌʉ tojo weemasĩtiboapã. Tojo weegʉ yʉꞌʉre mʉꞌʉ tiropʉ oꞌoꞌcʉ mʉꞌʉ nemorõ buꞌiritimi, nicʉ niwĩ.

Romanos 9:33

Tojo weero Õꞌacʉ̃ ye queti ojáca pũrĩpʉ ojaꞌque queoro waꞌacaro niwʉ̃. Aꞌtiro ojanoꞌcaro niwʉ̃ Õꞌacʉ̃ macʉ̃rẽ: Niꞌcãgã ʉ̃tãgã dʉpogʉ weronojõ niꞌcʉ̃rẽ Jerusalẽ́pʉre dʉpogʉti. Tigapʉ ʉꞌtayuria bʉrʉqueꞌarã weronojõ yʉꞌʉ dʉpoꞌcʉre ẽjõpeotirã, buꞌiri daꞌre bajurionoꞌrãsama. Cʉ̃rẽ ẽjõpeorã peꞌe “Mejõ waro ẽjõpeocãti”, nisome, ni ojanoꞌcaro niwʉ̃.

1 Tesalonicenses 2:16

Judío masã nitirãrẽ Õꞌacʉ̃ yʉꞌrʉocã ʉatima. Tojo weerã narẽ Jesú ye quetire werecã ʉasãtirã, aꞌtiro weewã. Ʉ̃sã narẽ weresere cãꞌmotaꞌasĩꞌrĩmiwã. Na ñaꞌarõ weese siape meꞌrã nemorõ weeꞌe. Tojo weerã na pajibutiaro buꞌiri cʉoma. Na yʉꞌrʉnʉꞌcãpose buꞌiri niꞌcãrõacãpʉta na Õꞌacʉ̃ buꞌiri daꞌresere bocarãsama.

1 Pedro 2:8

Apeye ojanemocãrã niwã tja: Õꞌacʉ̃ cʉ̃ besecaga ʉ̃tãgãpʉ masã pʉꞌatuu, bʉrʉqueꞌarãsama. Aꞌte aꞌtiro nisĩꞌrĩrõ weeꞌe. Jesucristore Õꞌacʉ̃ besecʉ niwĩ. Tigapʉ pʉꞌatuu, bʉrʉqueꞌaꞌcaro weronojõ Jesucristore ẽjõpeotirã buꞌiri daꞌrenoꞌrãsama. Todʉporopʉta maata Õꞌacʉ̃ cʉ̃ macʉ̃rẽ ẽjõpeotirã tojo waꞌarãsama, nitojacʉ niwĩ.