Mateus 21:15 - Õꞌacʉ̃ Yere Ucũrĩ Turi

¹⁵ Paꞌia wiorã, Moisé ojaꞌquere buꞌeri masã peꞌe cʉ̃ añuse weeĩꞌocã ĩꞌarã, tʉꞌsatiwã. Wĩꞌmarã ti wiꞌi poꞌpeapʉ nirã́ aꞌtiro caricũwã: —Dʉporocjʉ̃pʉ wiogʉ níꞌcʉ Davi pãrãmirẽ eꞌcatise oꞌorã, niwã. Tere tʉꞌorã, paꞌia wiorã quẽꞌrã ua waꞌawã.

Tukano

¹⁵ Sacerdotea wiôrã, Moisé ohâ'kere bu'erã́ pe'e kɨ̃ɨ̂ ãyusé weé ĩ'yokã ĩ'yârã, tɨ'sâtiwã. Wi'marã́ tií wi'i po'peapɨ niirã́ a'tîro karíkũwã: —Dɨporókɨ̃hɨpɨ wiôgɨ niî'kɨ Davi paramíre e'katí peorã, niîwã. Teeré tɨ'órã, sacerdotea wiôrã kẽ'ra uâ wa'âwã.

Mateus 21:15 Iomraidhean Croise

Mateus 20:24

Ʉ̃sã diez na tojo sẽrĩcã tʉꞌorã, na meꞌrã ua waꞌawʉ.

Mateus 21:23

Beꞌro Jesú Õꞌacʉ̃ wiꞌipʉ sãjãawĩ. Cʉ̃ ti wiꞌipʉ buꞌeri cura paꞌia wiorã, ãpẽrã judío masã bʉcʉrã cʉ̃ tiropʉ aꞌtiwã. Cʉ̃rẽ buꞌiri bocasĩꞌrĩrã, sẽrĩtiñaꞌwã: —¿Deꞌronojõ dutise meꞌrã mʉꞌʉ weesere tojo weeti? ¿Noa mʉꞌʉrẽ tojo weedutigʉ dutise oꞌoati? niwã.

Mateus 21:9

Masã cʉ̃ dʉporo waꞌarã, cʉ̃ beꞌrocjãrã quẽꞌrã eꞌcatise meꞌrã caricũwã: —Dʉporocjʉ̃pʉ wiogʉ níꞌcʉ Davi pãrãmirẽ eꞌcatise oꞌorã. Añurõ waꞌato ãꞌrĩ Õꞌacʉ̃ oꞌóꞌcʉre. Ʉꞌmʉsecjãrã cʉ̃rẽ “Añubutiami” ni, eꞌcatise oꞌoato, ni caricũwãꞌcãwã.

Mateus 22:42

—Mʉsã Cristo Õꞌacʉ̃ beseꞌcʉre ¿deꞌro tʉꞌoñaꞌti? ¿Noa macʉ̃ niti cʉ̃? niwĩ. Cʉ̃rẽ yʉꞌtiwã: —Dʉporocjʉ̃pʉ wiogʉ Davi pãrãmi nituriagʉ nimi, niwã.

Mateus 26:3

Titare paꞌia wiorã, Moisé ojaꞌquere buꞌeri masã, judío masã bʉcʉrã, Caifá paꞌia wiogʉ ya wiꞌi sope pʉꞌtopʉ nerẽcãrã niwã.

Mateus 26:59

Paꞌia wiorã, judío masã bʉcʉrã, nipeꞌtirã wiorã Jesure wẽjẽsĩꞌrĩcãrã niwã. Tojo weerã diacjʉ̃ nitise meꞌrã cʉ̃rẽ weresãtjere aꞌmacãrã niwã.

Mateus 27:1

Ñamiacãcure nipeꞌtirã paꞌia wiorã, tojo nicã judío masã bʉcʉrã nerẽcãrã niwã. Nerẽ, niꞌcãrõnojõ wãcũseticãrã niwã. “¿Deꞌro wee marĩ Jesure wẽjẽrãsari?” ni apoyucãrã niwã.

Mateus 27:20

Paꞌia wiorã, tojo nicã judío masã bʉcʉrã masãrẽ aꞌtiro niduticãrã niwã: —Barrabá peꞌere duꞌuwĩrõdutiya. Jesú peꞌere wẽjẽdutiya, nicãrã niwã.

Mateus 9:27

Jesú wiogʉ ya wiꞌipʉ níꞌcʉ wijaari cura pʉarã caperi ĩꞌatirã cʉ̃rẽ caricũsirutuwã. —Davi pãrãmi nituriagʉ, ʉ̃sãrẽ pajañaꞌcureya, ni caricũwã.

Marcos 11:18

Paꞌia wiorã, ãpẽrã Moisé ojaꞌquere buꞌeri masã cʉ̃ tojo nisere tʉꞌocãrã niwã. Beꞌro na tʉꞌo, “¿Deꞌro wee marĩ ãꞌrĩrẽ wẽjẽrãsari?” ni, buꞌiri aꞌmanʉꞌcãcãrã niwã. Cʉ̃ buꞌesere nipeꞌtirã tʉꞌomarĩamʉjãcã ĩꞌarã, cʉ̃rẽ uicãrã niwã.

San Lucas 20:1

Ape nʉmʉ Jesú Õꞌacʉ̃ wiꞌipʉ masãrẽ buꞌégʉ, cʉ̃ masãrẽ yʉꞌrʉose quetire werecʉ niwĩ. Topʉ paꞌia wiorã, ãpẽrã Moisé ojaꞌquere buꞌeri masã, judío masã bʉcʉrã meꞌrã Jesú tiro waꞌacãrã niwã.

San Lucas 22:2

Titare paꞌia wiorã, Moisé ojaꞌquere buꞌeri masã “¿Deꞌro wee Jesure wẽjẽrõʉamitito?” nicãrã niwã. Tojo nimirã, masãrẽ ui nicãrã niwã.

San Lucas 22:66

Ape nʉmʉ boꞌreacã judío masã bʉcʉrã, paꞌia wiorã, Moisé ojaꞌquere buꞌeri masã nerẽcãrã niwã. Beꞌro Jesure na tiropʉ miacãrã niwã. Cʉ̃rẽ sẽrĩtiñaꞌcãrã niwã:

San Juan 11:57

Fariseo masã, paꞌia wiorã masãrẽ aꞌtiro duticãrã niwã: —Mʉsã Jesú topʉ niapʉ nisere masĩrã, ʉ̃sãrẽ wereya. Na werecã, buꞌiri daꞌreri wiꞌipʉ Jesure miarãti nírã, tojo nicãrã niwã.

San Juan 12:19

Fariseo masã peꞌe tojo weecã ĩꞌarã, aꞌmerĩ nicãrã niwã: —¿Ĩꞌati mʉsã? Nipeꞌtirã cʉ̃ meꞌrã waꞌarã weema. ¿Marĩ deꞌro weebosaʉ? niwã.

San Juan 4:1

Pãjãrã masã Jesure sirutuwã. Juã wãmeyeri masʉ̃ yʉꞌrʉoro ʉ̃sã Jesú buꞌerã peꞌe masãrẽ wãmeyewʉ. Jesú cʉ̃ basu narẽ wãmeyetiwĩ. Aꞌte, pãjãrã masã sirutuse, wãmeyese quetire fariseo masã tʉꞌocãrã niwã. Te quetire tʉꞌoapã nígʉ̃, Jesú Judeapʉ níꞌcʉ Galileapʉ waꞌawĩ.

San Juan 7:42

Õꞌacʉ̃ ye queti ojáca pũrĩpʉ aꞌtiro niwʉ̃: ‘Õꞌacʉ̃ beseꞌcʉ Davi weronojõ Belẽcjʉ̃́ nigʉ̃sami. Cʉ̃ pãrãmi nituriagʉpʉ nigʉ̃sami’, ni ojanoꞌwʉ̃”, niwã.