Mateus 20:21 - Õꞌacʉ̃ Yere Ucũrĩ Turi

²¹ Jesú core niwĩ: —¿Ñeꞌenojõrẽ yʉꞌʉ weecã ʉasari? niwĩ. Cʉ̃rẽ yʉꞌtiwõ: —Mʉꞌʉ wiogʉ sãjãgʉ̃, ãꞌrã yʉꞌʉ põꞌrã pʉarãrẽ mʉꞌʉrẽ dutitamudutigʉ sõrõapa. Niꞌcʉ̃ mʉꞌʉ diacjʉ̃ peꞌe, apĩ cũpe peꞌe dʉpoapa, niwõ.

Tukano

²¹ Jesu koôre niîwĩ: —Yẽ'e nohóre yɨ'ɨ̂ weekã́ ɨasarí? niîwĩ. Kɨ̃ɨ̂re yɨ'tiwṍ: —Mɨ'ɨ̂ wiôgɨ sãhágɨ, ã'rá yɨ'ɨ̂ põ'ra pɨárãre mɨ'ɨ̂re dutî tamu dutigɨ sõróoapa. Ni'kɨ́ mɨ'ɨ̂ diakɨ̃hɨ́ pe'e, ãpí kũûpe' pe'e dɨpoápa, niîwõ.

Mateus 20:21 Iomraidhean Croise

Mateus 18:1

Õꞌacʉ̃ wiꞌi cjase wapaseeri masãrẽ Pedro wapayegʉ waꞌacaterore ʉ̃sã Jesú tiropʉ waꞌa, cʉ̃rẽ niwʉ̃: —Ʉꞌmʉsepʉre ¿noanojõ ʉ̃sã mʉꞌʉ besecṹúꞌcãrã ãpẽrã yʉꞌrʉoro niyʉꞌrʉnʉꞌcãgʉ̃sari? niwʉ̃.

Mateus 19:28

Jesú ʉ̃sãrẽ niwĩ tja: —Diacjʉ̃ mʉsãrẽ nigʉ̃ti. Õꞌacʉ̃ aꞌti turire ne waropʉ weeꞌcaro weronojõ apaturi weecã, yʉꞌʉ Õꞌacʉ̃ macʉ̃ wiogʉ sãjãgʉ̃́saꞌa. Tojo yʉꞌʉ weecã, mʉsã quẽꞌrã yʉꞌʉre dutitamurãsaꞌa. Tojo nicã mʉsã yʉꞌʉre ẽjõpeorã doce cururi Israe cururicjãrãrẽ dutirãsaꞌa.

Mateus 20:22

Co tojo nicã tʉꞌogʉ, Jesú co põꞌrãrẽ niwĩ: —Mʉsã yʉꞌʉre sẽrĩsere tʉꞌomasĩweꞌe. Yʉꞌʉ ʉpʉtʉ piꞌeti, wẽrĩgʉ̃saꞌa. ¿Mʉsã quẽꞌrã yʉꞌʉ weronojõ piꞌetimasĩti? niwĩ. Na yʉꞌtiwã: —Ʉ̃ʉ. Piꞌetimasĩꞌi.

Mateus 20:32

Na tojo nicã tʉꞌogʉ, Jesú tojanʉꞌcã, narẽ pijio sẽrĩtiñaꞌwĩ: —¿Deꞌro yʉꞌʉ weecã ʉasari? niwĩ.

Marcos 10:51

Topʉ ejacã, Jesú cʉ̃rẽ sẽrĩtiñaꞌcʉ niwĩ: —¿Deꞌro yʉꞌʉ weecã ʉasari? —Masãrẽ buꞌegʉ, yʉꞌʉre caperi bajucã ʉasaꞌa, nicʉ niwĩ.

Marcos 16:19

Beꞌro marĩ wiogʉ Jesú cʉ̃ buꞌerãrẽ wéréca beꞌro Õꞌacʉ̃ ʉꞌmʉsepʉ cʉ̃rẽ miimʉjãa waꞌacʉ niwĩ. Topʉre cʉ̃ pacʉ tiropʉ diacjʉ̃ peꞌe ejanujãcʉ niwĩ.

Marcos 6:22

Na baꞌaropʉ Herodía macõ sãjãa, basaĩꞌoco niwõ. Co basaĩꞌosere Herode, ãpẽrã cʉ̃ meꞌrã baꞌadujirã tʉꞌsayʉꞌrʉacãrã niwã. Tojo weegʉ Herode nicʉ niwĩ core: —Noꞌo mʉꞌʉ ʉasenojõrẽ sẽrĩcã, mʉꞌʉrẽ oꞌogʉti, nicʉ niwĩ.

San Lucas 18:41

—¿Deꞌro yʉꞌʉ weecã ʉasari? nicʉ niwĩ. Caperi bajunoꞌtigʉ yʉꞌticʉ niwĩ: —Wiogʉ, yʉꞌʉre caperi bajucã ʉasaꞌa.

San Lucas 19:11

Jesú Zaqueore ucũcã, masã tʉꞌocãrã niwã. Cʉ̃ Jerusalẽ́ pʉꞌtopʉ nicã ĩꞌarã, “Maata Jesú wiogʉ sãjãgʉ̃́sami”, wãcũcãrã nimiwã.

San Lucas 22:24

Beꞌro Jesú buꞌerã ʉpʉtʉ aꞌmerĩ ucũcãrã niwã: —Marĩ waꞌterore ¿noa nirõsariba marĩ yʉꞌrʉoro niacjʉ? nicãrã niwã.

San Juan 15:7

»Mʉsã yʉꞌʉ meꞌrã ninuꞌcũrã, yʉꞌʉ buꞌesere wãcũrã, Õꞌacʉ̃rẽ mʉsã ʉasere sẽrĩña. Cʉ̃ yʉꞌtigʉsami.

Hechos 1:6

Jesú cʉ̃ buꞌerã meꞌrã nerẽcaterore cʉ̃rẽ sẽrĩtiñaꞌcãrã niwã: —¿Jesú, ʉ̃sã wiogʉ, mʉꞌʉ romano masãrẽ wiorã nise dʉcayugʉsari? ¿Dʉcayu, judío masãrẽ wiorã sõrõgʉ̃sari? Marĩ ñecʉ̃ Davi, cʉ̃ macʉ̃ Salomó aꞌti diꞌtacjãrãrẽ duticãrã niwã. ¿Na dutiꞌcaro weronojõ niꞌcãrõacãrẽ judío masã tja apaturi dutirãsari? ni sẽrĩtiñaꞌcãrã niwã.

Romanos 12:10

Jesucristore ẽjõpeorã niꞌcʉ̃ põꞌrã weronojõ aꞌmerĩ maꞌiña. Mʉsã weese meꞌrã ãpẽrã, ãpẽrã peꞌere añurõ wãcũdutirã tojo weeya. Aꞌmerĩ wiopesase meꞌrã ĩꞌaña.

Romanos 8:34

Ne niꞌcʉ̃ “Ãꞌrãrẽ buꞌiri daꞌreroʉaꞌa”, nímasĩtisami. Aꞌtiro niꞌi. Jesucristota marĩrẽ wẽrĩbosacʉ niwĩ. Wẽrĩtoja, masãcʉ niwĩ. Niꞌcãrõacã cʉ̃ pacʉ diacjʉ̃ peꞌe wiogʉ dujiri cũmurõpʉ marĩ ye niatjere sẽrĩbosagʉ weesami. Tojo weegʉ ne niꞌcʉ̃ marĩ Õꞌacʉ̃ beseꞌcãrãrẽ “Buꞌiri daꞌreroʉaꞌa”, nímasĩtisami.

Colosenses 3:1

Yʉꞌʉ mʉsãrẽ todʉporopʉ níꞌcaronojõta Jesucristo wẽrĩcʉ niwĩ. Mʉsã cʉ̃ wẽrĩse meꞌrã todʉporopʉ weesetiꞌquere duꞌucãrã niwʉ̃. Cʉ̃rẽ cʉ̃ tutuase meꞌrã cʉ̃ pacʉ masõcʉ niwĩ. Mʉsã quẽꞌrãrẽ cʉ̃ macʉ̃rẽ ẽjõpeoyucã, cʉ̃ tutuase meꞌrã mʉsãrẽ catinuꞌcũcã weecʉ niwĩ. Tojo weerã aꞌti turi cjasere wãcũticãꞌña. Ʉꞌmʉse cjase peꞌere wãcũña. Mʉsã Õꞌacʉ̃pʉre Jesucristo meꞌrã niꞌi. Jesucristo ʉꞌmʉsepʉ Õꞌacʉ̃ meꞌrã wiogʉ dujiri cũmurõpʉ nimi. Tojo weerã mʉsã Jesucristo nirṍ ʉꞌmʉsepʉ cjasere añurõ wãcũnʉrʉ̃ña.