Mateus 13:44 - Õꞌacʉ̃ Yere Ucũrĩ Turi

⁴⁴ Jesú aꞌtiro werenemowĩ: —Mʉsãrẽ Õꞌacʉ̃ wiogʉ nisere werenemogʉ̃ti. Cʉ̃ mʉsã wiogʉ nise nipeꞌtise yʉꞌrʉoro añuyʉꞌrʉnʉꞌcãꞌa. Niꞌcʉ̃ apeyenojõ wapabʉjʉsere ãpẽrã ya diꞌta poꞌpeapʉ nʉoꞌquere bocaꞌcaro weronojõ niꞌi. Tere bocáca beꞌro mejãrõpʉta yaacũusami tja. Beꞌro eꞌcatise meꞌrã waꞌa, nipeꞌtise cʉ̃ cʉosere duapeꞌocãꞌsami. Cʉ̃ duaꞌque wapa meꞌrã ti diꞌtare duumiicãꞌsami, niwĩ.

Tukano

⁴⁴ Jesu a'tîro werê nemowĩ: —Mɨsâre Õ'âkɨ̃hɨ wiôgɨ niisére werê nemogɨti. Kɨ̃ɨ̂ mɨsâ wiôgɨ niisé niî pe'tise yɨ'rɨóro ãyú yɨ'rɨ nɨ'ka'. Ni'kɨ́ apêye noho wapa bɨhɨ́sere ãpêrã yaá di'ta po'peapɨ nɨó'kere boká'karo weeró noho niî'. Teeré bokáka be'ro meharópɨta yaa kũúsami taha. Be'ró e'katíse me'ra wa'â, niî pe'tise kɨ̃ɨ̂ kɨosére duâ pe'okã'sami. Kɨ̃ɨ̂ duâ'ke wapa me'ra tií di'tare duu miíkã'sami, niîwĩ.

Mateus 13:44 Iomraidhean Croise

Mateus 13:24

Jesú apeye queose meꞌrã ʉ̃sãrẽ werenemowĩ: —Õꞌacʉ̃ wiogʉ nise aꞌtiro weronojõ niꞌi. Niꞌcʉ̃ masʉ̃ añuse capere cʉ̃ ya wesepʉ otesami.

Mateus 13:46

Cʉ̃ wapabʉjʉri pe, niꞌcã pere bocaejagʉ, aꞌtiro weesami. Bocaeja, cʉ̃ cʉosere duapeꞌocãꞌsami. Cʉ̃ duaꞌque wapa meꞌrã ti pe wapabʉjʉri pere duumiicãꞌsami. Õꞌacʉ̃ mʉsã wiogʉ nicã, ti pe wapabʉjʉri pere bocase weronojõ niꞌi.

Mateus 13:47

»Beꞌropʉ Õꞌacʉ̃ masãrẽ beseatjere weregʉti. Waꞌi wẽjẽrĩ masã niꞌcãgʉ̃ wejecʉjo dia pajiri maapʉ doqueñosama. Tigʉpʉre nirãnʉcʉ̃ waꞌi suꞌriwãꞌsama.

Mateus 19:21

Jesú cʉ̃rẽ niwĩ: —Mʉꞌʉ Õꞌacʉ̃ dutisere weepeꞌosĩꞌrĩgʉ̃, nipeꞌtise mʉꞌʉ cʉosere duapeꞌocjʉ̃ waꞌaya. Duatoja, te duaꞌque wapare pajasecʉorãrẽ oꞌoya. Mʉꞌʉ tojo weegʉ ʉꞌmʉsepʉ peje añuse cʉogʉsaꞌa. Tojo weetojanʉꞌcõ, yʉꞌʉre sirutugʉ aꞌtia, niwĩ.

Mateus 19:27

Cʉ̃ tojo nicã tʉꞌogʉ, Pedro niwĩ: —Wiogʉ, ʉ̃sã peꞌe mʉꞌʉrẽ siruturã, nipeꞌtise ʉ̃sã cʉomiꞌquere duꞌucũupeꞌocãꞌwʉ̃. Ʉ̃sã tojo weeꞌque wapare ¿Õꞌacʉ̃ ñeꞌenojõrẽ oꞌogʉsari? niwĩ.

Mateus 19:29

Ãpẽrã nipeꞌtirã yʉꞌʉre ẽjõpeose buꞌiri na ye wiꞌserire, na acawererãrẽ, na pacʉsʉmʉarẽ, na põꞌrãrẽ, na ye diꞌtare duꞌucũuwãꞌcãrã quẽꞌrãrẽ aꞌtiro waꞌarosaꞌa. Peje waro na cõꞌawãꞌcãꞌque nemorõ ñeꞌenemorãsama. Tojo nicã Õꞌacʉ̃ meꞌrã catinuꞌcũrãsama.

Mateus 6:21

Marĩ ʉpʉtʉ maꞌisere wãcũnʉrʉ̃saꞌa. Tojo weerã aꞌti turi cjase diaꞌcʉ̃rẽ wãcũnʉrʉ̃ticãꞌña. Õꞌacʉ̃ ye peꞌere wãcũnʉrʉ̃ña”, nicʉ niwĩ Jesú.

San Lucas 14:33

Aꞌte weronojõ mʉsã quẽꞌrã yʉꞌʉre sirutusĩꞌrĩrã, ĩꞌabesemʉꞌtãña. Nipeꞌtise mʉsã cʉosere, nisetisere duꞌusĩꞌrĩtirã, yʉꞌʉ buꞌerã nímasĩtisaꞌa.

San Juan 6:35

Jesú narẽ niwĩ: —Yʉꞌʉta baꞌase ʉꞌmʉse cjase niꞌi. Catinuꞌcũcã weeꞌe. Yʉꞌʉre ẽjõpeosirutugʉ ne ʉjaboasome. Ne acowʉosome. Aꞌtiro niꞌi. Baꞌa yapigʉ ʉjaboatimi. Sĩꞌrĩ yapigʉ acowʉotimi. Aꞌte weronojõ yʉꞌʉre ẽjõpeorã yapirã weronojõ añurõ tʉꞌoñaꞌnuꞌcũrãsama.

Romanos 15:4

Nipeꞌtise todʉporopʉ Õꞌacʉ̃ ye queti ojaꞌque marĩrẽ masĩdutiro ojanoꞌcaro niwʉ̃. Marĩ ñaꞌarõ yʉꞌrʉrã, te ojaꞌquere buꞌerã, nʉꞌcãpoꞌo. Wãcũtutuanemoꞌo. Tojo weerã Õꞌacʉ̃ cʉ̃ weeatjere eꞌcatise meꞌrã yucueꞌe.

Colosenses 2:3

Aꞌtiro niꞌi. Jesucristopʉreta nipeꞌtise masĩse, tʉꞌomasĩse niꞌi. Tojo weegʉ cʉ̃ diaꞌcʉ̃ añurõ masĩgʉ̃ nimi. Cʉ̃rẽ ẽjõpeorã nipeꞌtise masĩsere bocanoꞌo.

Colosenses 3:16

Jesucristo ye quetire añurõ wãcũnʉrʉ̃ña. Cʉ̃ masĩse oꞌose meꞌrã ãpẽrãrẽ mʉsã basu aꞌmerĩ buꞌeya. Mʉsã ejeripõꞌrãrĩpʉ Õꞌacʉ̃rẽ eꞌcatise oꞌorã, basapeoya.

Hebreos 10:34

Mʉsã buꞌiri daꞌreri wiꞌipʉ nirãrẽ pajañaꞌcãrã niwʉ̃. Ãpẽrã mʉsã yere ẽꞌmacã, eꞌcatise meꞌrã nʉꞌcãcãrã niwʉ̃. Mʉsã ʉꞌmʉsepʉ cʉoatje peꞌere “Aꞌti nucũcã cjase nemorõ, añuyʉꞌrʉnʉꞌcãse niꞌi”, nicãrã niwʉ̃. Te peꞌtitiatje niꞌi nírã, wãcũtutuacãrã niwʉ̃.

Apocalipse 3:18

Tojo weegʉ mʉsãrẽ nigʉ̃ti. Mʉsã uru pecameꞌepʉ ʉ̃jʉ̃a apoꞌque yʉꞌʉ cʉosere ñeꞌeña. Piꞌetimirã yʉꞌʉre ẽjõpeorã, uru cʉorã weronojõ niꞌi. Tere cʉorã, mʉsã peje cʉorã nirãsaꞌa. Apeye quẽꞌrãrẽ suꞌti butise yʉꞌʉ cʉosere sãñaña. Mʉsã tere sãñacã, bopoyase peꞌtia waꞌarosaꞌa. Yʉꞌrʉonoꞌcãrã nirãsaꞌa. Tojo nicã caperi piose yʉꞌʉ cʉosere ñeꞌeña. Mʉsã te pióca beꞌro añurõ ĩꞌarãsaꞌa tja. Yé cjasere añurõ masĩrãsaꞌa.