Mateus 12:7 - Õꞌacʉ̃ Yere Ucũrĩ Turi

⁷ Mʉsã Õꞌacʉ̃ ye queti ojáca pũrĩpʉ níꞌquere tʉꞌomasĩweꞌe. Aꞌtiro ojanoꞌcaro niwʉ̃: “Yʉꞌʉ masãrẽ aꞌmerĩ pajañaꞌcã ʉaꞌa. Waꞌicʉrã ʉ̃jʉ̃amorõpeoꞌcaro nemorõ te peꞌere ʉasãyʉꞌrʉnʉꞌcãꞌa”, ni ojanoꞌwʉ̃. Mʉsã tere tʉꞌomasĩrã pũrĩcã, masã mejẽcã weetirãrẽ “Ñaꞌarõ weema”, nitibosaꞌa.

Tukano

⁷ Mɨsâ Õ'âkɨ̃hɨ yee kiti ohâka pũripɨ niî'kere tɨ'o masí wee'. A'tîro ohâ no'okaro niîwɨ: “Yɨ'ɨ̂ masaré a'mêri pahá yã'akã ɨá'. Wa'îkɨ̃rã ɨ̃hâ moro peo'karo nemoró teé pe'ere ɨa sãá yɨ'rɨ nɨ'ka'”, niî ohâ no'owɨ. Mɨsâ teeré tɨ'o masírã pũrikã, masá mehêkã weetírãre “Yã'âro weemá”, niîti boosa'.

Mateus 12:7 Iomraidhean Croise

Mateus 22:29

Tojo nicã tʉꞌogʉ, Jesú narẽ yʉꞌtiwĩ: —Mʉsã wisiyʉꞌrʉaꞌa. Õꞌacʉ̃ ye queti ojáca pũrĩ cjasere ne masĩweꞌe. Õꞌacʉ̃ cʉ̃ tutuase quẽꞌrãrẽ masĩweꞌe.

Mateus 9:13

Õꞌacʉ̃ ye queti ojáca pũrĩpʉ na ojaꞌquere buꞌerã waꞌaya. Õꞌacʉ̃ cʉ̃ ucũꞌquere aꞌtiro ojacãrã niwã: “ ‘Yʉꞌʉ ãpẽrãrẽ pajañaꞌdutiꞌi. Waꞌicʉrã ʉ̃jʉ̃amorõpeosere ʉaweꞌe’, nicʉ niwĩ Õꞌacʉ̃”, ni ojanoꞌwʉ̃. Yʉꞌʉ “Añurã niꞌi” nirãrẽ aꞌmagʉ̃ aꞌtitiwʉ. Ãpẽrã “Ʉ̃sã ñaꞌarã niꞌi” nirã́ peꞌere aꞌmagʉ̃ aꞌtiwʉ. Na ñaꞌarõ weeꞌquere bʉjaweti dʉcayudutigʉ aꞌtiwʉ, niwĩ Jesú.

Marcos 12:33

Õꞌacʉ̃rẽ marĩ ẽjõpeose meꞌrã, marĩ tʉꞌoñaꞌse meꞌrã, marĩ wãcũse meꞌrã, marĩ tutuase meꞌrã maꞌise apeye nemorõ niyʉꞌrʉnʉꞌcãꞌa. Tojo nicã marĩ basu maꞌirõnojõta ãpẽrãrẽ maꞌise añu niꞌi. Nipeꞌtise marĩ waꞌicʉrã ʉ̃jʉ̃amorõpeose nemorõ wapatiꞌi. Tojo nicã nipeꞌtise ñubuepeoropʉ ʉ̃jʉ̃amorõpeorãti nise nemorõ wapatiꞌi, nicʉ niwĩ.

Hechos 13:27

Tojo weemicã, Jerusalẽ́cjãrã, na wiorã quẽꞌrã “Jesú marĩrẽ yʉꞌrʉoacjʉ nimi”, ni ĩꞌamasĩticãrã niwã. Na saurunʉcʉ̃ Õꞌacʉ̃ ye queti weremʉꞌtãrĩ masã na ojaꞌquere buꞌemirã, ne tʉꞌomasĩticãrã niwã. Jesucristore wiorã wẽjẽduticã, dʉporopʉ Õꞌacʉ̃ ye queti weremʉꞌtãrĩ masã na ojaꞌque queorota waꞌacaro niwʉ̃.

Santiago 5:6

Mʉsã ãpẽrãrẽ buꞌiri moomicã, narẽ buꞌiri daꞌreri wiꞌipʉ sõrõcãrã niwʉ̃. Narẽ wẽjẽduticãrã niwʉ̃. Na peꞌe mʉsãrẽ “Weeticãꞌña”, nitutuaticãrã niwã.

Josué 5:5

Na nipeꞌtirãpʉta na õꞌrẽcjʉ yapa caserore yejecõꞌanoꞌcãrã nicãrã niwã. Egiptopʉ wijaꞌcãrã pũrĩcã yucʉ marĩrõpʉ bajuaꞌcãrã yejecõꞌanoꞌña marĩcãrã niwã.