Mateus 12:10 - Õꞌacʉ̃ Yere Ucũrĩ Turi

¹⁰ Ti wiꞌi poꞌpeapʉ niꞌcʉ̃ omocã bʉꞌawiaꞌcʉ nicʉ niwĩ. Fariseo masã ¿deꞌro wee Jesure weresãrãsari? nírã, cʉ̃rẽ sẽrĩtiñaꞌwã: —¿Marĩ soowʉari nʉmʉrẽ dutitigʉre yʉꞌrʉocã añuti? niwã.

Tukano

¹⁰ Tií wi'i po'peapɨ ni'kɨ́ amûkã bɨ'â wia'kɨ niîkɨ niîwĩ. Fariseu masa de'ró weé Jesuré werê sãarãsari? niîrã, kɨ̃ɨ̂re sẽrí yã'awã: —Marî soo wɨári nɨmɨre do'âtigɨre yɨ'rɨókã ãyú niîti? niîwã.

Mateus 12:10 Iomraidhean Croise

Mateus 12:2

Fariseo masã ʉ̃sã tojo weecã ĩꞌarã, Jesure niwã: —Ĩꞌaña. Mʉꞌʉ buꞌerã niꞌcãcãnojõrẽ weedutitisere weema. Marĩ soowʉari nʉmʉrẽ daꞌradutiweꞌe, niwã.

Mateus 19:3

Narẽ yʉꞌrʉocã ĩꞌarã, fariseo masã Jesure buꞌiri bocasĩꞌrĩrã, cʉ̃ tiro waꞌa, sẽrĩtiñaꞌwã: —¿Niꞌcʉ̃ noꞌo mejõ niseacã meꞌrã cʉ̃ nʉmorẽ cõꞌamasĩsari? ¿Marĩrẽ dutise tojo niti? niwã.

Marcos 3:2

Ãpẽrã ¿marĩ soowʉari nʉmʉrẽ cʉ̃rẽ yʉꞌrʉogʉsari? nírã, Jesure ĩꞌacoꞌtecãrã niwã. Jesú yʉꞌrʉocã, weresãta basiorosaꞌa nírã, tojo ĩꞌacãrã niwã.

San Lucas 11:54

Cʉ̃ mejẽcã nicã, cʉ̃rẽ weresãrãti nírã, tojo weecãrã niwã.

San Lucas 13:14

Jesú na soowʉari nʉmʉ core yʉꞌrʉocã ĩꞌagʉ̃, ti wiꞌi na nerẽwʉari wiꞌi wiogʉ uayʉꞌrʉacʉ niwĩ. Beꞌro masãrẽ nicʉ niwĩ: —Niꞌcã semanarẽ daꞌrase nʉmʉrĩ seis nʉmʉrĩ niꞌi. Te nʉmʉrĩnojõrẽ mʉsã yʉꞌrʉodutirã aꞌtiroʉaꞌa. Niꞌcãcã soowʉari nʉmʉrẽ yʉꞌrʉodutirã aꞌtiticãꞌrõʉaꞌa, nicʉ niwĩ.

San Lucas 20:22

Ʉ̃sãrẽ wereya. Romano masã wiogʉre cʉ̃ niyeru wapaseesere wapayecã, marĩrẽ dutise ¿añuti, o ñaꞌa nitine? ni sẽrĩtiñaꞌcãrã niwã.

San Lucas 23:14

Narẽ aꞌtiro nicʉ niwĩ: —Mʉsã ãꞌrĩrẽ “Masãrẽ dojorẽcusiagʉ weemi”, niꞌi. Tojo nírã, yʉꞌʉ tiropʉ miiticãrã niapʉ. Yʉꞌʉ mʉsã ĩꞌorõpʉta cʉ̃rẽ sẽrĩtiñaꞌmiꞌi. Mʉsã ĩꞌacãta mʉsã weresãsere ne cãꞌrõ buꞌiri bocatisaꞌa.

San Lucas 23:2

Topʉ ejarã weresãrã, aꞌtiro nicãrã niwã: —Ãꞌrĩ ʉ̃sã yarã masãrẽ dojorẽgʉ̃ weemi. Aꞌtiro nimi. “Romano masã wiogʉ warore marĩ wapayewʉasenojõrẽ wapayeticãꞌrõʉaꞌa”, nimi. Apeye quẽꞌrãrẽ “Yʉꞌʉ Õꞌacʉ̃ beseꞌcʉ Cristo niꞌi”, nimʉjãmi. Tojo nígʉ̃, “Wiogʉ niꞌi” nisĩꞌrĩgʉ̃, tojo nimi, nicãrã niwã.

San Juan 5:10

Tojo weerã yʉꞌrʉonoꞌcʉ cʉ̃ cũñaꞌcarore oꞌmacã ĩꞌarã, judío masã wiorã cʉ̃rẽ nicãrã niwã: —¿Deꞌro weegʉti mʉꞌʉ niꞌcãcã marĩ soodutíca nʉmʉ sauru nimicã, mʉꞌʉ cũñarõrẽ oꞌmasijati? Marĩrẽ tojo weedutiweꞌe.

San Juan 5:3

Te tucũrĩpʉ pãjãrã dutitirã nucũcãpʉ cũñawã. Caperi bajunoꞌtirã, opa cõꞌñerĩ sijarã, tojo nicã sijamasĩtirã niwã. Ti ditarapʉre wãcũña marĩrõ niꞌcãrẽtiri Õꞌacʉ̃rẽ werecoꞌtegʉ ʉꞌmʉsecjʉ̃ dijatamʉjãpʉ. Dijata, acore aꞌmeñaꞌcã weemʉjãpʉ. Cʉ̃ tojo wééca beꞌro ti pepʉ doqueñojãmʉꞌtãgʉ̃ yʉꞌrʉonoꞌpʉ. Tojo weerã na cʉ̃ yʉꞌrʉosere coꞌterã, topʉ cũñacãrã niwã.

San Juan 7:23

Mʉsã Moisé dutiꞌquere queoro weesĩꞌrĩrã, sauru nimicã, na õꞌrẽcjʉ yapa caserore yejecõꞌasaꞌa. Tojo weemirã, yʉꞌʉ sauru nicã niꞌcʉ̃rẽ yʉꞌrʉocã ĩꞌarã, ¿yʉꞌʉ meꞌrã tʉꞌsaweti?

San Juan 8:6

¿Deꞌro yʉꞌtigʉsari? nírã, cʉ̃rẽ tojo sẽrĩtiñaꞌwã. Na aꞌtiro wãcũwã: “Cʉ̃ mejẽcã yʉꞌticã, wiorãrẽ weresãrãsaꞌa”, ni wãcũwã. Na sẽrĩtiñaꞌcã tʉꞌogʉ, muꞌrĩqueꞌa, cʉ̃ omopica meꞌrã nucũcãpʉ ojawĩ.

San Juan 9:16

Niꞌcãrẽrã cʉ̃rẽ aꞌtiro nicãrã niwã: —Marĩrẽ soodutíca nʉmʉrẽ aꞌtiro weegʉnojõ Õꞌacʉ̃ oꞌóꞌcʉ nitimi. Cʉ̃ marĩrẽ soodutíca nʉmʉrẽ ẽjõpeotisami. Ãpẽrã peꞌe aꞌtiro nicãrã niwã: —Cʉ̃ ñaꞌarõ weegʉnojõ nígʉ̃ pũrĩcã, aꞌte añusere weeĩꞌomasĩtiboapĩ, nicãrã niwã. Na mejẽcã diaꞌcʉ̃ wãcũcãrã niwã.