Mateus 11:26 - Õꞌacʉ̃ Yere Ucũrĩ Turi

²⁶ Pacʉ, mʉꞌʉ ʉaꞌcaronojõta aꞌtere queoro weeꞌe, niwĩ.

Tukano

²⁶ Pakɨ́, mɨ'ɨ̂ ɨá'karo nohota a'teré keoró weé', niîwĩ.

Mateus 11:26 Iomraidhean Croise

San Lucas 10:21

Jesú cʉ̃ buꞌerãrẽ ucũrĩ cura Espíritu Santu cʉ̃rẽ eꞌcatise oꞌoyʉꞌrʉacʉ niwĩ. Titare cʉ̃ pacʉre aꞌtiro nicʉ niwĩ: —Pacʉ, mʉꞌʉ ʉꞌmʉse, aꞌti turi wiogʉ niꞌi. “Ʉ̃sã masĩyʉꞌrʉnʉꞌcãrã niꞌi” nirãrẽ mʉꞌʉ ye cjasere masĩcã weeticʉ niwʉ̃. Ãpẽrã wĩꞌmarã weronojõ maata tʉꞌo ẽjõpeorã peꞌere tere masĩcã weecʉ niwʉ̃. Mʉꞌʉ tojo weesere wãcũgʉ̃, mʉꞌʉrẽ eꞌcatise oꞌoꞌo. Aꞌtere mʉꞌʉ ʉaꞌcaronojõta queoro weeꞌe, nicʉ niwĩ cʉ̃ pacʉre.

San Lucas 22:42

Ñubuegʉ, aꞌtiro nicʉ niwĩ: —Pacʉ, mʉꞌʉ ʉacã, yʉꞌʉre aꞌte ñaꞌarõ yʉꞌrʉatje waꞌaticãꞌto. Yʉꞌʉ tojo nimicã, yʉꞌʉ ʉaro weeticãꞌña. Mʉꞌʉ ʉaro peꞌe waꞌato, nicʉ niwĩ.

San Lucas 23:34

Jesú cʉ̃ pacʉ Õꞌacʉ̃rẽ na curusapʉ paabiꞌpenʉꞌcõca beꞌro aꞌtiro nicʉ niwĩ: —Pacʉ, ãꞌrãrẽ acobojoya. Na yʉꞌʉre tojo weesere tʉꞌomasĩtima, nicʉ niwĩ. Surara cʉ̃ ye suꞌti nimiꞌquere níbocape wapataꞌaꞌcãrãrẽ dʉcawaacãrã niwã.

San Juan 11:41

Beꞌro na ti tutire pãowã. Jesú ʉꞌmʉsepʉ ĩꞌamorõ, Õꞌacʉ̃rẽ niwĩ: —Pacʉ, yʉꞌʉ sẽrĩꞌquere mʉꞌʉ tʉꞌotojapʉ. Añuꞌu.

San Juan 12:27

Jesú niwĩ: —Niꞌcãrõacã yʉꞌʉ pũrõ bʉjawetiꞌi. ¿Deꞌro nigʉ̃sari? “Pacʉ, yʉꞌʉre ñaꞌarõ waꞌatjere yʉꞌrʉoya” ¿nigʉ̃sari? Nisome. Yʉꞌʉ tereta piꞌeti, wẽrĩgʉ̃ aꞌtiwʉ.

San Juan 12:28

Pacʉ, mʉꞌʉ tutuasere ĩꞌoña, niwĩ Jesú. Cʉ̃ tojo níca beꞌro niꞌcʉ̃ ʉꞌmʉsepʉ ucũdijosere tʉꞌowʉ. Aꞌtiro niwĩ: —Yʉꞌʉ tutuasere ĩꞌotojawʉ. Ĩꞌonemogʉ̃ti tja, niwĩ.

Romanos 9:18

Tojo weegʉ Õꞌacʉ̃ noꞌo cʉ̃ pajañaꞌsĩꞌrĩrãrẽ pajañaꞌsami. Noꞌo ejeripõꞌrã bʉtirãrẽ ejeripõꞌrã bʉticã weesami. Na ʉaro nemorõ ñaꞌarõ weeato nígʉ̃ tojo weesami.

Efesios 1:11

Õꞌacʉ̃ marĩrẽ Jesucristo meꞌrã niꞌcãrõ meꞌrã nidutigʉ dʉporopʉ beseyucʉ niwĩ. Marĩrẽ cʉ̃ “Oꞌogʉti” níꞌquere ñeꞌedutigʉ tojo weecʉ niwĩ. Aꞌte nipeꞌtise cʉ̃ “Weegʉti” nise cʉ̃ wãcũyuꞌquepʉ niꞌi. Cʉ̃ nipeꞌtise añutʉꞌsaꞌa nisere weesami.

Efesios 1:9

Marĩrẽ cʉ̃ weesĩꞌrĩꞌque, todʉporo masĩnoꞌña marĩꞌquere masĩcã weecʉ niwĩ. Cʉ̃ Jesucristo wẽrĩse meꞌrã cʉ̃ yarãrẽ “Añurõ weetuꞌajanʉꞌcõgʉ̃ti” níꞌquere masĩcã weecʉ niwĩ.

Efesios 3:11

Ne waropʉ Õꞌacʉ̃ “Tojota peje cururicjãrãrẽ niꞌcã curua waꞌacã weeyapatigʉti”, nicʉ niwĩ. Cʉ̃ níꞌcaronojõta Jesucristo marĩ wiogʉ meꞌrã queoro waꞌacã weecʉ niwĩ.

2 Timoteo 1:9

Õꞌacʉ̃ marĩrẽ pecameꞌepʉ waꞌaboꞌcãrãrẽ yʉꞌrʉweticã weewĩ. Cʉ̃ añurõ weecã ʉagʉ, cʉ̃ ʉaro weedutigʉ marĩrẽ besecʉ niwĩ. Marĩ añuse weesetisere ĩꞌagʉ̃ mejẽta besecʉ niwĩ. Cʉ̃ peꞌe marĩrẽ añurõ weesĩꞌrĩgʉ̃ besecʉ niwĩ. Aꞌtiro niꞌi. Õꞌacʉ̃ marĩrẽ maꞌígʉ̃, Jesucristo marĩrẽ yʉꞌrʉoatjere wãcũcʉ niwĩ. Tere aꞌti turi weese dʉporo wãcũtojacʉ niwĩ.