Mateus 10:34 - Õꞌacʉ̃ Yere Ucũrĩ Turi

³⁴ Apaturi werenemowĩ: —Mʉsã yʉꞌʉre “Añurõ nisetiatjere miitigʉ weepĩ”, ni wãcũticãꞌña. Yʉꞌʉ tere miititiwʉ. Yʉꞌʉ aꞌtise wapa aꞌpepũrĩato nígʉ̃ aꞌtiwʉ. Ãpẽrã yʉꞌʉre ʉatirã, yʉꞌʉre ʉarã meꞌrã aꞌmetuꞌtirãsama.

Tukano

³⁴ Opâturi werê nemowĩ: —Mɨsâ yɨ'ɨ̂re “Ãyuró niisétiatehere miítigɨ weepĩ́”, niî wãkûtikã'ya. Yɨ'ɨ̂ teeré miítitiwɨ. Yɨ'ɨ̂ a'tîgɨ masaré dɨka watíse pe'ere miítiwɨ. Ãpêrã yɨ'ɨ̂re ẽho peótirã, yɨ'ɨ̂re ẽho peórã me'ra a'mé tu'tirãsama.

Mateus 10:34 Iomraidhean Croise

Hechos 14:2

Judío masã Jesure ẽjõpeosĩꞌrĩtirã judío masã nitirã peꞌere uarosãjãcã weecãrã niwã. Tojo weerã na uarosãjãcã weeꞌcãrã Jesure ẽjõpeorãrẽ ñaꞌarõ wãcũcãrã niwã.

Hechos 14:4

Na weeĩꞌomicã, ti macãcjãrã mejẽcãrĩ diaꞌcʉ̃ dʉcawaticãrã niwã. Ãpẽrã judío masã Jesure ẽjõpeotirã meꞌrã niseticãrã niwã. Ãpẽrã Pablo, Bernabé meꞌrã niseticãrã niwã.

Hechos 28:29

Pablo tere níca beꞌro judío masã topʉ nirã́ na basu aꞌmetuꞌtiwijaawã.

Apocalipse 6:4

Beꞌro apĩ cabayu sõꞌagʉ̃ wijawĩ. Cʉ̃ buꞌi pesagʉre aꞌti turipʉ nirãrẽ aꞌmewẽjẽdutigʉ oꞌówĩ. —Aꞌmequẽse marĩrõ niticãꞌto, niwĩ. Masãrẽ aꞌmewẽjẽcã weewĩ. Cʉ̃rẽ pajiri pjĩjore oꞌowĩ.

Jueces 3:2

Maꞌmapjia aꞌmewẽjẽmasĩtirãrẽ aꞌmewẽjẽmasĩato nígʉ̃, Canaácjãrãrẽ topʉ tojacã weecʉ niwĩ.