Mateus 10:14 - Õꞌacʉ̃ Yere Ucũrĩ Turi

¹⁴ Mʉsãrẽ ñeꞌeti, mʉsã buꞌesere tʉꞌosĩꞌrĩticã, ti wiꞌipʉre wijaarã, o ti macãpʉre wijarã, ti macã cjase diꞌta mʉsãrẽ wãꞌaꞌquere paastecõꞌaña. Tojo weerã mʉsã aꞌti macãcjãrã buꞌiritima, ni ĩꞌorãsaꞌa.

Tukano

¹⁴ Mɨsâre yẽ'êti, mɨsâ bu'esére tɨ'ó sĩ'ritikã, tií wi'ipɨre wiháarã, ou tii makápɨre wiháarã, tii makákãhase di'ta mɨsâre wã'á'kere paâste kõ'aya. Tohô weérã mɨsâ a'ti makákãharã bu'îritima, niî ĩ'yorã́sa'.

Mateus 10:14 Iomraidhean Croise

Mateus 10:13

Mʉsãrẽ ñeꞌecã, “Mʉsãrẽ añurõ waꞌato”, niña. Mʉsãrẽ ñeꞌeticã, niticãꞌña.

Mateus 18:5

Apeye quẽꞌrãrẽ weregʉti. Yʉꞌʉre maigʉ̃nojõ niꞌcʉ̃ ãꞌrĩ wĩꞌmagʉ̃rẽ ñeꞌegʉ̃ weronojõ weemi. Cʉ̃rẽ ñeꞌegʉ̃, yʉꞌʉreta ñeꞌegʉ̃ weemi, niwĩ.

Marcos 6:11

Noꞌo mʉsãrẽ aperopʉ ñeꞌeticã, mʉsã ucũsere tʉꞌosĩꞌrĩticã, tore wijawãꞌcãña. Tore wijarã, ti macã cjase diꞌta wãꞌaꞌquere paastecõꞌaña. Tojo weerã mʉsã “Aꞌti macãcjãrã buꞌiritima”, ni ĩꞌorãsaꞌa. Diacjʉ̃ta nigʉ̃ti. Õꞌacʉ̃ masãrẽ beseatji nʉmʉ nicã, ti macãcjãrã mʉsãrẽ ñeꞌetiꞌcãrãrẽ aꞌtiro weegʉsami. Sodoma, Gomorracjãrãrẽ buꞌiri daꞌreꞌcaro nemorõ narẽ daꞌregʉsami, nicʉ niwĩ Jesú.

Marcos 9:37

—Yʉꞌʉre maigʉ̃nojõ niꞌcʉ̃ ãꞌrĩ wĩꞌmagʉ̃rẽ ñeꞌegʉ̃ weronojõ weemi. Cʉ̃rẽ ñeꞌegʉ̃, yʉꞌʉreta ñeꞌegʉ̃ weemi. Yʉꞌʉre ñeꞌegʉ̃ quẽꞌrã yʉꞌʉ diaꞌcʉ̃rẽ ñeꞌegʉ̃ weetimi. Yʉꞌʉre oꞌóꞌcʉ Õꞌacʉ̃ quẽꞌrãrẽ mejãrõta ñeꞌegʉ̃ weemi, nicʉ niwĩ.

San Lucas 9:48

narẽ nicʉ niwĩ: —Yʉꞌʉre maigʉ̃nojõ niꞌcʉ̃ ãꞌrĩ wĩꞌmagʉ̃rẽ ñeꞌegʉ̃ weronojõ weemi. Cʉ̃rẽ ñeꞌegʉ̃, yʉꞌʉreta ñeꞌegʉ̃ weemi. Yʉꞌʉre ñeꞌegʉ̃, yʉꞌʉre oꞌóꞌcʉ Õꞌacʉ̃ quẽꞌrãrẽ ñeꞌegʉ̃ta weemi. Noꞌo mʉsã waꞌteropʉre “Ãpẽrã yʉꞌrʉoro niꞌ” ni wãcũtigʉ cʉ̃́ta nimi ãpẽrã yʉꞌrʉoro nigʉ̃́, nicʉ niwĩ Jesú.

San Lucas 9:5

Noꞌo ãpẽrã mʉsãrẽ ñeꞌeticã, ti macãpʉre wijarã, ti macã cjase diꞌta wãꞌaꞌquere paastecõꞌaña. Tojo weerã mʉsã “Aꞌti macãcjãrã buꞌiritima” ni ĩꞌorãsaꞌa, nicʉ niwĩ.

San Juan 13:20

Mʉsãrẽ queoro weregʉti. Yʉꞌʉ oꞌóꞌcãrã weresere tʉꞌo ẽjõpeorã, yʉꞌʉ quẽꞌrãrẽ ẽjõpeorãta weesama. Yʉꞌʉre ẽjõpeorã, yʉꞌʉre oꞌóꞌcʉ quẽꞌrãrẽ ẽjõpeosama, niwĩ Jesú.

Hechos 13:51

Pablo quẽꞌrã Antioquíapʉre na cõꞌawĩrõcã wijarã, ti macã cjase diꞌtare paastecõꞌacãrã niwã. Tere tojo weerã mʉsã Jesú ye quetire teerã, aꞌti macãcjãrã buꞌiri cʉoꞌo nisĩꞌrĩrã, tojo weecãrã niwã. Beꞌro ape macã Iconio wãmetiri macãpʉ waꞌa waꞌacãrã niwã tja.

Hechos 18:6

Na peꞌe aꞌtere tʉꞌosĩꞌrĩticãrã niwã. Tojo weerã cʉ̃ weremicã, tocjãrã cʉ̃rẽ tuꞌti, cʉ̃ weresere yeꞌsumʉjãcãrã niwã. Na tojo weecã ĩꞌagʉ̃, cʉ̃ tʉꞌsatisere ĩꞌogʉ̃, cʉ̃ ye suꞌtire to cjase diꞌta wãꞌaꞌquere paasteĩꞌocʉ niwĩ. Narẽ aꞌtiro nicʉ niwĩ: —Õꞌacʉ̃ mʉsãrẽ buꞌiri daꞌrecã, mʉsã ye buꞌiri waꞌarosaꞌa. Yé buꞌiri nisome. Mʉsãrẽ yʉꞌʉ cʉ̃ ye cjasere weretojapʉ. Tojo weegʉ yʉꞌʉ niꞌcãcã meꞌrã judío masã nitirãrẽ Jesú ye cjasere buꞌegʉ waꞌagʉti, nicʉ niwĩ.

1 Tesalonicenses 4:8

Noꞌo aꞌte buꞌesere teerãnojõ ʉ̃sãrẽ teerã mejẽta weesama. Õꞌacʉ̃ peꞌere teerã weesama. Õꞌacʉ̃ marĩrẽ cʉ̃ ʉaro weedutigʉ Espíritu Santure oꞌócʉ niwĩ. Tojo weerã cʉ̃ ʉaro weetirã, “Õꞌacʉ̃, mʉꞌʉrẽ ʉaweꞌe”, nirã weesama.