Marcos 7:9 - Õꞌacʉ̃ Yere Ucũrĩ Turi

⁹ Aꞌtiro ninemocʉ niwĩ: —Mʉsã ñecʉ̃sʉmʉa weemʉjãtiꞌquere weesiruturã, meꞌrĩse meꞌrã Õꞌacʉ̃ dutise peꞌere weeweꞌe.

Tukano

⁹ A'tîro niî nemokɨ niîwĩ: —Mɨsâ yẽkɨ sɨmɨá wee mɨháti'kere wee sirú tuurã, me'risé me'ra Õ'âkɨ̃hɨ dutisé pe'ere weé wee'.

Marcos 7:9 Iomraidhean Croise

Marcos 7:13

Aꞌtiro wãcũrã, Õꞌacʉ̃ dutisere tojowaro ĩꞌacõꞌabutiacãꞌa. Mʉsã ñecʉ̃sʉmʉa weemʉjãtiꞌquere wéérã, tojota pẽꞌrĩpejasirutuꞌu. Apeye peje na weeꞌquenojõrẽ weesirutubajaqueꞌaꞌa, nicʉ niwĩ.

Marcos 7:3

Fariseo masã, nipeꞌtirã judío masã na ñecʉ̃sʉmʉa weemʉjãtiꞌquere aꞌtiro weesirutucãrã niwã. Pejetiri omocoeca beꞌropʉ diaꞌcʉ̃ baꞌacãrã niwã.

Marcos 7:5

Tojo weerã Jesú buꞌerã omocoeticã ĩꞌarã, Jesure sẽrĩtiñaꞌcãrã niwã: —¿Deꞌro weerã mʉꞌʉ buꞌerã marĩ ñecʉ̃sʉmʉa weemʉjãtiꞌquere weesirutuweti? Na omocoetimirã baꞌarã, ñaꞌarõ weerã weema, nicãrã niwã.

Romanos 3:31

¿To pũrĩcãrẽ marĩ “Jesucristore ẽjõpeose meꞌrã Moisé dutiꞌque peꞌere wapamarĩꞌi”, nirã weeti? Niweꞌe. Aꞌtiro peꞌe weeꞌe. Marĩ “Jesucristore ẽjõpeose meꞌrã Õꞌacʉ̃ Moisére dutiꞌquere wapatirota weeꞌe”, ninoꞌo.

2 Corintios 11:4

Mʉsã aꞌtiro weeꞌe. Ãpẽrã mʉsãrẽ mejẽcã werecã, añurõ tʉꞌotʉꞌsaꞌa. Ʉ̃sã Jesú yere werewʉ. Na peꞌe te mejẽtare werema. Mʉsã ne waropʉre Espíritu Santure ñeꞌewʉ̃. Niꞌcãrõacãrẽ Espíritu Santu mejẽtare ñeꞌerã weeꞌe. Na Õꞌacʉ̃ masãrẽ yʉꞌrʉose mejẽtare werecã, añurõ tʉꞌo ẽjõpeoꞌo.

Gálatas 1:14

Yʉꞌʉ maꞌmʉ nígʉ̃, judío masã na ẽjõpeosetisere añurõ weewʉ. Ãpẽrã yʉꞌʉ meꞌrãcjãrã yʉꞌrʉoro ʉ̃sã ñecʉ̃sʉmʉa weesetimʉjãtiꞌquere weeyʉꞌrʉnʉꞌcãwʉ̃.

Gálatas 2:21

Yʉꞌʉ Jesucristo wẽrĩꞌquere “Mejõ warota nimaꞌacãꞌa”, niweꞌe. Cʉ̃ yʉꞌʉre maꞌisere ne duꞌusĩꞌrĩtisaꞌa. Moisé dutiꞌque meꞌrã marĩ yʉꞌrʉta basiocãma, Jesucristo mejõ waro wẽrĩbopĩ.

2 Tesalonicenses 2:4

Cʉ̃ Õꞌacʉ̃rẽ ĩꞌatuꞌtigʉ, tojo nicã nipeꞌtise masã ẽjõpeosenojõrẽ ñaꞌarõ ucũacjʉ nigʉ̃sami. Cʉ̃ diaꞌcʉ̃rẽ ẽjõpeocã ʉagʉsami. Õꞌacʉ̃ weronojõ Õꞌacʉ̃ wiꞌipʉ sãjãanujã dujigʉsami. “Yʉꞌʉ Õꞌacʉ̃ niꞌi”, nitaꞌsagʉsami.