Marcos 5:12 - Õꞌacʉ̃ Yere Ucũrĩ Turi

¹² Narẽ ĩꞌarã, wãtĩa aꞌtiro ni Jesure sẽrĩcãrã niwã: —Ʉ̃sãrẽ yesea tiro oꞌóya. Ʉ̃sã napʉre sãjãarãti, nicãrã niwã.

Tukano

¹² Naâre ĩ'yârã, wãtiâ a'tîro niî Jesuré sẽríkãrã niîwã: —Ɨ̃sâre yeseá tiro o'ôo'ya. Ɨ̃sâ naâpɨre sãháarãti, niîkãrã niîwã.

Marcos 5:12 Iomraidhean Croise

Mateus 4:24

Cʉ̃ tojo weese quetire nipeꞌtiro Siria diꞌtacjãrã masĩpeꞌticãrã niwã. Tojo weerã deꞌro nise piꞌetirãrẽ cʉ̃ tiropʉ miacãrã niwã. Doꞌatirãrẽ, wãtĩ sãjãnoꞌcãrãrẽ, noꞌo ñama wẽrĩse cʉorãrẽ, tojo nicã sijamasĩtirãrẽ cʉ̃ tiro miaa, yʉꞌrʉoduticãrã niwã. Nipeꞌtirãrẽ yʉꞌrʉocʉ niwĩ.

Mateus 7:6

Apeye ninemocʉ niwĩ tja: “Õꞌacʉ̃rẽ yabi bujicãꞌrãrẽ cʉ̃ ye queti añusere wereticãꞌña. Narẽ wererã, diayiare añusere oꞌorã weronojõ weebosaꞌa. Diayia uamarã añuse oꞌomicã, majãmiĩꞌa, cũꞌrĩsama. Mejãrõta Õꞌacʉ̃rẽ ẽjõpeosĩꞌrĩtirãrẽ añuse cʉ̃ ye cjasere wereticãꞌña. Narẽ wererã, yeseare ñaquẽ wapabʉjʉri dare doqueoꞌorã weronojõ weebosaꞌa. Yesea ti dare ʉꞌtacũu, te perire noꞌo ʉaro weestecusiasama. Na weronojõ nirãrẽ mejõ waro Õꞌacʉ̃rẽ yabi bujicãꞌrãrẽ añuse cʉ̃ ye cjasere werebosaꞌa.

Marcos 5:11

Tojo waꞌari cura titare ʉ̃rʉ̃gʉ̃ pʉꞌto pãjãrã yesea baꞌa nuꞌcũcãrã niwã.

Marcos 5:13

Jesú “Tojota weeya”, nicʉ niwĩ. Tojo weerã na masʉ̃pʉre níꞌcãrã wijaa, yeseapʉre sãjãacãrã niwã. Topʉre pãjãrã yesea pʉati mil waꞌtero nicãrã niwã. Yesea wãtĩa sãjã́áca beꞌro opa tʉꞌrʉpʉ omamaati, ditarapʉ doqueñojã, mirĩpeꞌtia waꞌacãrã niwã.

2 Corintios 2:11

Marĩ cʉ̃rẽ acobojoticã, wãtĩ cʉ̃rẽ ñaꞌarõ bʉjawetiyʉꞌrʉcã weebosami. Jesucristo yere duꞌucãꞌbosami. Marĩ wãtĩ weewʉasere añurõ masĩꞌi.

1 Pedro 5:8

Mʉsã weesere añurõ tʉꞌoñaꞌnʉꞌcõtojarãpʉ weesetiya. Mʉsã ñaꞌarõ weesĩꞌrĩsere wãcũtutuaya. Añurõ tʉꞌomasĩña. Wãtĩ marĩrẽ ĩꞌatuꞌtigʉ nipeꞌtiropʉ aꞌmasijasami. Marĩrẽ ñaꞌarõ weecã ʉagʉ, tojo weesami. Tojo weerã coꞌte ĩꞌanʉrʉ̃ña. Niꞌcʉ̃ yai baꞌase aꞌmagʉ̃ piꞌetisijaro weronojõ marĩ Jesucristore ẽjõpeosere peꞌosĩꞌrĩsami.