Marcos 2:8 - Õꞌacʉ̃ Yere Ucũrĩ Turi

⁸ Jesú cʉ̃ basu na wãcũsere ĩꞌamasĩgʉ̃, aꞌtiro nicʉ niwĩ narẽ: —¿Deꞌro weerã mʉsã yʉꞌʉre ñaꞌarõ mejẽcã wãcũti?

Tukano

⁸ Jesu kɨ̃ɨ̂ basi naâ wãkusére ĩ'yâ masigɨ, a'tîro niîkɨ niîwĩ naâre: —De'ró weérã mɨsâ yɨ'ɨ̂re yã'âro mehêkã wãkûti?

Marcos 2:8 Iomraidhean Croise

Mateus 12:15

Jesú cʉ̃rẽ wẽjẽsĩꞌrĩsere masĩgʉ̃, omocã bʉꞌawiaꞌcʉre yʉꞌrʉoꞌcaropʉ níꞌcʉ wijaawãꞌcãwĩ. Cʉ̃rẽ masã pãjãrã sirutuwã. Nipeꞌtirã dutitirãrẽ yʉꞌrʉowĩ.

Mateus 16:7

Cʉ̃ tojo nicã, ʉ̃sã cʉ̃ nisere tʉꞌotirã, aꞌmerĩ niwʉ̃: —Marĩ pã́rẽ miititiasʉ. Tojo weegʉ marĩrẽ tojo nisami, nimiwʉ̃.

Mateus 9:4

Jesú na tojo wãcũsere masĩgʉ̃, narẽ nicʉ niwĩ: —¿Deꞌro weerã mʉsã yʉꞌʉre ñaꞌarõ wãcũti?

Marcos 2:7

“Ãꞌrĩ tojo ucũticãꞌrõʉaꞌa. Tojo nígʉ̃, Õꞌacʉ̃rẽ ñaꞌarõ ucũgʉ̃ weemi. ¿Cʉ̃ ‘Õꞌacʉ̃ weronojõ tutuagʉ niꞌi’, ni wãcũsari? Õꞌacʉ̃ niꞌcʉ̃ta ñaꞌarõ weeꞌquere acobojomasĩmi. Ãꞌrĩ marĩ weronojõ upʉtigʉ masã ñaꞌarõ weeꞌquere acobojomasĩtisami”, ni wãcũcãrã niwã.

Marcos 2:9

¿Deꞌro nise peꞌe diasatibutiati? ¿“Mʉꞌʉ ñaꞌarõ weeꞌquere acobojonoꞌtojaꞌa” o “Wãꞌcãnʉꞌcãña, mʉꞌʉ cũñaꞌcaro meꞌrã sijawãꞌcãña” nise peꞌe diasaweti? “Mʉꞌʉ ñaꞌarõ weeꞌquere acobojonoꞌtojaꞌa” nicã ĩꞌatimigʉ̃, ẽjõpeoya marĩꞌi. “Wãꞌcãnʉꞌcã sijawãꞌcãña” nicã peꞌema, cʉ̃ sijasere ĩꞌatojagʉpʉ “Diacjʉ̃ta niꞌi”, ni ẽjõpeonoꞌo.

Marcos 7:21

Aꞌtiro niꞌi. Marĩ ñaꞌarõ wãcũse poꞌpeapʉ dʉꞌpocã́tiwijatisaꞌa. Apĩ nʉmorẽ aꞌmetãrãsĩꞌrĩse, numiarẽ ñaꞌarõ weese, masãrẽ wẽjẽcõꞌase ñaꞌase niꞌi.

San Lucas 24:38

Cʉ̃ narẽ nicʉ niwĩ: —¿Deꞌro weerã yʉꞌʉre uiti? Mʉsã ¿deꞌro weerã diacjʉ̃ wãcũweti?

San Lucas 5:22

Jesú na wãcũsere ĩꞌamasĩgʉ̃, aꞌtiro nicʉ niwĩ: —¿Deꞌro weerã mʉsã yʉꞌʉre mejẽcã wãcũmaꞌati?

San Lucas 6:8

Jesú na wãcũsere ĩꞌamasĩgʉ̃, omocã bʉꞌawiaꞌcʉre aꞌtiro nicʉ niwĩ: —Wãꞌcãnʉꞌcã, wijatia masã decopʉ, nicʉ niwĩ. Cʉ̃ tojo nicã, omocã bʉꞌawiaꞌcʉ wãꞌcãnʉꞌcã, wijaticʉ niwĩ.

San Juan 21:17

Apaturi ninemowĩ tja: —¿Simó, Joná macʉ̃, yʉꞌʉre mʉꞌʉ maꞌiti? Jesú iꞌtiati cʉ̃rẽ sẽrĩtiñaꞌcã ĩꞌagʉ̃, Pedro pũrõ bʉjawetiwĩ. Cʉ̃rẽ niwĩ: —Wiogʉ, nipeꞌtisere mʉꞌʉ masĩꞌi. Masĩꞌi yʉꞌʉ mʉꞌʉrẽ maꞌisere. Jesú cʉ̃rẽ niwĩ: —To pũrĩcãrẽ narẽ buꞌeya. Narẽ coꞌteya, niwĩ tja.

San Juan 6:64

Ãpẽrã mʉsã tiropʉre yʉꞌʉ weremicã, yʉꞌʉre ẽjõpeotima yujupʉ, niwĩ Jesú. Jesú cʉ̃rẽ ẽjõpeotiajãrẽ ne waropʉta masĩtojacʉ niwĩ. Tojo nicã cʉ̃rẽ ãpẽrãrẽ wẽjẽdutigʉ oꞌoacjʉ quẽꞌrãrẽ masĩtojawĩ.

Hechos 5:3

Te niyerure ñeꞌegʉ̃, Pedro cʉ̃rẽ nicʉ niwĩ: —Te diꞌta mʉꞌʉ ye diꞌta niwʉ̃. Te mʉꞌʉ duaꞌque wapa mʉꞌʉ ye niyeruta niapã. Mʉꞌʉ noꞌo oꞌosĩꞌrĩrõ oꞌoboapã. Mʉꞌʉ ʉ̃sã diaꞌcʉ̃rẽ nisoogʉ weeweꞌe. Tocãꞌrõta niyeru wapayeama nígʉ̃, Espíritu Santure nisoogʉ weeꞌe. Mʉꞌʉ tojo nisoocã, wãtĩ mʉꞌʉrẽ sãjãyʉꞌrʉapĩ mʉꞌʉ wãcũsepʉre, nicʉ niwĩ Pedro.

Hechos 8:22

Yʉꞌʉ masĩꞌi. Mʉꞌʉ ʉosebʉcʉ, ñaꞌase weepoyʉꞌrʉacʉ niꞌi. Te mʉꞌʉrẽ duꞌuta basiotisaꞌa. Tojo weegʉ mʉꞌʉ ñaꞌarõ wãcũsere bʉjawetiya. Õꞌacʉ̃rẽ acobojose sẽrĩña. Apetero weegʉ mʉꞌʉ ñaꞌarõ wãcũꞌquere acobojogʉ acobojobosami, nicʉ niwĩ Pedro.

Hebreos 4:13

Marĩ Õꞌacʉ̃ weeꞌcãrã niꞌi. Cʉ̃rẽ ne duꞌtimasĩweꞌe. Nipeꞌtise marĩ nisere, marĩ weesere cʉ̃ ĩꞌamasĩmi. Cʉ̃́ta marĩ weeꞌquere “¿Deꞌro weerã tojo weeri?” ni besegʉsami.

Apocalipse 2:23

Co põꞌrãrẽ wẽrĩcã weegʉti. Tojo weecã, nipeꞌtirã Jesucristore ẽjõpeose cururicjãrã aꞌtiro nirãsama: “Cʉ̃ masã tʉꞌoñaꞌsere masĩmi”, nirãsama. “Na poꞌpeapʉ wãcũsere, ʉ̃sã quẽꞌrãrẽ masĩpeꞌocãꞌmi”, nirãsama. “Marĩ nisetisere queoro wapeyegʉsami”, nirãsama.