San Lucas 5:20 - Õꞌacʉ̃ Yere Ucũrĩ Turi

²⁰ Jesú na ẽjõpeocã ĩꞌagʉ̃, dutitigʉre aꞌtiro nicʉ niwĩ: —Mʉꞌʉ ñaꞌarõ weeꞌquere acobojonoꞌtojaꞌa, nicʉ niwĩ.

Tukano

²⁰ Jesu naâ ẽho peókã ĩ'yâgɨ, do'âtigɨre a'tîro niîkɨ niîwĩ: —Mɨ'ɨ̂ yã'âro weé'kere akobohó no'o toha', niîkɨ niîwĩ.

San Lucas 5:20 Iomraidhean Croise

Génesis 22:12

—Mʉꞌʉ macʉ̃rẽ ne mejẽcã weeticãꞌña. Niꞌcãrõacã yʉꞌʉ masĩꞌi. Mʉꞌʉ yʉꞌʉre, “Yʉꞌʉ macʉ̃ niꞌcʉ̃ nigʉ̃rẽ mʉꞌʉrẽ oꞌosome”, ne nitiapʉ. Tojo weegʉ yʉꞌʉ masĩꞌi mʉꞌʉ yʉꞌʉre wiopesase meꞌrã ĩꞌaꞌa, nicʉ niwĩ.

Mateus 9:2

Topʉ ãpẽrã niꞌcʉ̃ sijamasĩtigʉre Jesú tiropʉ cʉ̃ pesaro meꞌrã wʉawãꞌcãcãrã niwã. Na “Jesú ʉ̃sã meꞌrãcjʉ̃rẽ yʉꞌrʉogʉsami”, nicãrã niwã. Na ẽjõpeocã ĩꞌagʉ̃, Jesú sijamasĩtigʉre aꞌtiro nicʉ niwĩ: —Wãcũtutuaya. Mʉꞌʉ ñaꞌarõ weeꞌquere acobojonoꞌtojaꞌa, nicʉ niwĩ.

Mateus 9:5

¿Deꞌro nise peꞌe diasatibutiati? ¿“Mʉꞌʉ ñaꞌarõ weeꞌquere acobojonoꞌtojaꞌa” o “Wãꞌcãnʉꞌcã, sijawãꞌcãña” nise peꞌe diasaweti? “Mʉꞌʉ ñaꞌarõ weeꞌquere acobojonoꞌtojaꞌa” nicã ĩꞌatimirã, ẽjõpeoya marĩꞌi. “Wãꞌcãnʉꞌcã, sijawãꞌcãña” nicã peꞌema, cʉ̃ sijasere ĩꞌatojarãpʉ “Diacjʉ̃ta niꞌi”, ni ẽjõpeoꞌo.

Marcos 2:5

Jesú na ʉpʉtʉ ẽjõpeocã ĩꞌagʉ̃, dutitigʉre nicʉ niwĩ: —Mʉꞌʉ ñaꞌarõ weeꞌquere acobojonoꞌtojaꞌa, nicʉ niwĩ.

San Lucas 7:48

Beꞌro numiorẽ aꞌtiro nicʉ niwĩ: —Mʉꞌʉ ñaꞌarõ weeꞌquere acobojonoꞌpeꞌocãꞌa, nicʉ niwĩ.

San Juan 5:14

Beꞌro Jesú Õꞌacʉ̃ wiꞌipʉ cʉ̃rẽ bocaejagʉ, niwĩ: —Añurõ weeapa. Mʉꞌʉ yʉꞌrʉonoꞌcʉpʉ niꞌi. Apaturi ñaꞌarõ weenemoacʉpa. Mʉꞌʉ ñaꞌarõ weenemogʉ̃, nemorõ ñaꞌarõ yʉꞌrʉgʉsaꞌa, niwĩ.

Hechos 11:23

Cʉ̃ ti macãpʉ eja, ĩꞌacʉ niwĩ narẽ Õꞌacʉ̃ weetamuꞌquere. Tere ĩꞌagʉ̃, ʉpʉtʉ eꞌcati, narẽ werecʉ niwĩ. Aꞌtiro nicʉ niwĩ: —Jesure mʉsã ne wãcũduꞌuticãꞌña. Cʉ̃ dutisere añurõ weenuꞌcũcãꞌña, ni werecʉ niwĩ.

Hechos 14:9

Ti macãpʉre Pablo masãrẽ buꞌecʉ niwĩ. Cʉ̃ buꞌesere dojoriwiꞌi quẽꞌrã tʉꞌocʉ niwĩ. Cʉ̃, “Õꞌacʉ̃ yʉꞌʉre añurõ yʉꞌrʉomasĩsami” ni wãcũsere Pablo tʉꞌoñaꞌgʉ̃, tutuaro meꞌrã cʉ̃rẽ ucũquejocʉ niwĩ: —Wãꞌcãnʉꞌcãña, nicʉ niwĩ. Cʉ̃ tojo nicãta buꞌpumajã, sijamasĩtimiꞌcʉ sijanʉꞌcãcʉ niwĩ.

2 Corintios 2:10

Mʉsã noꞌo ñaꞌarõ weegʉre acobojocã, yʉꞌʉ quẽꞌrã cʉ̃rẽ acobojoꞌo. Yʉꞌʉre ñaꞌarõ weetiwĩ. Mʉsã peꞌere ñaꞌarõ weewĩ. Yʉꞌʉre ñaꞌarõ weetimicã, cʉ̃rẽ acobojoꞌo. Mʉsãrẽ maꞌígʉ̃, tojo weeꞌe. Jesucristo yʉꞌʉre “Cʉ̃rẽ diacjʉ̃ta acobojomi”, ni ĩꞌasami.

Colosenses 3:13

Mʉsã basu ãpẽrã meꞌrã aꞌmetuꞌtiꞌcãrã, ãpẽrã mejẽcã weecã tʉꞌsatiꞌquere narẽ acobojoya. Jesucristo mʉsãrẽ acobojocʉ niwĩ. Tojo weerã mʉsã quẽꞌrã ãpẽrãrẽ mejãrõta acobojoya.

Santiago 2:18

Apetero weegʉ yʉꞌʉ níꞌquere ẽjõpeotigʉnojõ aꞌtiro nibosami. Niꞌcʉ̃ añusere weetimigʉ̃, “Jesucristore ẽjõpeoꞌo”, nibosami. Apĩ “Añuse peꞌere weeꞌe”, nibosami. Cʉ̃ tojo nisere aꞌtiro weregʉti. Cʉ̃ añurõ weeticã, ¿deꞌro wee marĩ cʉ̃ “Jesucristore ẽjõpeomi” ni ĩꞌabosaʉ? Añurõ weecãma, cʉ̃ Jesucristore ẽjõpeosere masĩbosaꞌa.