San Lucas 4:35 - Õꞌacʉ̃ Yere Ucũrĩ Turi

³⁵ Cʉ̃ tojo nicã tʉꞌogʉ, Jesú wãtĩ masʉ̃pʉ nigʉ̃rẽ tuꞌtigʉ, aꞌtiro nicʉ niwĩ: —Diꞌtamarĩaña. Ãꞌrĩpʉre nigʉ̃́ wijaaya, nicʉ niwĩ. Cʉ̃ tojo nicã, wãtĩ na ĩꞌorõpʉ tuuquecũu, cʉ̃pʉre níꞌcʉ wijaacʉ niwĩ. Ne cʉ̃rẽ mejẽcã cãmidaꞌremaꞌarõ marĩrõ wijaacʉ niwĩ.

Tukano

³⁵ Kɨ̃ɨ̂ tohô niikã́ tɨ'ógɨ, Jesu wãtî masɨpɨ́re niigɨ́re tu'tîgɨ, a'tîro niîkɨ niîwĩ: —Di'ta mariáya. Ã'ripɨ́re niigɨ́ wiháaya, niîkɨ niîwĩ. Kɨ̃ɨ̂ tohô niikã́, wãtî naâ ĩ'yóropɨ tuu kehé kũu, kɨ̃ɨ̂pɨre niî'kɨ wiháakɨ niîwĩ. Neê kɨ̃ɨ̂re mehêkã kamî da'rero mariró wiháakɨ niîwĩ.

San Lucas 4:35 Iomraidhean Croise

Mateus 17:18

Topʉ miiejacã, wãtĩ wĩꞌmagʉ̃pʉ níꞌcʉre cõꞌawĩrõwĩ. Cʉ̃ tojo weeri curata wĩꞌmagʉ̃ yʉꞌrʉonoꞌcʉpʉ tojawĩ.

Mateus 8:26

Cʉ̃ wãꞌcã, narẽ yʉꞌticʉ niwĩ: —¿Deꞌro weerã tocãꞌrõ uiti? Mʉsã yʉꞌʉre cãꞌrõacã waro ẽjõpeose cʉoꞌo, nicʉ niwĩ. Tojo nitoja, wãꞌcãnʉꞌcã, wĩꞌrõrẽ, pãꞌcõrĩrẽ diꞌtamarĩacã weecʉ niwĩ. Nipeꞌtise diꞌtamarĩdijapeꞌtia waꞌacaro niwʉ̃.

Marcos 1:26

Cʉ̃ tojo nicã, wãtĩ cʉ̃pʉre nigʉ̃́ masʉ̃rẽ bʉrʉqueꞌa narãsãcã weecʉ niwĩ. Ʉpʉtʉ waro caricũ, wãtĩ cʉ̃pʉre níꞌcʉ wijaacʉ niwĩ.

Marcos 4:39

Na tojo nicã tʉꞌogʉ, Jesú wãꞌcãnʉꞌcã, wĩꞌrõrẽ yʉsʉocʉ niwĩ. Pãꞌcõrĩrẽ aꞌtiro nicʉ niwĩ: —Diꞌtamarĩaña, nicʉ niwĩ. Cʉ̃ tojo nicã, wĩꞌrõ diꞌtamarĩa waꞌacaro niwʉ̃. Nipeꞌtise yʉsʉdijapeꞌtia waꞌacaro niwʉ̃.

Marcos 9:26

Cʉ̃ tojo nicã, wãtĩ caricũwijaagʉ, wĩꞌmagʉ̃rẽ apaturi wẽrĩacã weecʉ niwĩ. Cʉ̃ wijaagʉ, cʉ̃rẽ wẽrĩꞌcʉ weronojõ tojacã weecʉ niwĩ. Tojo weerã cʉ̃rẽ ãpẽrã “Wẽrĩa waꞌami”, nicãrã nimiwã.

San Lucas 11:22

Noꞌo cʉ̃ nemorõ tutuagʉ aꞌti, cʉ̃rẽ wapataꞌagʉ, cʉ̃ wãmotimiꞌquere ẽꞌmapeꞌocãꞌsami. Tojo weegʉ cʉ̃ wãmo marĩgʉ̃ mejõ nigʉ̃ tojacãꞌsami. Ẽꞌmaꞌcʉ cʉ̃ meꞌrãcjãrãrẽ tere dʉcawaasami. Jesú, yʉꞌʉ wãtĩ yʉꞌrʉoro tutuayʉꞌrʉnʉꞌcãꞌa nígʉ̃, tojo nicʉ niwĩ. Jesú aꞌtiro ninemocʉ niwĩ:

San Lucas 4:23

Na tojo nisere masĩgʉ̃, Jesú narẽ nicʉ niwĩ: —Apetero weerã aꞌte masã na ucũwʉasenojõrẽ yʉꞌʉre nírã nisaꞌa: “Ocoyeri masʉ̃ mʉꞌʉ basu peꞌe ocoye yʉꞌrʉoya”, nisaꞌa. Tojo nicã “Mʉꞌʉ Capernaupʉ weeĩꞌoꞌquere ʉ̃sã tʉꞌowʉ. Te ʉ̃sã tʉꞌoꞌquere aꞌto mʉꞌʉ ya macã waropʉ quẽꞌrãrẽ weeĩꞌoña”, nírã nisaꞌa, nicʉ niwĩ.

San Lucas 4:39

Jesú co pʉꞌto ejanʉꞌcã muꞌrĩĩꞌa, ujaquere suruduticʉ niwĩ. Cʉ̃ tojo weecã, ujaque surupeꞌtia waꞌacaro niwʉ̃. Tojo wééca beꞌro maata co wãꞌcãnʉꞌcã, narẽ baꞌase etigo waꞌaco niwõ.

San Lucas 4:41

Na dutitirã waꞌteropʉre wãtĩa masãpʉre sãjãaꞌcãrã quẽꞌrãrẽ cõꞌawĩrõcʉ niwĩ. Na wijaarã, aꞌtiro caricũwijaacãrã niwã: —Mʉꞌʉ Õꞌacʉ̃ macʉ̃ niꞌi, nicãrã niwã. Wãtĩa Cristo Õꞌacʉ̃ beseꞌcʉ nimi nisere masĩcãrã niwã. Tojo weegʉ Jesú narẽ tuꞌtigʉ, ucũdutiticʉ niwĩ.

San Lucas 8:24

Tojo waꞌacã ĩꞌarã, Jesure wãꞌcõrã bʉrʉacãrã niwã. Aꞌtiro nicãrã niwã: —Ʉ̃sãrẽ buꞌegʉ, marĩ mirĩrãtirã weeꞌe, nicãrã niwã. Na tojo nicã tʉꞌogʉ, Jesú wãꞌcã, te wĩꞌrõrẽ, pãꞌcõrĩrẽ yʉsʉocʉ niwĩ. Nipeꞌtise diꞌtamarĩdijapeꞌtia waꞌacaro niwʉ̃.

San Lucas 9:39

Wãtĩ cʉ̃rẽ sãjãaꞌcʉ ñeꞌea, caricũ, wẽrĩamʉjãcã weemi. Tojo nicã ʉseropʉ soꞌpotuꞌumi. Cʉ̃rẽ ñaꞌabutiaro wéégʉ, piꞌeticã weeyʉꞌrʉami. Ne duꞌusĩꞌrĩtimi.

San Lucas 9:42

Wĩꞌmagʉ̃ cʉ̃ tiro waꞌacã, wãtĩ cʉ̃rẽ nucũcãpʉ doquequeꞌacã weecʉ niwĩ. Apaturi wãcũña marĩrõ cʉ̃rẽ wẽrĩacã weecʉ niwĩ tja. Cʉ̃ tojo weecã, Jesú wãtĩrẽ cõꞌawĩrõ, yʉꞌrʉocʉ niwĩ. Tuꞌajanʉꞌcõ, cʉ̃ pacʉre wiacʉ niwĩ.

Apocalipse 12:12

Wãtĩrẽ cõꞌase ye buꞌiri Õꞌacʉ̃rẽ werecoꞌterã, nipeꞌtirã ʉꞌmʉsepʉ nirã́, eꞌcatiya. Nucũcãpʉ, dia pajiri maacjãrãma ñaꞌabutiaꞌa. Wãtĩ mʉsã tiropʉ uadijami. Cãꞌrõacã yʉꞌʉre dʉꞌsaꞌa buꞌiri daꞌreatjo nígʉ̃, tojo weemi, niwĩ.