San Lucas 4:17 - Õꞌacʉ̃ Yere Ucũrĩ Turi

¹⁷ Cʉ̃rẽ Õꞌacʉ̃ ye queti weremʉꞌtãrĩ masʉ̃ Isaía ojáca pũrĩrẽ buꞌedutirã oꞌocãrã niwã. Cʉ̃ ti pũrĩrẽ pão, aꞌtiro ojaꞌquere bocacʉ niwĩ. Aꞌtiro nicaro niwʉ̃:

Tukano

¹⁷ Kɨ̃ɨ̂re Õ'âkɨ̃hɨ yee kiti werê mɨ'tagɨ Isaía ohâka pũrire niî ĩ'yo dutirã o'ôkãrã niîwã. Kɨ̃ɨ̂ tii pũríre pãâ, a'tîro ohâ'kere bokákɨ niîwĩ. A'tîro niîkaro niîwɨ:

San Lucas 4:17 Iomraidhean Croise

San Lucas 16:29

Abrahã cʉ̃rẽ nicʉ niwĩ: “Na Moisé ojaꞌquere, Õꞌacʉ̃ ye queti weremʉꞌtãrĩ masã ojaꞌquere cʉosama. Tere buꞌe ẽjõpeoato”, nicʉ niwĩ.

San Lucas 20:42

Davita Salmo wãmetiri pũrĩpʉ aꞌtiro ojacʉ niwĩ: Õꞌacʉ̃ ʉꞌmʉsepʉ nigʉ̃́ cʉ̃ macʉ̃rẽ, yʉꞌʉre yʉꞌrʉoacjʉre aꞌtiro nicʉ niwĩ: “Yʉꞌʉ tiro wiogʉ dujiri cũmurõpʉ dujigʉsaꞌa.

San Lucas 4:16

Beꞌro Jesú Nazare cʉ̃ masã́ca macãpʉ dajatojaacʉ niwĩ. Judío masã na soowʉari nʉmʉ cʉ̃ weewʉaronojõpʉma na nerẽwʉari wiꞌipʉ sãjãacʉ niwĩ. Topʉ wãꞌcãnʉꞌcã, Õꞌacʉ̃ ye queti ojáca pũrĩrẽ buꞌeĩꞌocʉ niwĩ.

San Lucas 4:18

Espíritu Santu yʉꞌʉpʉre nimi. Cʉ̃ añuse quetire pajasecʉorãrẽ yʉꞌʉre weredutigʉ cũuwĩ. Bʉjawetirãrẽ wãcũtutuacã weedutigʉ oꞌówĩ. Ãpẽrã dutise doca niwãꞌñarãrẽ yʉꞌrʉweticã weedutigʉ oꞌówĩ. Caperi ĩꞌatirãrẽ ĩꞌacã weedutigʉ oꞌówĩ. Ãpẽrãrẽ dutipe, ñaꞌarõ weepenoꞌrãrẽ wijataꞌadutigʉ oꞌówĩ.

San Lucas 4:20

Beꞌro, Jesú cʉ̃ buꞌéca beꞌro ti pũrĩrẽ tuutũrẽtoja, ti wiꞌi coꞌtegʉre wiacʉ niwĩ. Wia, narẽ buꞌegʉtigʉ ejanujãcʉ niwĩ. Nipeꞌtirã ti wiꞌipʉ nirã́ cʉ̃rẽ ne ĩꞌaduꞌuticãrã niwã.

Hechos 13:15

To beꞌro ti wiꞌi wiorã buꞌecãrã niwã Moisé cʉ̃ ojáca pũrĩ cjasere, beꞌro tja Õꞌacʉ̃ ye queti weremʉꞌtãrĩ masã na ojaꞌquere. Buꞌetoja, ti wiꞌi wiorã ãpẽrã to dujirãrẽ “Sõjãrẽ weredutirã waꞌaya”, níoꞌocãrã niwã. Na peꞌe waꞌa, “Acawererã, mʉsã wãcũtutuasenojõ queti cʉorã, niꞌcãrõacã wereya ʉ̃sãrẽ”, nicãrã niwã.

Hechos 13:27

Tojo weemicã, Jerusalẽ́cjãrã, na wiorã quẽꞌrã “Jesú marĩrẽ yʉꞌrʉoacjʉ nimi”, ni ĩꞌamasĩticãrã niwã. Na saurunʉcʉ̃ Õꞌacʉ̃ ye queti weremʉꞌtãrĩ masã na ojaꞌquere buꞌemirã, ne tʉꞌomasĩticãrã niwã. Jesucristore wiorã wẽjẽduticã, dʉporopʉ Õꞌacʉ̃ ye queti weremʉꞌtãrĩ masã na ojaꞌque queorota waꞌacaro niwʉ̃.

Hechos 7:42

Na tojo weecã ĩꞌagʉ̃, Õꞌacʉ̃ na ʉaro weeato nígʉ̃ na meꞌrã níꞌcʉ cõꞌacãꞌcʉ niwĩ. Tojo weerã na noꞌo ʉaro ñocõarẽ, mujĩpũarẽ ẽjõpeocãrã niwã. Tojo na weeꞌquere Õꞌacʉ̃ ye queti weremʉꞌtãrĩ masã aꞌtiro ni ojacãrã niwã: Õꞌacʉ̃ aꞌtiro nicʉ niwĩ: “Mʉsã yʉꞌʉ peꞌere yucʉ marĩrõpʉre cuarenta cʉ̃ꞌmarĩ nírã, ne ecarãrẽ wẽjẽ ñubuepeotiwʉ.