San Lucas 3:14 - Õꞌacʉ̃ Yere Ucũrĩ Turi

¹⁴ Ãpẽrã surara quẽꞌrã cʉ̃rẽ sẽrĩtiñaꞌcãrã niwã: —Ʉ̃sã waro, ¿deꞌro weerãsari? nicãrã niwã. Juã narẽ yʉꞌticʉ niwĩ: —Ne ãpẽrã cʉosere ẽꞌmaticãꞌña. Na oꞌoticã, tutuaro meꞌrã narẽ uise oꞌo, ñaꞌarõ weeticãꞌña. Tere ʉarã, na weetiꞌquepʉreta weresãdojaticãꞌña. Mʉsã wapataꞌase meꞌrã diaꞌcʉ̃ eꞌcatiya, nicʉ niwĩ.

Tukano

¹⁴ Ãpêrã surára kẽ'ra kɨ̃ɨ̂re sẽrí yã'akãrã niîwã: —Ɨ̃sâ waro, de'ró weerã́sari? niîkãrã niîwã. João naâre yɨ'tíkɨ niîwĩ: —Neê ãpêrã kɨosére e'mâtikã'ya. Naâ o'ôtikã, tutuaró me'ra naâre uisé o'ô, yã'âro weetíkã'ya. Teeré ɨárã, naâ weetí'kepɨreta werê sãa dohatikã'ya. Mɨsâ wapá ta'ase me'ra di'akɨ̃ e'katíya, niîkɨ niîwĩ.

San Lucas 3:14 Iomraidhean Croise

Éxodo 20:16

”Beseropʉ ãpẽrãrẽ ñaꞌarõ waꞌadutirã, na ye cjasere nisooticãꞌña.

Mateus 8:5

Beꞌro Jesú Capernaupʉ ejacʉ niwĩ. Topʉ niꞌcʉ̃ wiogʉ romano masʉ̃ Jesú pʉꞌto aꞌticʉ niwĩ. Cʉ̃rẽ weetamuse sẽrĩcʉ niwĩ.

San Lucas 19:8

Beꞌro cʉ̃ ya wiꞌipʉ Zaqueo wãꞌcãnʉꞌcã, marĩ wiogʉre aꞌtiro nicʉ niwĩ: —Yʉꞌʉ wiogʉ, tʉꞌoya. Pajasecʉorãrẽ yʉꞌʉ cʉosere deco meꞌrã dʉcawaagʉti. Noꞌo yʉꞌʉ ãpẽrãrẽ nisoose meꞌrã yajáca beꞌro nicã, baꞌparitisetiri narẽ yʉꞌʉ yajaꞌque nemorõ wiagʉti, nicʉ niwĩ.

San Lucas 3:10

Cʉ̃ tojo nicã tʉꞌorã, masã cʉ̃rẽ sẽrĩtiñaꞌcãrã niwã: —To pũrĩcãrẽ ¿deꞌro weerãsari? nicãrã niwã.

San Lucas 3:13

Juã narẽ yʉꞌticʉ niwĩ: —Romano masã na wapaseedutiꞌcaro nemorõ wapaseeticãꞌña. Na dutiro ejatuaro wapaseeya, nicʉ niwĩ.

Hechos 10:7

Beꞌro Õꞌacʉ̃rẽ werecoꞌtegʉ waꞌa waꞌacʉ niwĩ. Cʉ̃ waꞌáca beꞌro Cornelio cʉ̃rẽ daꞌracoꞌterã pʉarãrẽ, tojo nicã niꞌcʉ̃ surara cʉ̃rẽ weetamugʉ̃rẽ pijiocʉ niwĩ. Surara quẽꞌrã Õꞌacʉ̃rẽ ẽjõpeogʉta nicʉ niwĩ.

Filipenses 2:15

Tojo weerã Õꞌacʉ̃ põꞌrã ñaꞌase marĩrã, buꞌiri moorã nirãsaꞌa. Mʉsã aꞌti turicjãrã nisoori masã ñaꞌarõ weesetirã waꞌteropʉ niꞌi. Mʉsã añurõ wéérã, narẽ añurõ, queoro weesere ĩꞌorãsaꞌa.

Filipenses 4:11

“Apeyenojõ yʉꞌʉre dʉꞌsaꞌa”, nigʉ̃ mejẽta weeꞌe. Noꞌo yʉꞌʉ cʉose meꞌrã eꞌcatimasĩꞌi.

Tito 2:3

Bʉcʉrã numiarẽ mejãrõta buꞌeya. Õꞌacʉ̃rẽ ẽjõpeorã numia weewʉasenojõrẽ weeato. Ãpẽrãrẽ ñaꞌarõ ucjaticãꞌto. Queꞌaticãꞌto. Nipeꞌtise na añuse weesetise meꞌrã ãpẽrãrẽ queose oꞌoato.

Apocalipse 12:10

Tojo waꞌáca beꞌro niꞌcʉ̃ ʉꞌmʉsepʉ nigʉ̃́ tutuaro meꞌrã ucũdijocã tʉꞌowʉ. Aꞌtiro niwĩ: Marĩrẽ yʉꞌrʉose nitojaꞌa. Õꞌacʉ̃ tutuasere, cʉ̃ marĩ wiogʉ nise nitojaꞌa. Cʉ̃ beseꞌcʉ Jesucristo tutuase meꞌrã cʉ̃ wiogʉ nise quẽꞌrã nitojaꞌa. Õꞌacʉ̃ wãtĩrẽ ʉꞌmʉsepʉ níꞌcʉre aꞌti nucũcãpʉ cõꞌadijowĩ. Wãtĩ ʉmʉcorinʉcʉ̃, ñamirĩnʉcʉ̃ aꞌtiro weewĩ. Õꞌacʉ̃pʉre weresãgʉ̃, marĩ acawererã Õꞌacʉ̃ yarãrẽ “Ñaꞌarõ tojo weema”, ninuꞌcũwĩ.