San Lucas 24:44 - Õꞌacʉ̃ Yere Ucũrĩ Turi

⁴⁴ Beꞌro narẽ nicʉ niwĩ: —Aꞌte yʉꞌʉre waꞌaꞌquere todʉporo mʉsã meꞌrã nígʉ̃, weremiwʉ̃: “Nipeꞌtise Moisé yʉꞌʉre ojaꞌque, Õꞌacʉ̃ ye queti weremʉꞌtãrĩ masã na ojaꞌque queoro waꞌarosaꞌa”, nimiwʉ̃. “Tojo nicã Salmo wãmetiri pũrĩpʉ na ojaꞌcaronojõta yʉꞌʉre waꞌarosaꞌa”, niwʉ̃, nicʉ niwĩ.

Tukano

⁴⁴ Be'ró naâre niîkɨ niîwĩ: —A'té yɨ'ɨ̂re wa'â'kere too dɨpóro mɨsâ me'ra niîgɨ, werêmiwɨ: “Niî pe'tise Moisé yɨ'ɨ̂re ohâ'ke, Õ'âkɨ̃hɨ yee kiti werê mɨ'tarã naâ ohâ'ke keoró wa'ârosa'”, niîmiwɨ. “Tohô niikã́ Salmo wamêtiri pũripɨ naâ ohâ'karo nohota yɨ'ɨ̂re wa'ârosa'”, niîwɨ, niîkɨ niîwĩ.

San Lucas 24:44 Iomraidhean Croise

Génesis 14:18

Apĩ Melquisedec, Salem wãmetiri macãcjʉ̃ wiogʉ nicʉ niwĩ. Tojo nicã cʉ̃ paꞌi Õꞌacʉ̃ nipeꞌtirã buꞌipʉ nigʉ̃rẽ ẽjõpeogʉ nicʉ niwĩ. Cʉ̃ pã́, tojo nicã ʉꞌsedʉcaco vinorẽ miiti,

Génesis 22:18

Mʉꞌʉ yʉꞌʉre añurõ ẽjõpeose wapa mʉꞌʉ pãrãmerã meꞌrã nipeꞌtirã aꞌti ʉmʉcocjãrã añurõ weenoꞌrãsama”, nicʉ niwĩ Õꞌacʉ̃.

Génesis 3:15

Numio mʉꞌʉrẽ ne ĩꞌasĩꞌrĩtigosamo. Co põꞌrã, co pãrãmerã nituriarã quẽꞌrã mejãrõta weerãsama. Niꞌcãcã meꞌrã aꞌmerĩ ĩꞌatuꞌtinʉꞌcãrãsaꞌa. Mʉꞌʉ, co macʉ̃ ya dʉꞌpodiare cũꞌrĩgʉ̃saꞌa. Cʉ̃ peꞌe mʉꞌʉ dʉpoare ʉꞌtamʉtõgʉ̃sami, ni werecʉ niwĩ.

Génesis 49:10

Judá, mʉꞌʉ dutisere ne niꞌcʉ̃ mʉꞌʉrẽ ẽꞌmasome. Téé nipeꞌtirocjãrãrẽ dutiacjʉ aꞌticãpʉ ninuꞌcũgʉ̃saꞌa. Mʉꞌʉrẽ nipeꞌtise macãrĩcjãrã yʉꞌtirãsama.

Mateus 1:22

Todʉporopʉ cʉ̃ ye queti weremʉꞌtãrĩ masʉ̃ meꞌrã Õꞌacʉ̃ cʉ̃ ucũꞌquere queoro waꞌadutigʉ tojo weecʉ niwĩ.

Mateus 16:21

Tita meꞌrã Jesú ʉ̃sãrẽ aꞌtiro werenʉꞌcãwĩ: —Yʉꞌʉre Jerusalẽ́pʉ waꞌaro niꞌi. Topʉ judío masã bʉcʉrã, paꞌia wiorã, Moisé ojaꞌquere buꞌeri masã yʉꞌʉre ʉpʉtʉ piꞌeticã weerãsama. Yʉꞌʉre wẽjẽrãsama. Tojo weemicã, iꞌtia nʉmʉ beꞌro masãgʉ̃saꞌa, niwĩ ʉ̃sãrẽ.

Mateus 26:54

Yʉꞌʉ tojo weecãma, Õꞌacʉ̃ ye queti ojáca pũrĩpʉ níꞌque waꞌatibosaꞌa, niwĩ.

Mateus 26:56

Mʉsã niꞌcãrõacã weese Õꞌacʉ̃ ye queti weremʉꞌtãrĩ masã yʉꞌʉre ojaꞌcaronojõta waꞌaꞌa, niwĩ Jesú. Cʉ̃rẽ ñeꞌecã ĩꞌa, niꞌcʉ̃rẽta ʉ̃sã cʉ̃ buꞌerã peꞌe cõꞌanʉꞌcõcã, duꞌtiwãꞌcãpeꞌtia waꞌawʉ.

Marcos 9:31

Cʉ̃ wẽrĩatjere, ãpẽrã cʉ̃rẽ wiorãpʉre oꞌoatjere cʉ̃ buꞌerãrẽ buꞌégʉ, tojo weecʉ niwĩ. Aꞌtiro buꞌecʉ niwĩ: —Yʉꞌʉ Õꞌacʉ̃ macʉ̃ masʉ̃ weronojõ upʉtigʉre wiorãpʉre oꞌorãsama. Beꞌro yʉꞌʉre wẽjẽrãsama. Na tojo weemicã, iꞌtia nʉmʉ beꞌro masãgʉ̃saꞌa tja, nicʉ niwĩ.

San Lucas 21:22

Te nʉmʉrĩ Õꞌacʉ̃ ye queti ojáca pũrĩpʉ níꞌcaronojõta waꞌarosaꞌa. Buꞌiri daꞌrese nʉmʉrĩ nirõsaꞌa.

San Lucas 22:37

Õꞌacʉ̃ ye queti ojáca pũrĩpʉ yʉꞌʉre ojayuꞌque queoro waꞌarosaꞌa. Aꞌtiro ojanoꞌcaro niwʉ̃: “ ‘Cʉ̃ quẽꞌrã ñaꞌagʉ̃ weronojõ ñaꞌarã waꞌteropʉre ñaꞌagʉ̃ nimi’, ninoꞌgʉ̃sami”, niwʉ̃. Nipeꞌtise yʉꞌʉre ojaꞌque queoro waꞌarota weeꞌe, nicʉ niwĩ.

San Lucas 24:46

Narẽ Jesú aꞌtiro nicʉ niwĩ: —Yʉꞌʉre aꞌtiro ojanoꞌwʉ̃: “Cristo Õꞌacʉ̃ beseꞌcʉ wẽrĩgʉ̃sami. Iꞌtia nʉmʉ cʉ̃ wẽ́rĩ́ca beꞌro masãgʉ̃sami.

San Lucas 9:22

Beꞌro narẽ nicʉ niwĩ: —Yʉꞌʉ Õꞌacʉ̃ macʉ̃ masʉ̃ weronojõ upʉtigʉ pũrõ piꞌetigʉsaꞌa. Judío masã bʉcʉrã, paꞌia wiorã, Moisé ojaꞌquere buꞌeri masã yʉꞌʉre ĩꞌatuꞌtirãsama. Yʉꞌʉre wẽjẽrãsama. Na tojo weemicã, iꞌtia nʉmʉ beꞌro masãgʉ̃saꞌa, nicʉ niwĩ.

San Lucas 9:44

—Yʉꞌʉ niꞌcãrõacã nisere añurõ tʉꞌoya. Acobojoticãꞌña. Yʉꞌʉ Õꞌacʉ̃ macʉ̃ masʉ̃ weronojõ upʉtigʉre wiorãpʉre oꞌorãsama, nicʉ niwĩ.

San Juan 3:14

»Dʉporopʉ yucʉ marĩrõ, masã marĩrõpʉ Moisé aña queose na weeꞌcʉre ʉꞌmʉarõ yucʉgʉpʉ yoocʉ niwĩ. Moisé añarẽ weeꞌcaronojõta masã yʉꞌʉre ʉꞌmʉarõpʉ yoorãsama.

San Juan 5:39

Mʉsã catinuꞌcũsere bocarãsaꞌa nírã, Õꞌacʉ̃ ye queti ojáca pũrĩrẽ wiopesase meꞌrã buꞌenuꞌcũcãꞌa. Mʉsã ti pũrĩ cjasere buꞌérã, yé quetireta buꞌeꞌe.

San Juan 5:46

Mʉsã cʉ̃ ojaꞌquere ẽjõpeorã pũrĩcã, yʉꞌʉ quẽꞌrãrẽ ẽjõpeobosaꞌa. Moisé cʉ̃ ojaꞌque, yé quetita niwʉ̃.

Hechos 13:40

»Dʉporocjãrãpʉ Õꞌacʉ̃ ye queti weremʉꞌtãrĩ masã aꞌtiro ojacãrã niwã: Mʉsã Õꞌacʉ̃rẽ bujicãꞌrã, cʉ̃rẽ ẽjõpeotirã tʉꞌoñaꞌña. Mʉsã catiri ʉmʉcore yʉꞌʉ Õꞌacʉ̃ añuse weegʉsaꞌa. Mʉsãrẽ ãpẽrã añurõ weremicã, ne ẽjõpeosome. Tojo weerã mʉsã ẽjõpeotiꞌque wapa wẽrĩrãsaꞌa. Aꞌte na ojaꞌquere añurõ tʉꞌoñaꞌña, mʉsãrẽ tojo waꞌari nírã, ni werecʉ niwĩ Pablo Antioquíacjãrãrẽ.

Hechos 3:18

Dʉporopʉ Õꞌacʉ̃ cʉ̃ ye queti weremʉꞌtãrĩ masã nipeꞌtirãrẽ aꞌtiro wereduticʉ niwĩ: “ ‘Cristo yʉꞌʉ beseꞌcʉ piꞌetigʉsami’, nicʉ niwĩ Õꞌacʉ̃”, ni wereturiacãrã niwã. Mʉsã Jesure wẽjẽcã, na tojo ojaꞌcaronojõta waꞌawʉ.

Hechos 7:37

Moiséta marĩ ñecʉ̃sʉmʉarẽ aꞌtiro werecʉ niwĩ: “Õꞌacʉ̃ beꞌropʉ niꞌcʉ̃ oꞌógʉsami cʉ̃ ye queti wereacjʉre. Yʉꞌʉre oꞌóꞌcaro weronojõta cʉ̃rẽ oꞌógʉsami. Cʉ̃ quẽꞌrã marĩ acaweregʉ nigʉ̃sami”, nicʉ niwĩ.

Hebreos 10:1

Moisé dutise Õꞌacʉ̃ masãrẽ beꞌropʉ añurõ weeatje queose nicaro niwʉ̃. Tojo weero Moisé dutiꞌque masãrẽ Õꞌacʉ̃ meꞌrã añurõ nímasĩcã weeticaro niwʉ̃. Te aꞌtiro nicaro niwʉ̃. Na Õꞌacʉ̃ meꞌrã añurõ nisĩꞌrĩrã, niꞌcãti cʉ̃ꞌmarĩnʉcʉ̃ waꞌicʉrãrẽ wẽjẽ ʉ̃jʉ̃amorõpeocãrã niwã. Te narẽ Õꞌacʉ̃ ĩꞌorõpʉ añurã waro tojacã weemasĩticaro niwʉ̃.

Hebreos 3:5

Moisé Õꞌacʉ̃ yarãrẽ coꞌtegʉ, queoro weecʉ niwĩ. Cʉ̃ daꞌrase aꞌtiro nicaro niwʉ̃. Õꞌacʉ̃ wereꞌquere weremʉꞌtãrĩ masʉ̃ nicʉ niwĩ.

Hebreos 7:1

Dʉporocjʉ̃ Melquisedec wãmetigʉ Salem wãmetiri macã wiogʉ nicʉ niwĩ. Cʉ̃ paꞌi niyugʉ, Õꞌacʉ̃ nipeꞌtirã buꞌipʉ nigʉ̃rẽ masãrẽ sẽrĩbosacʉ niwĩ. Cʉ̃ nícaterore Abrahã ãpẽrã wiorã meꞌrã aꞌmewẽjẽcʉ niwĩ. Na meꞌrã aꞌmewẽjẽgʉ̃ ejagʉ, cʉ̃ yarã meꞌrã wapataꞌadajacʉ niwĩ. Cʉ̃ tojo weedajacã, Melquisedec cʉ̃rẽ põtẽrĩgʉ̃ ejacʉ niwĩ. Cʉ̃rẽ põtẽrĩgʉ̃, “Õꞌacʉ̃ mʉꞌʉrẽ añurõ weeato”, nicʉ niwĩ.

Hebreos 9:8

Tojo weeꞌque meꞌrã aꞌtocaterore Espíritu Santu aꞌtiro marĩrẽ ĩꞌomi. Todʉporopʉ paꞌia Õꞌacʉ̃ wiꞌipʉ weewʉasenojõ niꞌcãrõacãrẽ weenuꞌcũcãma, marĩ ʉꞌmʉsepʉre ne sãjãamasĩtibosaꞌa.

1 Pedro 1:11

Espíritu Santu weetamuse meꞌrã aꞌtiro wereyucãrã niwã: “Masãrẽ yʉꞌrʉoacjʉ pũrõ piꞌeti wẽrĩgʉ̃sami. Wẽrĩꞌcʉpʉ nimigʉ̃, masãgʉ̃sami. Cʉ̃ masã́ca beꞌro ʉꞌmʉsepʉ mʉjãa, cʉ̃ pacʉ tiro wiogʉ dujiri cũmurõ diacjʉ̃ peꞌe dujigʉsami.” Espíritu Santu tojo nisere tʉꞌorã, Õꞌacʉ̃ ye queti weremʉꞌtãrĩ masã “¿Deꞌro nicã, noarẽ tojo waꞌarosari?” nírã, pũrõ masĩsĩꞌrĩcãrã niwã.

Apocalipse 19:10

Õꞌacʉ̃rẽ werecoꞌtegʉ tojo nicã tʉꞌogʉ, yʉꞌʉ cʉ̃ tiro ñubuepeogʉ ejaqueꞌawʉ. Yʉꞌʉ tojo weecã ĩꞌagʉ̃, yʉꞌʉre niwĩ: —Tojo weeticãꞌña. Yʉꞌʉ quẽꞌrã cʉ̃rẽ daꞌracoꞌtegʉta niꞌi. Yʉꞌʉ mʉꞌʉ weronojõ nigʉ̃́ niꞌi. Tojo nicã mʉꞌʉ acawererã Jesú yere werenuꞌcũrã weronojõ niꞌi. Yʉꞌʉre ne ñubuepeoticãꞌña. Õꞌacʉ̃ peꞌere tojo weeya. Aꞌtiro niꞌi. Espíritu Santu Õꞌacʉ̃ ye weremʉꞌtãrãrẽ masĩcã weecʉ niwĩ. Te masĩse meꞌrã werecãrã niwã. Mejãrõta Jesú yere wererã quẽꞌrã Espíritu Santu masĩse oꞌose meꞌrã werema, niwĩ.