San Lucas 24:19 - Õꞌacʉ̃ Yere Ucũrĩ Turi

¹⁹ Cʉ̃ tojo nicã, Jesú narẽ nicʉ niwĩ: —¿Deꞌro waꞌati? nicʉ niwĩ. Cʉ̃rẽ nicãrã niwã: —Jesú Nazarecjʉ̃rẽ waꞌaꞌquere ucũrã weeapʉ. Cʉ̃ Õꞌacʉ̃ ye queti weremʉꞌtãrĩ masʉ̃ niwĩ. Cʉ̃ Õꞌacʉ̃ ĩꞌorõpʉ, masã ĩꞌorõpʉre cʉ̃ weese, cʉ̃ ucũse meꞌrã tutuayʉꞌrʉamiwĩ.

Tukano

¹⁹ Kɨ̃ɨ̂ tohô niikã́, Jesu naâre niîkɨ niîwĩ: —De'ró wa'âti? niîkɨ niîwĩ. Kɨ̃ɨ̂re niîkãrã niîwã: —Jesu Nazarékɨ̃hɨre wa'â'kere uúkũrã weeápɨ. Kɨ̃ɨ̂ Õ'âkɨ̃hɨ yee kiti werê mɨ'tagɨ niîwĩ. Kɨ̃ɨ̂ Õ'âkɨ̃hɨ ĩ'yóropɨ, masá ĩ'yóropɨre kɨ̃ɨ̂ weesé, kɨ̃ɨ̂ uúkũse me'ra tutuâ yɨ'rɨamiwĩ.

San Lucas 24:19 Iomraidhean Croise

Mateus 21:11

Narẽ Jesú meꞌrã waꞌarã yʉꞌtiwã: —Cʉ̃ Jesú Õꞌacʉ̃ ye queti weremʉꞌtãrĩ masʉ̃ Nazare macã Galilea diꞌtacjʉ̃ nimi, niwã.

Marcos 1:24

—Mʉꞌʉ Jesú Nazarecjʉ̃, ʉ̃sãrẽ cariboticãꞌña. ¿Ʉ̃sãrẽ buꞌiri daꞌre bajuriogʉ aꞌtigʉ weeti? Mʉꞌʉrẽ ĩꞌamasĩꞌi. Õꞌacʉ̃ oꞌóꞌcʉ ñaꞌase moogʉ̃, añubutiagʉ niꞌi, nicʉ niwĩ.

San Lucas 24:18

Niꞌcʉ̃ Cleofas wãmetigʉ yʉꞌticʉ niwĩ: —Nipeꞌtirã aꞌte nʉmʉrĩ Jerusalẽ́pʉ waꞌaꞌquere masĩpeꞌticãꞌsama. ¿Mʉꞌʉ niꞌcʉ̃ta ti macãpʉ cãjĩmigʉ̃, tojo waꞌasere masĩticoꞌteati? nicʉ niwĩ.

San Lucas 7:16

Aꞌtere ĩꞌarã, nipeꞌtirã masã ʉcʉacãrã niwã. Tojo weerã Õꞌacʉ̃rẽ eꞌcatipeorã, aꞌtiro nicãrã niwã: —Niꞌcʉ̃ Õꞌacʉ̃ ye queti weremʉꞌtãrĩ masʉ̃ tutuayʉꞌrʉgʉ marĩ waꞌteropʉre bajuami, nicãrã niwã. Apeye quẽꞌrãrẽ ninemocãrã niwã: —Õꞌacʉ̃ cʉ̃ yarãrẽ weetamugʉ̃ aꞌtigʉ weeapĩ, nicãrã niwã.

San Juan 3:2

Niꞌcã ñami Nicodemo Jesú tiropʉ ĩꞌagʉ̃ etawĩ. Jesure ucũwĩ: —Ʉ̃sãrẽ buꞌegʉ, Õꞌacʉ̃ mʉꞌʉ meꞌrã nimi. Tojo weegʉ cʉ̃ tutuaro oꞌoro meꞌrã mʉꞌʉ weeĩꞌomasĩꞌi. Mʉꞌʉ weeĩꞌoꞌquere ĩꞌarã, ʉ̃sã aꞌtiro masĩꞌi. Õꞌacʉ̃ ʉ̃sãrẽ buꞌedutigʉ mʉꞌʉrẽ oꞌópĩ.

San Juan 4:19

Tojo nicã tʉꞌogo, Jesure nico niwõ: —Mʉꞌʉ Õꞌacʉ̃ ye queti weremʉꞌtãrĩ masʉ̃ nisaꞌa.

San Juan 6:14

Masã Jesú tojo weecã ĩꞌarã, cʉ̃rẽ niwã: —“Õꞌacʉ̃ ye queti weremʉꞌtãrĩ masʉ̃ aꞌtiacjʉ niapʉ” níꞌcʉ ãꞌrĩta nitʉꞌsami.

San Juan 7:52

Na cʉ̃rẽ niwã: —¿Mʉꞌʉ quẽꞌrã Galileacjʉ̃ niti? Õꞌacʉ̃ ye queti ojáca pũrĩpʉ buꞌeya. Ne niꞌcʉ̃ Õꞌacʉ̃ ye quetire weremʉꞌtãrĩ masʉ̃ Galileacjʉ̃ nitimi, nicãrã niwã.

Hechos 10:38

Jesú Nazarecjʉ̃rẽ waꞌaꞌquere mʉsã masĩsaꞌa. Cʉ̃ pacʉ Espíritu Santu meꞌrã cʉ̃rẽ tutuasere oꞌocʉ niwĩ. Cʉ̃ meꞌrã ninuꞌcũcãꞌcʉ niwĩ. Tojo weegʉ noꞌo cʉ̃ waꞌaro masã meꞌrã añurõ weewĩ. Ãpẽrã wãtĩ dutiro weenuꞌcũrãrẽ wãtĩarẽ cõꞌawĩrõmʉjãwĩ.

Hechos 2:22

Apeye narẽ Pedro aꞌtiro werenemocʉ niwĩ: —Mʉsã añurõ tʉꞌoya yʉꞌʉ ucũsere. Õꞌacʉ̃ marĩ pacʉ, Jesú Nazarecjʉ̃rẽ oꞌócʉ niwĩ. Cʉ̃ meꞌrã cʉ̃ tutuasere ĩꞌocʉ niwĩ marĩrẽ. Aꞌtere marĩ tiropʉre weeĩꞌowĩ. Tojo weerã cʉ̃ tojo weeꞌquere ĩꞌatjĩarã, marĩ masĩꞌi Jesucristo Õꞌacʉ̃ oꞌóꞌcʉta nicʉ niwĩ nisere. Dʉporopʉ marĩ pacʉ Õꞌacʉ̃ “Yʉꞌʉ macʉ̃rẽ masã ñaꞌarã wẽjẽrãsama”, ni masĩtojacʉ niwĩ. Tojo waꞌatjere masĩgʉ̃, “Tojota waꞌarosaꞌa”, nicʉ niwĩ. Cʉ̃rẽ, marĩ pacʉ oꞌóꞌcʉ nimicã, mʉsã ñaꞌarãrẽ curusapʉ paabiꞌpe wẽjẽdutiwʉ.

Hechos 7:22

Cʉ̃ ti wiꞌipʉ bʉcʉa, nipeꞌtise Egiptocjãrã na buꞌesere buꞌecʉ niwĩ. Cʉ̃ masĩse meꞌrã ucũ, nipeꞌtisere añurõ weecʉ niwĩ.