San Lucas 23:5 - Õꞌacʉ̃ Yere Ucũrĩ Turi

⁵ Na peꞌe tojo nimicã, tutuaro meꞌrã ninemocãrã niwã: —Cʉ̃ nipeꞌtirã Judeacjãrãrẽ cʉ̃ buꞌese meꞌrã dojorẽcusiagʉ weemi. Ne waro Galileapʉ tojo weenʉꞌcãcʉ niwĩ. Niꞌcãrõacãrẽ aꞌti macãpʉ nimi majã, nicãrã niwã.

Tukano

⁵ Naâ pe'e tohô niîmikã, tutuaró me'ra niî nemokãrã niîwã: —Kɨ̃ɨ̂ niî pe'tirã Judéiakãharãre kɨ̃ɨ̂ bu'esé me'ra dohórẽ' kusiagɨ weemí. Neê waro Galiléiapɨ tohô weé nɨ'kakɨ niîwĩ. Ni'kâroakãre a'ti makápɨ niîmi maha, niîkãrã niîwã.

San Lucas 23:5 Iomraidhean Croise

Mateus 11:1

Jesú ʉ̃sã docere wéréca beꞌro waꞌa waꞌawĩ. Galileapʉ nise macãrĩrẽ buꞌecusiagʉ waꞌawĩ.

Mateus 2:1

Herode Judea diꞌta wiogʉ nirĩ cura Jesú Belẽ́ wãmetiri macãpʉ bajuacʉ niwĩ. Cʉ̃ bajuáca beꞌro ʉmʉa masĩrĩ masã mujĩpũ mʉjãtiro peꞌecjãrã Jerusalẽ́pʉ etacãrã niwã.

Mateus 27:24

Masã Pilato ucũsere tʉꞌosĩꞌrĩticãrã niwã. Tojo tʉꞌoronojõ oꞌorã, mejõ peꞌe cumuca wãꞌcõcãrã niwã. Na tojo weecã ĩꞌagʉ̃, Pilato aco miitiduticʉ niwĩ. Te meꞌrã masã ĩꞌorõpʉ omocoe, aꞌtiro nicʉ niwĩ: —Ãꞌrĩ masʉ̃ buꞌiri moogʉ̃rẽ wẽjẽcã, yʉꞌʉ buꞌiri moogʉ̃saꞌa. Mʉsã basu buꞌiritirãsaꞌa, nicʉ niwĩ.

Mateus 4:23

Jesú nipeꞌtiro Galilea diꞌtapʉ judío masã nerẽwʉase wiꞌseripʉ buꞌecusiacʉ niwĩ. Cʉ̃ añuse queti Õꞌacʉ̃ yere, cʉ̃ wiogʉ nimi nisere buꞌecʉ niwĩ. Noꞌo na deꞌro nise dutitisere yʉꞌrʉowãꞌcãcʉ niwĩ.

Marcos 1:14

Beꞌro Herode Juã masãrẽ wãmeyeri masʉ̃rẽ buꞌiri daꞌreri wiꞌipʉ sõrõduticʉ niwĩ. Titare Jesú Galilea diꞌtapʉ añuse queti Õꞌacʉ̃ yere, cʉ̃ wiogʉ nimi nisere buꞌegʉ waꞌacʉ niwĩ.

San Lucas 11:53

Jesú aꞌtere níca beꞌro Moisé ojaꞌquere buꞌeri masã, tojo nicã fariseo masã cʉ̃ meꞌrã uayʉꞌrʉacãrã niwã. Tojo weerã cʉ̃rẽ peje sẽrĩtiñaꞌwãꞌcõcãrã niwã.

San Lucas 23:23

Tojo nicã tʉꞌorã, masã duꞌucũurõ marĩrõ ʉpʉtʉ caricũrã, cʉ̃rẽ curusapʉ paabiꞌpe wẽjẽduticãrã niwã. Na tojo weeyurã, na ʉaꞌquere bocacãrã niwã.

San Lucas 23:6

Pilato “Jesú Galileacjʉ̃ niapʉ” nicã tʉꞌogʉ, ãpẽrãrẽ “¿Nirõta cʉ̃ Galileacjʉ̃ niti?” ni sẽrĩtiñaꞌcʉ niwĩ.

San Juan 1:43

Beꞌro cja nʉmʉ Jesú Galileapʉ waꞌasĩꞌrĩwĩ. Cʉ̃ topʉ waꞌase dʉporo Felipe wãmetigʉre bocaeja, niwĩ: —Teꞌa yʉꞌʉ meꞌrã.

San Juan 19:15

Na caricũnemowã: —Cʉ̃rẽ wẽjẽña. Curusapʉ paabiꞌpe wẽjẽña, niwã. Pilato niwĩ: —Yʉꞌʉ mʉsã wiogʉre curusapʉ paabiꞌpe wẽjẽdutigʉsami, ¿ni wãcũmiti? Paꞌia wiorã cʉ̃rẽ niwã: —Ʉ̃sã wiogʉ niꞌcʉ̃ta romano masã wiogʉ waro nimi.

San Juan 2:11

Jesú aꞌtere Galilea wãmetiro Caná wãmetiri macãpʉ weewĩ. Aꞌte ne waro cʉ̃ tutuaro meꞌrã weeĩꞌonʉꞌcãꞌque niꞌi. Tere ĩꞌarã, ʉ̃sã cʉ̃ buꞌerã cʉ̃rẽ ẽjõpeowʉ.

San Juan 7:41

Ãpẽrã aꞌtiro niwã: —Ãꞌrĩ Õꞌacʉ̃ beseꞌcʉ Cristo nimi, niwã. Ãpẽrã peꞌe “Õꞌacʉ̃ beseꞌcʉ deꞌro Galileacjʉ̃ nibosabe.

San Juan 7:52

Na cʉ̃rẽ niwã: —¿Mʉꞌʉ quẽꞌrã Galileacjʉ̃ niti? Õꞌacʉ̃ ye queti ojáca pũrĩpʉ buꞌeya. Ne niꞌcʉ̃ Õꞌacʉ̃ ye quetire weremʉꞌtãrĩ masʉ̃ Galileacjʉ̃ nitimi, nicãrã niwã.

Hechos 10:37

Mʉsã tʉꞌopã nipeꞌtise judío masã na nirõpʉ waꞌaꞌquere. Juã masãrẽ buꞌe, wãmeyemʉꞌtãca beꞌropʉ Jesú buꞌenʉꞌcãwĩ Galilea diꞌtapʉre.

Hechos 23:10

Na ʉpʉtʉ caricũ dʉꞌsasocã ĩꞌagʉ̃, surara wiogʉ Pablore wẽjẽrĩ ni uigʉ, cʉ̃ yarã surarare nicʉ niwĩ: —Pablo tiropʉ waꞌa, cʉ̃rẽ pijiwãꞌcãña marĩ nirĩ wiꞌipʉ, nicʉ niwĩ.

Hechos 5:33

Cʉ̃ tojo nicã tʉꞌorã, wiorã peꞌe ʉpʉtʉ waro uacãrã niwã. —Ma. Ãꞌrãrẽ wẽjẽrã marĩ, nicãrã niwã.

Hechos 7:54

Cʉ̃ tojo nicã tʉꞌorã, wiorã ʉpʉtʉ uayʉꞌrʉa waꞌacãrã niwã.

Hechos 7:57

Na cʉ̃ tojo nicã tʉꞌorã, ʉpʉtʉ caricũ tʉꞌosĩꞌrĩtirã, oꞌmeperi daꞌrabiꞌacãrã niwã. Cʉ̃ pʉꞌto niꞌcãrõ meꞌrã omaeja, ñeꞌe, cʉ̃rẽ miacãrã niwã ti macã sumutopʉ. Cʉ̃rẽ doquewẽjẽrãti nírã, suꞌti buꞌicjase na sãñaꞌquere tuwee, Saulo wãmetigʉre coꞌtedutirã oꞌocãrã niwã. Tere tuwee oꞌotojanʉꞌcõ, cʉ̃ Estebare ʉ̃tãperi meꞌrã doquecãrã niwã.