San Lucas 23:2 - Õꞌacʉ̃ Yere Ucũrĩ Turi

² Topʉ ejarã weresãrã, aꞌtiro nicãrã niwã: —Ãꞌrĩ ʉ̃sã yarã masãrẽ dojorẽgʉ̃ weemi. Aꞌtiro nimi. “Romano masã wiogʉ warore marĩ wapayewʉasenojõrẽ wapayeticãꞌrõʉaꞌa”, nimi. Apeye quẽꞌrãrẽ “Yʉꞌʉ Õꞌacʉ̃ beseꞌcʉ Cristo niꞌi”, nimʉjãmi. Tojo nígʉ̃, “Wiogʉ niꞌi” nisĩꞌrĩgʉ̃, tojo nimi, nicãrã niwã.

Tukano

² Toopɨ́ ehârã werê sãarã, a'tîro niîkãrã niîwã: —Ã'rí ɨ̃sa yarã́ masaré dohórẽ'gɨ weemí. A'tîro niîmi. “Romano masa wiôgɨ warore marî wapa yeé wɨase nohore wapa yeétikã'ro ɨá'”, niîmi. Apêye kẽ'rare “Yɨ'ɨ̂ Õ'âkɨ̃hɨ besé'kɨ Cristo niî'”, niî mɨhami. Tohô niîgɨ, “Wiôgɨ niî'” niî sĩ'rigɨ, tohô niîmi, niîkãrã niîwã.

San Lucas 23:2 Iomraidhean Croise

Mateus 17:27

Tojo nimicã, narẽ mejẽcã wãcũdutitigʉ wapayegʉti. Mʉꞌʉ ditarapʉ wẽjẽrĩ da mii, waꞌi wẽjẽgʉ̃ waꞌaya. Baꞌamʉꞌtãgʉ̃rẽ wejemorõña. Cʉ̃ ʉseropʉ niyeru cujire bocagʉsaꞌa. Ti cuji meꞌrã marĩ pʉarã yere wapayegʉ waꞌaya, niwĩ Jesú.

Mateus 22:21

Cʉ̃ tojo nicã tʉꞌorã, na yʉꞌtiwã: —César, romano masã wiogʉ cʉ̃ queose, cʉ̃ wãme wãꞌñaꞌa, niwã. Beꞌro Jesú narẽ niwĩ: —To pũrĩcãrẽ romano masã wiogʉ wapayedutisenojõrẽ cʉ̃rẽ oꞌoya. Õꞌacʉ̃ ye peꞌema cʉ̃rẽ oꞌoya. Cʉ̃ weedutisere weeya, niwĩ.

Mateus 27:11

Beꞌro Jesure Judea diꞌta wiogʉ Pilato tiropʉ miacãrã niwã. Pilato cʉ̃rẽ sẽrĩtiñaꞌcʉ niwĩ: —¿Mʉꞌʉta niti judío masã wiogʉ? nicʉ niwĩ. Jesú cʉ̃rẽ yʉꞌticʉ niwĩ: —Mʉꞌʉ nírõnojõta cʉ̃́ta niꞌi, nicʉ niwĩ.

Marcos 12:17

Na tojo nicã tʉꞌogʉ, Jesú narẽ nicʉ niwĩ: —To pũrĩcãrẽ César, romano wiogʉ wapayedutisenojõrẽ cʉ̃rẽ oꞌoya. Õꞌacʉ̃ ye peꞌema cʉ̃rẽ oꞌoya. Cʉ̃ weedutisere weeya, nicʉ niwĩ. Cʉ̃ tojo yʉꞌticã tʉꞌorã, tʉꞌomarĩa waꞌacãrã niwã.

Marcos 15:2

Pilato Jesure sẽrĩtiñaꞌcʉ niwĩ: —¿Mʉꞌʉta niti judío masã wiogʉ? nicʉ niwĩ. Jesú yʉꞌticʉ niwĩ: —Mʉꞌʉ nírõnojõta cʉ̃́ta niꞌi, nicʉ niwĩ.

San Lucas 23:14

Narẽ aꞌtiro nicʉ niwĩ: —Mʉsã ãꞌrĩrẽ “Masãrẽ dojorẽcusiagʉ weemi”, niꞌi. Tojo nírã, yʉꞌʉ tiropʉ miiticãrã niapʉ. Yʉꞌʉ mʉsã ĩꞌorõpʉta cʉ̃rẽ sẽrĩtiñaꞌmiꞌi. Mʉsã ĩꞌacãta mʉsã weresãsere ne cãꞌrõ buꞌiri bocatisaꞌa.

San Lucas 23:5

Na peꞌe tojo nimicã, tutuaro meꞌrã ninemocãrã niwã: —Cʉ̃ nipeꞌtirã Judeacjãrãrẽ cʉ̃ buꞌese meꞌrã dojorẽcusiagʉ weemi. Ne waro Galileapʉ tojo weenʉꞌcãcʉ niwĩ. Niꞌcãrõacãrẽ aꞌti macãpʉ nimi majã, nicãrã niwã.

San Juan 18:29

Na sãjãaticã ĩꞌagʉ̃, Pilato na meꞌrã ucũgʉ̃ wijaatiwĩ. Narẽ niwĩ: —¿Mʉsã ãꞌrĩrẽ ñeꞌenojõ weresãrã weeti?

San Juan 18:30

Na cʉ̃rẽ niwã: —Cʉ̃ ñaꞌarõ weeticãma, mʉꞌʉ tiro cʉ̃rẽ miititiboapã.

San Juan 19:12

Cʉ̃ tojo nicã tʉꞌogʉ, Pilato Jesure “¿Deꞌro wee cʉ̃rẽ yʉꞌʉ duꞌuwĩrõgʉ̃sariba?” nicʉ niwĩ. Cʉ̃ tojo weesĩꞌrĩcã ĩꞌarã, judío masã wiorã pũrõ caricũwã: —Mʉꞌʉ cʉ̃rẽ duꞌuwĩrõgʉ̃, romano masã wiogʉ meꞌrãcjʉ̃ nisome. Noꞌo niꞌcʉ̃ “Yʉꞌʉ judío masã wiogʉ waro niꞌi” nigʉ̃nojõ romano masã wiogʉre yʉꞌrʉnʉꞌcãgʉ̃ weemi. Cʉ̃ meꞌrãcjʉ̃ nitimi, ni caricũwã.

Hechos 24:13

Ãꞌrã na weresãꞌque diacjʉ̃ta “Te ye buꞌiri niꞌi”, ni ĩꞌota basioweꞌe.

Hechos 24:5

»Ãꞌrĩ caribosebʉcʉ nimi. Cʉ̃ nipeꞌtiro aꞌti turipʉre judío masãrẽ uarosãjãcã weesijagʉ weemi. Apeyema tja Jesú Nazarecjʉ̃rẽ ẽjõpeosetirã curuacjʉ̃ wiogʉ nimi.

Romanos 13:7

Na wiorã dutisereta queoro weeya. Na wapayeduticã, wapayeya. Na wiorã nise buꞌiri wiopesase meꞌrã narẽ ĩꞌaña. Narẽ añurõ wãcũña.