San Lucas 2:25 - Õꞌacʉ̃ Yere Ucũrĩ Turi

²⁵ Titare niꞌcʉ̃ Jerusalẽ́cjʉ̃ Simeó wãmetigʉ nicʉ niwĩ. Cʉ̃ añugʉ̃ waro Õꞌacʉ̃rẽ ẽjõpeoyʉꞌrʉgʉ nicʉ niwĩ. Israe curuacjãrãrẽ yʉꞌrʉoacjʉre yucuegʉ weecʉ niwĩ. Espíritu Santu Simeó meꞌrã ninuꞌcũcʉ niwĩ.

Tukano

²⁵ Tiîtare ni'kɨ́ Jerusalẽ́kɨ̃hɨ Simeão wamêtigɨ niîkɨ niîwĩ. Kɨ̃ɨ̂ ãyugɨ́ Õ'âkɨ̃hɨre ẽho peó yɨ'rɨgɨ niîkɨ niîwĩ. Israel kurakãharãre yɨ'rɨoákɨhɨre yuû kuegɨ weékɨ niîwĩ. Espírito Santo Simeão me'ra niî nu'kukɨ niîwĩ.

San Lucas 2:25 Iomraidhean Croise

Génesis 6:9

Aꞌte Noé ye queti niꞌi. Noé añugʉ̃ nicʉ niwĩ. Õꞌacʉ̃ cʉ̃ dutíꞌcaronojõta weeseticʉ niwĩ. Masã nipeꞌtirã waꞌteropʉre cʉ̃ diaꞌcʉ̃ Õꞌacʉ̃ ʉaronojõ niseticʉ niwĩ.

San Lucas 1:41

Co añuduticãta, Isabe macʉ̃ paa poꞌpeapʉ sãñagʉ̃ aꞌmeñaꞌcʉ niwĩ. Isabe Espíritu Santure cʉoyʉꞌrʉago tojaco niwõ.

San Lucas 1:6

Na pʉarãpʉta Õꞌacʉ̃ ĩꞌorõpʉre añurã nicãrã niwã. Õꞌacʉ̃ dutiꞌquere, tojo nicã Moisé dutiꞌquere queoro weecãrã niwã. Tojo weerã masã narẽ “Ñaꞌarã nima”, nímasĩticãrã niwã.

San Lucas 1:67

Wĩꞌmagʉ̃ pacʉ Zacaría Espíritu Santure cʉoyʉꞌrʉacʉ niwĩ. Tojo weegʉ Õꞌacʉ̃ ucũdutisere aꞌtiro ucũcʉ niwĩ:

San Lucas 2:38

Simeó Maríare, Joseré ucũrĩ cura Ana na tiropʉ waꞌaco niwõ. Jesure ĩꞌagõ, Õꞌacʉ̃rẽ eꞌcatise oꞌoco niwõ. Beꞌro nipeꞌtirã Jerusalẽ́cjãrã masãrẽ yʉꞌrʉoacjʉre coꞌterãrẽ Jesú ye cjasere wereco niwõ.

Hechos 10:2

Cʉ̃ añugʉ̃ nicʉ niwĩ. Romano masʉ̃ nimigʉ̃, judío masã weronojõ Õꞌacʉ̃rẽ ẽjõpeocʉ niwĩ. Cʉ̃ ya wiꞌicjãrã nipeꞌtirã Õꞌacʉ̃rẽ ẽjõpeocãrã niwã. Judío masã pajasecʉorãrẽ niyeru oꞌomʉjãcʉ niwĩ. Õꞌacʉ̃rẽ ñubuenuꞌcũcãꞌcʉ niwĩ.

Hechos 10:22

Cʉ̃ tojo nicã, na yʉꞌticãrã niwã: —Cornelio wãmetigʉ surara wiogʉ ʉ̃sãrẽ oꞌoámi. Cʉ̃ añugʉ̃, Õꞌacʉ̃rẽ ẽjõpeogʉ niami. Cʉ̃rẽ nipeꞌtirã judío masã añurõ wãcũrã niama. Niꞌcʉ̃ Õꞌacʉ̃rẽ werecoꞌtegʉ Corneliore aꞌtiro niapʉ: “Pedrore pijidutiya mʉꞌʉ ʉmʉarẽ”, niapʉ. Mʉꞌʉ weresere tʉꞌodutigʉ weeapʉ. Tojo weerã ʉ̃sã mʉꞌʉrẽ pijirã aꞌtirã weeapʉ, nicãrã niwã.

Hechos 2:5

Pentecosté bosenʉmʉrẽ Jerusalẽ́pʉre pãjãrã judío masã apeye diꞌtacjãrãpʉ nerẽcãrã niwã. Na ẽjõpeosetisere añurõ weeri masã nicãrã niwã. Espíritu Santu tutuaro oꞌonoꞌcãrã ucũcã tʉꞌorã, ãꞌrã na tiropʉ waꞌacãrã niwã. Waꞌa, na yere ucũcã tʉꞌorã, tʉꞌomarĩa waꞌacãrã niwã. Aꞌtiro nicãrã niwã: —Ãꞌrã marĩ yere ucũrã aꞌti diꞌta Galileacjãrã nima. ¿Deꞌro weerã aꞌtocjãrã nimirã, marĩ yere añurõ ucũti? ni aꞌmerĩ sẽrĩtiñaꞌcãrã niwã.

Hechos 24:16

Tojo weegʉ Õꞌacʉ̃ ĩꞌorõpʉ yʉꞌʉ tutuaro põtẽorõ añurõ weesĩꞌrĩsaꞌa. Masã na ĩꞌorõpʉ quẽꞌrãrẽ tojota weesĩꞌrĩsaꞌa.

2 Pedro 1:21

Õꞌacʉ̃ ye queti weremʉꞌtãrĩ masãmarĩcã na ojaꞌquere na wãcũse meꞌrã diaꞌcʉ̃ dʉꞌpocã́titicãrã niwã. Aꞌtiro peꞌe weecãrã niwã. Na Espíritu Santu ĩꞌo, ojadutiro meꞌrã Õꞌacʉ̃ yere ojacãrã niwã.