San Lucas 2:11 - Õꞌacʉ̃ Yere Ucũrĩ Turi

¹¹ Niꞌcãcã ñami Davi ya macã Belẽpʉ mʉsãrẽ yʉꞌrʉoacjʉ bajuami. Cʉ̃ Õꞌacʉ̃ beseꞌcʉ Cristo marĩ wiogʉ nimi.

Tukano

¹¹ Ni'kakã́ yami Davi yaá maka Belẽ́pɨ mɨsâre yɨ'rɨoákɨhɨ bahuámi. Kɨ̃ɨ̂ Õ'âkɨ̃hɨ besé'kɨ Cristo marî wiôgɨ niîmi.

San Lucas 2:11 Iomraidhean Croise

Génesis 3:15

Numio mʉꞌʉrẽ ne ĩꞌasĩꞌrĩtigosamo. Co põꞌrã, co pãrãmerã nituriarã quẽꞌrã mejãrõta weerãsama. Niꞌcãcã meꞌrã aꞌmerĩ ĩꞌatuꞌtinʉꞌcãrãsaꞌa. Mʉꞌʉ, co macʉ̃ ya dʉꞌpodiare cũꞌrĩgʉ̃saꞌa. Cʉ̃ peꞌe mʉꞌʉ dʉpoare ʉꞌtamʉtõgʉ̃sami, ni werecʉ niwĩ.

Génesis 49:10

Judá, mʉꞌʉ dutisere ne niꞌcʉ̃ mʉꞌʉrẽ ẽꞌmasome. Téé nipeꞌtirocjãrãrẽ dutiacjʉ aꞌticãpʉ ninuꞌcũgʉ̃saꞌa. Mʉꞌʉrẽ nipeꞌtise macãrĩcjãrã yʉꞌtirãsama.

Mateus 1:16

Jacob José pacʉ nicʉ niwĩ. José María marãpʉ nicʉ niwĩ. Co Jesú masãrẽ yʉꞌrʉoacjʉ Cristo na nigʉ̃́ paco nico niwõ.

Mateus 1:21

Co wĩꞌmagʉ̃rẽ wʉagosamo. Cʉ̃, cʉ̃ yarã masãrẽ na ñaꞌarõ weeꞌquere yʉꞌrʉoacjʉ nigʉ̃sami. Tojo weegʉ Jesú wãmeyeya, ni werecʉ niwĩ Õꞌacʉ̃rẽ werecoꞌtegʉ. Jesú nírõ, “Masãrẽ yʉꞌrʉogʉ” nisĩꞌrĩrõ weeꞌe.

Mateus 16:16

Cʉ̃ tojo nicã tʉꞌogʉ, Simó Pedro cʉ̃rẽ yʉꞌtiwĩ: —Mʉꞌʉ Õꞌacʉ̃ beseꞌcʉ Cristo ʉ̃sã yoacã yucueꞌcʉ niꞌi. Õꞌacʉ̃ catinuꞌcũgʉ̃ macʉ̃ niꞌi, niwĩ.

Mateus 16:20

Beꞌro Jesú ʉ̃sãrẽ niwĩ: —Ne ãpẽrãrẽ “Cʉ̃ Õꞌacʉ̃ beseꞌcʉ Cristo nimi”, niticãꞌña, niwĩ.

San Lucas 1:43

Mʉꞌʉ yʉꞌʉ wiogʉ paco yʉꞌʉre ĩꞌagõ aꞌticã, añubutiaro waꞌaꞌa.

San Lucas 1:69

Cʉ̃ marĩrẽ yʉꞌrʉoacjʉ tutuayʉꞌrʉagʉre oꞌógʉsami. Cʉ̃rẽ Davi pãrãmerã nituriarã waꞌteropʉ nigʉ̃rẽ oꞌógʉsami. Davi Õꞌacʉ̃rẽ daꞌrawãꞌñacoꞌtegʉ nicʉ niwĩ.

San Lucas 2:26

Espíritu Santu cʉ̃rẽ aꞌtiro wereyutojacʉ niwĩ: —Cristo Õꞌacʉ̃ beseꞌcʉre ĩꞌatimigʉ̃, mʉꞌʉ wẽrĩsome, nicʉ niwĩ.

San Lucas 2:4

Tojo weegʉ José Nazare Galilea diꞌta nirĩ macãpʉ níꞌcʉ wijawãꞌcãcʉ niwĩ. Belẽ́ Judea diꞌta nirĩ macãpʉ waꞌacʉ niwĩ. Topʉ cʉ̃ ñecʉ̃ Davi bajuacʉ niwĩ. Cʉ̃ Davi pãrãmi niyugʉ, topʉ ojaõꞌodutigʉ waꞌacʉ niwĩ.

San Juan 1:41

Cʉ̃, cʉ̃ maꞌmi Simórẽ maata aꞌmagʉ̃ waꞌawĩ. Cʉ̃rẽ nicʉ niwĩ: —Mesías masãrẽ yʉꞌrʉoacjʉ, Õꞌacʉ̃ oꞌógʉti níꞌcʉre bocaejapʉ, nicʉ niwĩ. Mesías, Cristo Õꞌacʉ̃ beseꞌcʉ nisĩꞌrĩrõ weeꞌe.

San Juan 1:45

Felipe Jesú “Teꞌa” nicã tʉꞌogʉ, Natanaerẽ pijigʉ waꞌawĩ. Cʉ̃ tiropʉ ejagʉ, cʉ̃rẽ nicʉ niwĩ: —Ʉ̃sã Õꞌacʉ̃ beseꞌcʉ, Moisé cʉ̃ ya pũrĩpʉ ojaꞌcʉre bocaejapʉ. Õꞌacʉ̃ ye queti weremʉꞌtãrĩ masã quẽꞌrã cʉ̃rẽta ojacãrã niwã. Na ojaꞌcʉ Jesú Nazarecjʉ̃ José macʉ̃ na ninoꞌgʉ̃ niami.

San Juan 11:27

Co cʉ̃rẽ niwõ: —Wiogʉ, mʉꞌʉrẽ ẽjõpeoꞌo. Mʉꞌʉ Õꞌacʉ̃ beseꞌcʉ Cristo, Õꞌacʉ̃ macʉ̃ niꞌi. Mʉꞌʉ “Niꞌcʉ̃ masʉ̃ aꞌtiacjʉ niapʉ” níꞌcʉ niꞌi, niwõ.

San Juan 20:31

Yʉꞌʉ aꞌti pũrĩpʉ Jesú niꞌcãrẽ cʉ̃ weeĩꞌoꞌquere ojaꞌa. Mʉsãrẽ Jesú Õꞌacʉ̃ beseꞌcʉ cʉ̃ macʉ̃ nimi nisere ẽjõpeodutigʉ ojaꞌa. Tojo nicã cʉ̃rẽ ẽjõpeorã catinuꞌcũato nígʉ̃ tojo weeꞌe.

San Juan 4:25

Co cʉ̃rẽ nico niwõ: —Yʉꞌʉ masĩꞌi. Mesías, Õꞌacʉ̃ cʉ̃ beseꞌcʉ Cristo, aꞌtigʉsami. Cʉ̃ aꞌtigʉ, marĩrẽ nipeꞌtisere weregʉsami, nico niwõ.

San Juan 4:42

Beꞌro numiorẽ niwã: —Ʉ̃sã mʉꞌʉ wereꞌque meꞌrã diaꞌcʉ̃ cʉ̃rẽ ẽjõpeoweꞌe. Ʉ̃sã basu cʉ̃ ucũsere tʉꞌoapʉ. Tojo weerã cʉ̃rẽ ẽjõpeoꞌo. Ʉ̃sã masĩꞌi. Diacjʉ̃ta niapã. Cʉ̃ Õꞌacʉ̃ beseꞌcʉ aꞌti turicjãrã masãrẽ yʉꞌrʉogʉ nimi, niwã core.

San Juan 6:69

Ʉ̃sã mʉꞌʉrẽ ẽjõpeotojaꞌa. Ʉ̃sã masĩꞌi, mʉꞌʉ añugʉ̃ Õꞌacʉ̃ beseꞌcʉta niꞌi.

San Juan 7:41

Ãpẽrã aꞌtiro niwã: —Ãꞌrĩ Õꞌacʉ̃ beseꞌcʉ Cristo nimi, niwã. Ãpẽrã peꞌe “Õꞌacʉ̃ beseꞌcʉ deꞌro Galileacjʉ̃ nibosabe.

Hechos 10:36

Õꞌacʉ̃ añuse oꞌócʉ niwĩ judío masãrẽ Jesucristo meꞌrã ejerisãjãse bocarãsama nisere. Jesucristo nipeꞌtirã masã wiogʉ nimi.

Hechos 13:23

Õꞌacʉ̃ ʉ̃sã ñecʉ̃sʉmʉarẽ “Niꞌcʉ̃ Davi pãrãmi nituriagʉpʉ mʉsã judío masãrẽ yʉꞌrʉogʉ aꞌtigʉsami”, ni werecʉ niwĩ. Jesú wãmetigʉ Õꞌacʉ̃ tojo níꞌcʉta nimi.

Hechos 2:36

»Tojo weerã mʉsã judío masã nipeꞌtirã masĩña. Jesure, mʉsã curusapʉ paabiꞌpeꞌcʉre Õꞌacʉ̃ cʉ̃rẽta marĩ wiogʉ sõrõpĩ. Cʉ̃ Õꞌacʉ̃ besenoꞌcʉta nicãꞌmiwĩ, ni werecʉ niwĩ Pedro.

Hechos 5:31

Masõtoja, ʉꞌmʉsepʉ cʉ̃ tiro wiogʉ dujiri cũmurõpʉ miimʉjãcʉ niwĩ. Cʉ̃rẽ topʉ miimʉjãgʉ̃, marĩrẽ yʉꞌrʉoꞌcʉre marĩ wiogʉ niato ni, sõrõcʉ niwĩ. Tojo weegʉ marĩ judío masãrẽ marĩ ñaꞌarõ weesetiꞌquere bʉjaweticã, marĩrẽ acobojogʉsami.

1 Corintios 15:47

Aꞌti nucũcãpʉre masʉ̃ nimʉꞌtãꞌcʉ diꞌta meꞌrã yeenoꞌcʉ niwĩ. Cʉ̃ beꞌrocjʉ̃ Cristo ʉꞌmʉsecjʉ̃ nimi.

Filipenses 2:11

Nipeꞌtirã “Jesucristo marĩ wiogʉ nimi”, nirãsama. Na Õꞌacʉ̃rẽ, “Añuyʉꞌrʉami”, nirãsama.

Filipenses 3:8

Apeyema, yʉꞌʉ wiogʉ Jesucristore masĩse wapatiyʉꞌrʉaꞌa. Apeyenojõ yʉꞌʉ cʉoboꞌque nemorõ wapatiꞌi. Jesucristore ẽjõpeose buꞌiri nipeꞌtise yʉꞌʉ weesetiꞌquere, nisetiꞌquere marĩ ʉatisere cõꞌarã weronojõ cõꞌawʉ̃. Jesucristo yʉꞌʉ wiogʉre cʉosĩꞌrĩgʉ̃, tojo weewʉ.

Colosenses 2:6

Ne waropʉre marĩ wiogʉ Jesucristore ẽjõpeocãrã niwʉ̃. Titapʉre mʉsã ẽjõpeoꞌcaronojõta aꞌtiro nicã quẽꞌrãrẽ nipeꞌtise nʉmʉrĩ cʉ̃rẽ ẽjõpeonuꞌcũcãꞌña.

1 João 4:14

Õꞌacʉ̃ macʉ̃rẽ ʉ̃sã basuta ĩꞌawʉ̃. Cʉ̃rẽ aꞌti turipʉre marĩ ñaꞌarõ wee nisetimiꞌcãrãrẽ yʉꞌrʉweticã weedutigʉ oꞌócʉ niwĩ. Tojo weerã mʉsãrẽ aꞌtere wereꞌe.

1 João 5:1

Nipeꞌtirã “Jesú Õꞌacʉ̃ beseꞌcʉ nimi” ni ẽjõpeorãnojõ Õꞌacʉ̃ põꞌrã nima. Ãpẽrãrẽ maꞌírã, na põꞌrã quẽꞌrãrẽ maꞌirõʉaꞌa.