San Lucas 16:25 - Õꞌacʉ̃ Yere Ucũrĩ Turi

²⁵ Abrahã cʉ̃rẽ yʉꞌticʉ niwĩ: “Mʉꞌʉ wãcũña. Mʉꞌʉ catigʉ, añubutiaro nisetiwʉ. Ãꞌrĩ Lázaro peꞌema ñaꞌabutiaro waꞌawʉ. Niꞌcãrõacãrẽ cʉ̃ aꞌtopʉ ejerisãjãse bocami. Mʉꞌʉ peꞌe piꞌetigʉ weeꞌe.

Tukano

²⁵ Abraão kɨ̃ɨ̂re yɨ'tíkɨ niîwĩ: “Mɨ'ɨ̂ wãkûya. Mɨ'ɨ̂ katîgɨ, ãyú butia'ro niisétiwɨ. Ã'rí Lázaro pe'e maa yã'â butia'ro wa'âwɨ. Ni'kâroakãre kɨ̃ɨ̂ a'topɨ́re soó, e'katígɨ weemí. Mɨ'ɨ̂ pe'e pi'etígɨ weé'.

San Lucas 16:25 Iomraidhean Croise

Mateus 27:63

Topʉ etarã, Pilatore aꞌtiro nicãrã niwã: —Wiogʉ, ʉ̃sã sõꞌonícʉ catigʉpʉ nisoosepijagʉ níꞌquere wãcũꞌu. Cʉ̃ “Iꞌtia nʉmʉ yʉꞌʉ wẽ́rĩ́ca beꞌro masãgʉ̃ti”, niwĩ.

Marcos 9:45

Tojo nicã mʉsã ya dʉꞌpocã meꞌrã ñaꞌarõ wéérã, dʉtecõꞌaboꞌcaro weronojõ mejãrõta weeya tja. Mʉsã pecameꞌepʉ pʉa dʉꞌpocã meꞌrã waꞌacã, ñaꞌayʉꞌrʉaꞌa. Opa cõꞌñerõ ʉꞌmʉsepʉ sãjãcã peꞌema, nemorõ añuꞌu. Capea meꞌrã quẽꞌrã ñaꞌarõ weesĩꞌrĩrã, mejãrõta weeya. Mʉsã capea orewee cõꞌaboꞌcaro weronojõ ñaꞌasere ĩꞌaduꞌucãꞌña. Mʉsã pecameꞌepʉ pʉa capea meꞌrã waꞌacã, ñaꞌa niꞌi. Tojo nicã ʉꞌmʉsepʉ niꞌcã capea meꞌrã waꞌacã, nemorõ añuꞌu. Mʉsã ñaꞌarõ weesĩꞌrĩsere weeticã, nemorõ añu niꞌi. Mʉsã ñaꞌarõ weesĩꞌrĩsere wéérã pecameꞌepʉ waꞌacã, ñaꞌa niꞌi. Topʉre becoa ne boatisama. Pecameꞌe quẽꞌrã ne yatitisaꞌa.

San Lucas 16:20

Titare niꞌcʉ̃ pajasecʉogʉ waro Lázaro wãmetigʉ cʉ̃ ya wiꞌi sope pʉꞌtopʉ dujimʉjãcʉ niwĩ. Cʉ̃ upʉ nipeꞌtiro cãmi boacʉ niwĩ.

San Lucas 16:23

Peje cʉogʉ ñaꞌarã Õꞌacʉ̃ cʉ̃ buꞌiri daꞌrenoꞌcãrã tiropʉ waꞌacʉ niwĩ. Topʉ cʉ̃ ĩꞌamorõgʉ̃, Abrahãrẽ yoaropʉ ĩꞌacʉ niwĩ. Lázaro cʉ̃ meꞌrã nicʉ niwĩ.

San Lucas 16:26

Apeyema tja aꞌtiro niꞌi. Ʉ̃sãrẽ mʉsã tiropʉ waꞌata basioweꞌe. Decore pajiri copejo niꞌi. Tojo weerã mʉsã aꞌto aꞌtisĩꞌrĩrã, ʉ̃sã peꞌe quẽꞌrã topʉ waꞌasĩꞌrĩcã, basioweꞌe”, nicʉ niwĩ.

San Lucas 6:24

»Mʉsã peje cʉorã peꞌe aꞌti turi cjase diaꞌcʉ̃rẽ wãcũnʉrʉ̃, eꞌcatitojaꞌa. Tojo weero mʉsãrẽ ñaꞌa nirõsaꞌa.

San Juan 16:33

Yʉꞌʉre ẽjõpeorã ejerisãjãse cʉoato nígʉ̃ aꞌte nipeꞌtisere mʉsãrẽ wereapʉ. Aꞌti nucũcãcjãrã mʉsãrẽ piꞌeticã weerãsama. Na tojo weemicã, wãcũtutuaya. Yʉꞌʉ aꞌti nucũcãcjãrã na ñaꞌarõ weesere docaqueꞌacã weetojawʉ. Tojo weerã yʉꞌʉre ẽjõpeorã wãcũtutuaya.

Hechos 14:22

Te macãrĩpʉre tocjãrã Jesure ẽjõpeorãrẽ wãcũtutuase oꞌocãrã niwã. Tojo nicã “Jesure ne wãcũduꞌuticãꞌña. Peje piꞌetise waꞌarosaꞌa Jesure ẽjõpeorãrẽ marĩ ʉꞌmʉsepʉ waꞌati dʉporo”, ni wereyʉꞌrʉwãꞌcã waꞌacãrã niwã.

Romanos 8:7

Marĩ ʉaronojõ diaꞌcʉ̃rẽ weesetirã, Õꞌacʉ̃ meꞌrã aꞌpepũrĩrã weesaꞌa. Cʉ̃ dutiro ne weesĩꞌrĩti, ne weemasĩtisaꞌa.

Filipenses 3:19

Beꞌropʉre pecameꞌepʉ yapatirãsama. Õꞌacʉ̃rẽ ẽjõpeotima. Na ʉaripejase diaꞌcʉ̃rẽ ẽjõpeoma. Bopoyaronojõ oꞌorã, na weese peꞌere “Añuyʉꞌrʉaꞌa”, niyʉꞌrʉnʉꞌcãma. Aꞌti nucũcã cjase diaꞌcʉ̃rẽ wãcũma.

1 Tesalonicenses 3:3

Ãpẽrã masã mʉsã Jesure ẽjõpeocã ĩꞌarã, ĩꞌatuꞌti, bujicãꞌsama. Na tojo weecã, Jesure ẽjõpeoduꞌuticãꞌto nírã Timoteore weredutirã oꞌówʉ. Ʉ̃sã topʉ nírã, mʉsãrẽ aꞌtere wereyutojawʉ. “Marĩ Jesure ẽjõpeorã, piꞌetinoꞌrõsaꞌa”, niwʉ̃. Ʉ̃sã níꞌcaronojõta marĩ nipeꞌtirãrẽ queoro waꞌaro weeꞌe. Mʉsã tere masĩsaꞌa.

Hebreos 11:25

Aꞌtiro peꞌe weesĩꞌrĩcʉ niwĩ. Õꞌacʉ̃ yarã Israe curuacjãrã meꞌrã peꞌe piꞌetitamusĩꞌrĩcʉ niwĩ. Õꞌacʉ̃rẽ ẽjõpeotigʉ weronojõ Egiptocjãrã wiogʉ ya wiꞌipʉ tojasĩꞌrĩticʉ niwĩ. Na ñaꞌarõ weesere buꞌipejatamusĩꞌrĩticʉ niwĩ.

1 João 2:15

Aꞌti ʉmʉco cjase Õꞌacʉ̃ ye mejẽta niꞌi. Aꞌtere wãcũnʉrʉ̃ticãꞌña. Ñaꞌarõ wãcũse, aꞌmetãrãsĩꞌrĩse, ʉaripejase, ãpẽrã yʉꞌrʉoro nicãꞌgʉ̃ nisĩꞌrĩse ñaꞌa niꞌi. Aꞌte nipeꞌtise aꞌti ʉmʉco cjase niꞌi. “Tere weerãti”, niticãꞌña. Noꞌo aꞌtere weesĩꞌrĩgʉ̃nojõ marĩ pacʉ Õꞌacʉ̃rẽ maꞌitisami.

Apocalipse 7:14

Yʉꞌʉ cʉ̃rẽ yʉꞌtiwʉ: —Wiogʉ, mʉꞌʉ masĩsaꞌa. Cʉ̃ peꞌe yʉꞌʉre niwĩ: —Ãꞌrã nucũcãcjãrã pũrõ piꞌeticaterore na quẽꞌrã piꞌetiꞌcãrã nima. Na Õꞌacʉ̃ macʉ̃ oveja wĩꞌmagʉ̃ weronojõ bajugʉ wẽrĩse meꞌrã na ejeripõꞌrãrĩpʉ ñaꞌase moorã tojacãrã niwã.