San Lucas 12:28 - Õꞌacʉ̃ Yere Ucũrĩ Turi

²⁸ Niꞌcãcãrẽ cãꞌrõ catíniꞌi, ñamiacã ñaidija waꞌasaꞌa. Beꞌro pecameꞌepʉ ʉ̃jʉ̃acõꞌanoꞌsaꞌa. Tojo nimicã, Õꞌacʉ̃ta oꞌorire añurõ bajumeꞌrĩcã weesami. Cʉ̃ oꞌorire añurõ coꞌtero nemorõ mʉsã peꞌere weesami. Mʉsã, mʉsã ẽjõpeotise buꞌiri wãcũqueꞌtiꞌi.

Tukano

²⁸ Ni'kakã́re kã'ró katî ni'i, yamiákã yãî diha wa'ása'. Be'ró pekâ me'epɨ ɨ̃hâ kõ'a no'osa'. Tohô niîmikã, Õ'âkɨ̃hɨta o'ôrire ãyuró bahukã́ weesamí. Kɨ̃ɨ̂ o'ôrire ãyuró ko'teró nemoró mɨsâ pe'ere weesamí. Mɨsâ, mɨsâ ẽho peótise bu'iri wãkû ke'ti'.

San Lucas 12:28 Iomraidhean Croise

Mateus 14:31

Beꞌro maata Jesú cʉ̃rẽ ñeꞌewĩ. Aꞌtiro niwĩ: —¿Mʉꞌʉ cãꞌrõacã waro ẽjõpeose cʉoti? ¿Deꞌro weegʉ yʉꞌʉ tiro aꞌtisĩꞌrĩmigʉ̃, yʉꞌʉre ẽjõpeotiati? niwĩ.

Mateus 16:8

Jesú ʉ̃sã tojo nisere masĩgʉ̃, aꞌtiro niwĩ: —Mʉsã pã́ marĩ baꞌatjere miititiasʉ nírã, queoro wãcũweꞌe. Mʉsã ẽjõpeose moobutiaꞌa.

Mateus 17:17

Beꞌro Jesú masãrẽ niwĩ: —Mʉsã ẽjõpeose moorã ñaꞌarã niꞌi. Yʉꞌʉ mʉsãrẽ yoacã buꞌemicã, ne tʉꞌomasĩweꞌe yujupʉ. ¿Noꞌocãꞌrõ yoacã mʉsã yʉꞌʉre ẽjõpeoticã wãcũtutuagʉsari? Cʉ̃ wĩꞌmagʉ̃rẽ yʉꞌʉ tiro miitia, niwĩ.

Mateus 17:20

Jesú ʉ̃sãrẽ niwĩ: —Mʉsã yʉꞌʉre añurõ ẽjõpeotise ye buꞌiri cʉ̃rẽ cõꞌawĩrõmasĩtiapã. Diacjʉ̃ mʉsãrẽ weregʉti. Mʉsã mostaza capeacã weronojõ cãꞌrõacã ẽjõpeose cʉorã, aꞌtigʉ ʉ̃rʉ̃gʉ̃rẽ “Aperopʉ waꞌaya”, nímasĩbosaꞌa. Mʉsã tojo nicã, aperopʉ waꞌarosaꞌa. Mʉsã diacjʉ̃ta ẽjõpeocãma, nipeꞌtisere weeta basiorosaꞌa.

Mateus 6:30

Niꞌcã nʉmʉ catíniꞌi, ape nʉmʉ ñaidija waꞌasaꞌa. Beꞌro pecameꞌepʉ ʉ̃jʉ̃acõꞌanoꞌsaꞌa. Yoaticã catimicã, Õꞌacʉ̃ta oꞌorire tojo añurõ bajumeꞌrĩcã weesami. Cʉ̃ oꞌorire añurõ coꞌtero nemorõ mʉsã peꞌere weesami. Mʉsã, mʉsã ẽjõpeotise buꞌiri wãcũqueꞌtiꞌi.

Mateus 8:26

Cʉ̃ wãꞌcã, narẽ yʉꞌticʉ niwĩ: —¿Deꞌro weerã tocãꞌrõ uiti? Mʉsã yʉꞌʉre cãꞌrõacã waro ẽjõpeose cʉoꞌo, nicʉ niwĩ. Tojo nitoja, wãꞌcãnʉꞌcã, wĩꞌrõrẽ, pãꞌcõrĩrẽ diꞌtamarĩacã weecʉ niwĩ. Nipeꞌtise diꞌtamarĩdijapeꞌtia waꞌacaro niwʉ̃.

San Lucas 8:25

Tuꞌajanʉꞌcõ, cʉ̃ buꞌerãrẽ nicʉ niwĩ: —¿Mʉsãrẽ ẽjõpeose deꞌro waꞌamitito? nicʉ niwĩ. Na ʉpʉtʉ ʉcʉaꞌcãrã nitjĩarã ĩꞌamarĩa, aꞌmerĩ nicãrã niwã: —¿Noanojõ nisariba ãꞌrĩ? Wĩꞌrõ, pãꞌcõrĩpʉta tʉꞌomaatidojacãꞌa, nicãrã niwã.

Hebreos 6:7

Õꞌacʉ̃ masãrẽ añurõ weese aꞌtiro niꞌi. Masã diꞌta weronojõ nima. Õꞌacʉ̃ narẽ añurõ weese acoro pejaro weronojõ niꞌi. Nipeꞌtisetiri acoro pejasetirinʉcʉ̃ diꞌtapʉ siꞌbisãjãꞌa. Aco diꞌtapʉre añurõ siꞌbisãjãca beꞌro na otese añurõ pĩꞌrĩ dʉcatisaꞌa. Tojo dʉcaticã, ti diꞌta wiogʉre añu niꞌi. Õꞌacʉ̃ “Añuse diꞌta niꞌi”, nisami. Tojo weronojõ añurõ weerãrẽ eꞌcatise meꞌrã narẽ ĩꞌasami.

1 Pedro 1:24

Õꞌacʉ̃ ye queti ojáca pũrĩpʉ aꞌtiro ojanoꞌwʉ̃: Tá ñai wẽrĩpeꞌtia waꞌasaꞌa. Masã quẽꞌrã tojota nipeꞌtirã wẽrĩrãsama. Oꞌori quẽꞌrã añuse nimirõ, boadijasaꞌa. Masã quẽꞌrã peje cʉorã, wiorã nimiꞌcãrã wẽrĩrãsama.