San Lucas 12:17 - Õꞌacʉ̃ Yere Ucũrĩ Turi

¹⁷ Te peje nicã ĩꞌagʉ̃, aꞌtiro wãcũcʉ niwĩ: “¿Deꞌro weegʉsari yʉꞌʉ te peje meꞌrã? Tere yʉꞌʉ noꞌopʉ nʉrõrõ mooꞌo”, nicʉ niwĩ.

Tukano

¹⁷ Teé pehé niikã́ ĩ'yâgɨ, a'tîro wãkûkɨ niîwĩ: “De'ró weegɨ́sari yɨ'ɨ̂ teé pehé me'ra? Teeré yɨ'ɨ̂ no'opɨ́ nɨroró moó'”, niîkɨ niîwĩ.

San Lucas 12:17 Iomraidhean Croise

Mateus 16:7

Cʉ̃ tojo nicã, ʉ̃sã cʉ̃ nisere tʉꞌotirã, aꞌmerĩ niwʉ̃: —Marĩ pã́rẽ miititiasʉ. Tojo weegʉ marĩrẽ tojo nisami, nimiwʉ̃.

Mateus 5:42

Noꞌo mʉꞌʉrẽ apeyenojõ sẽrĩcã, oꞌoya. Apeyenojõ mʉꞌʉrẽ wasocã, ‘Wasoweꞌe’, niticãꞌña”, nicʉ niwĩ Jesú.

San Lucas 10:25

Beꞌro niꞌcʉ̃ Moisé ojaꞌquere buꞌeri masʉ̃ Jesú cʉ̃ ucũsere tʉꞌogʉ, wãꞌcãnʉꞌcã, Jesú meꞌrã ucũgʉ̃ waꞌacʉ niwĩ. Cʉ̃rẽ mejẽcã yʉꞌticã ʉagʉ, aꞌtiro sẽrĩtiñaꞌcʉ niwĩ: —Masãrẽ buꞌegʉ, yʉꞌʉ Õꞌacʉ̃ meꞌrã catinuꞌcũsĩꞌrĩgʉ̃, ¿deꞌro weegʉsari? nicʉ niwĩ.

San Lucas 11:41

Mʉsã cʉosere ãpẽrãrẽ pajañaꞌrã, oꞌoya. Tojo weerã baparire poꞌpeapʉ coerã weronojõ weerãsaꞌa. Beꞌro buꞌipʉ, poꞌpeapʉ quẽꞌrãrẽ ũꞌirĩ marĩrã weronojõ añurã tojarã́saꞌa.

San Lucas 12:16

Cʉ̃ tojo níca beꞌro aꞌtiro queose meꞌrã werecʉ niwĩ: —Niꞌcʉ̃ peje cʉori masʉ̃ nicʉ niwĩ. Cʉ̃ otéca beꞌro peje waro dʉcaticaro niwʉ̃.

San Lucas 12:18

Beꞌro wãcũapocʉ niwĩ tja: “Aꞌbeya. Aꞌtiro weegʉti. Yʉꞌʉ baꞌase nʉrõrĩ wiꞌire cõꞌapeꞌo, nemorõ pajiri wiꞌi nʉꞌcõgʉ̃ti. Topʉ nipeꞌtise otese dʉcare noꞌo yʉꞌʉ cʉosere nʉrõgʉ̃ti”, nisami.

San Lucas 12:22

Beꞌro Jesú cʉ̃ buꞌerãrẽ nicʉ niwĩ: —Mʉsãrẽ nigʉ̃ti. ¿Ñeꞌenojõ baꞌarãsari? ¿Ñeꞌenojõ sãñarãsari? ni wãcũqueꞌtiticãꞌña.

San Lucas 12:29

Tojo weerã mʉsã baꞌatjere, mʉsã sĩꞌrĩatjere wãcũqueꞌti, wãcũnʉrʉ̃sijaticãꞌña.

San Lucas 12:33

Mʉsã cʉosere dua, ãpẽrã moorãrẽ oꞌoya. Aꞌti turi cjase boadijatjere wãcũticãꞌña. Ʉꞌmʉse cjase boatiatje peꞌere wãcũña. Topʉre mʉsã añuse cʉoatje ne peꞌtisome. Ne yajari masã sãjãa yajasome. Ãpẽrãnojõ quẽꞌrã baꞌabajuriosome.

San Lucas 16:3

Cʉ̃ tojo nicã tʉꞌogʉ, aꞌtiro wãcũcʉ niwĩ: “Yʉꞌʉ wiogʉ yʉꞌʉre cõꞌawĩrõmi. Tojo weegʉ ¿deꞌro weegʉsari? Yʉꞌʉ daꞌratutuaweꞌe. Ãpẽrãrẽ niyeru sẽrĩdujigʉ, bopoya nisaꞌa.

San Lucas 16:9

Jesú narẽ aꞌtiro werecasacʉ niwĩ: —Mʉsã aꞌti nucũcãpʉ mʉsã cʉosere pajasecʉorãrẽ añurõ oꞌoweꞌoya. Tojo weerã mʉsã meꞌrãcjãrã bocarãsaꞌa. Beꞌro mʉsã cʉose peꞌtíca beꞌro mʉsã ãpẽrãrẽ weetamuꞌque ʉꞌmʉsepʉ niyutojarosaꞌa. Mʉsã weetamuꞌcãrã ʉꞌmʉsepʉ nirã́ topʉre mʉsãrẽ põtẽrĩrãsama.

San Lucas 18:22

Cʉ̃ tojo nicã tʉꞌogʉ, Jesú nicʉ niwĩ: —Mʉꞌʉrẽ apeyenojõacã dʉꞌsaꞌa yujupʉ. Mʉꞌʉ cʉosere duapeꞌocjʉ̃ waꞌaya. Te duaꞌque wapare pajasecʉorãrẽ oꞌoya. Tojo weegʉ mʉꞌʉ ʉꞌmʉsepʉre peje añuse cʉogʉsaꞌa. Tuꞌajanʉꞌcõ, yʉꞌʉre sirutuya, nicʉ niwĩ.

San Lucas 19:17

Wiogʉ cʉ̃rẽ yʉꞌtisami: “Añurõ weeapã. Mʉꞌʉ daꞌracoꞌtegʉ añugʉ̃ niꞌi. Yʉꞌʉ cãꞌrõacã cũuꞌque meꞌrã mʉꞌʉ queoro weeapã. Tojo weegʉ mʉꞌʉrẽ diez macãrĩ wiogʉ sõrõgʉ̃ti”, nisami.

San Lucas 3:11

Juã narẽ yʉꞌticʉ niwĩ: —Noꞌo pʉaro suꞌtiro cʉogʉnojõ apĩ moogʉ̃rẽ niꞌcãrõ oꞌoya. Baꞌase cʉogʉnojõ baꞌase moogʉ̃ meꞌrã dʉcawaa baꞌaya, nicʉ niwĩ.

Hechos 16:30

Beꞌro wãꞌcãnʉꞌcã, narẽ pijiwĩrõ, sẽrĩtiñaꞌcʉ niwĩ: —¿Deꞌro weegʉsari yʉꞌʉ Õꞌacʉ̃ yʉꞌʉre yʉꞌrʉoato nígʉ̃?

Hechos 2:37

Cʉ̃ tojo nicã tʉꞌorã, “Ʉ̃sã buꞌiri cʉosaꞌa”, ni wãcũcãrã niwã. Tojo weerã Pedrore, ãpẽrã Jesú cʉ̃ besecṹúꞌcãrãrẽ “¿Ʉ̃sã deꞌro weerãsari?” ni sẽrĩtiñaꞌcãrã niwã.

Romanos 12:13

Jesure ẽjõpeorãrẽ apeyenojõ dʉꞌsacã, mʉsã cʉosere dʉcawaaya. Mʉsã tiropʉ etarãrẽ añurõ ñeꞌeña.

1 Timoteo 6:17

Noꞌo peje cʉorãnojõrẽ aꞌtiro weedutiya. Na “Ãpẽrã yʉꞌrʉoro niyʉꞌrʉnʉꞌcãꞌa”, niticãꞌto. Na cʉose meꞌrã “Añurõ waꞌarosaꞌa”, ni eꞌcatiyuticãꞌto. Te queoro niweꞌe. Peꞌtidija waꞌarosaꞌa. Tojo weronojõ oꞌorã, Õꞌacʉ̃ peꞌere eꞌcatise meꞌrã yucueato. Cʉ̃ catinuꞌcũgʉ̃ marĩrẽ eꞌcaticã ʉagʉ, nipeꞌtise marĩ cʉosere oꞌomi.

1 João 3:16

Jesucristo marĩ ye niatjere wẽrĩcʉ niwĩ. Tojo weerã marĩ aꞌmerĩ maꞌisere masĩꞌi. Noꞌo ãpẽrãrẽ maꞌírã, marĩ ya catiri ʉmʉcore wãcũnʉrʉ̃tisaꞌa. Narẽ weetamurã, marĩ quẽꞌrã wẽrĩmasĩꞌi.