San Lucas 11:2 - Õꞌacʉ̃ Yere Ucũrĩ Turi

² Jesú yʉꞌticʉ niwĩ: —Õꞌacʉ̃rẽ ñubuerã, aꞌtiro niña: “Pacʉ, mʉꞌʉ ʉꞌmʉsepʉ niꞌi. Nipeꞌtirã mʉꞌʉrẽ wiopesase meꞌrã ẽjõpeoato. Aꞌti turipʉre mʉꞌʉ beseꞌcʉ maata wiogʉ sãjãgʉ̃ aꞌtiato. Ʉꞌmʉsepʉre mʉꞌʉ ʉaro diaꞌcʉ̃ weesama. Na weronojõ aꞌti turicjãrã quẽꞌrã mejãrõta weeato.

Tukano

² Jesu yɨ'tíkɨ niîwĩ: —Õ'âkɨ̃hɨre sẽrírã, a'tîro niîya: “Pakɨ́, mɨ'ɨ̂ ɨ'mɨ̂sepɨ niî'. Niî pe'tirã mɨ'ɨ̂re wio pesáse me'ra ẽho peoáto. A'ti nukúkãpɨre mɨ'ɨ̂ besé'kɨ maatá wiôgɨ sãhágɨ a'tiáto. Ɨ'mɨ̂sepɨre mɨ'ɨ̂ ɨaró di'akɨ̃ weesamá. Naâ weeró noho a'ti nukúkãkãharã kẽ'ra meharóta weeáto.

San Lucas 11:2 Iomraidhean Croise

Mateus 10:32

Jesú werenemowĩ: —Noꞌo masã tʉꞌoropʉ yʉꞌʉre “Ẽjõpeoꞌo” ni werecã, yʉꞌʉ quẽꞌrã narẽ yʉꞌʉ pacʉ ʉꞌmʉsepʉ nigʉ̃rẽ añurõ ucũgʉ̃saꞌa.

Mateus 3:2

Aꞌtiro ni werecʉ niwĩ: —Cãꞌrõacã beꞌro Õꞌacʉ̃ beseꞌcʉ pãjãrã masã wiogʉ sãjãgʉ̃sami. Tojo weerã mʉsã ñaꞌarõ weeꞌquere bʉjaweti, duꞌuya. Mʉsã wãcũsere dʉcayuya, nicʉ niwĩ.

Mateus 5:16

Aꞌte weronojõ bajuyoropʉ yʉꞌʉ ʉaronojõ añurõ weesetiya. Mʉsã añurõ weecã ĩꞌarã, ãpẽrã quẽꞌrã marĩ pacʉ ʉꞌmʉsepʉ nigʉ̃rẽ ‘Añuyʉꞌrʉgʉ nimi’, ni eꞌcatirãsama.

San Lucas 11:1

Niꞌcã nʉmʉ Jesú aperopʉ ñubuegʉ weecʉ niwĩ. Cʉ̃ ñubuetuꞌajaca beꞌro niꞌcʉ̃ cʉ̃ buꞌegʉ Jesure nicʉ niwĩ: —Ʉ̃sã wiogʉ, Juã masãrẽ wãmeyeri masʉ̃ cʉ̃ buꞌerãrẽ Õꞌacʉ̃rẽ ñubuesere buꞌecʉ niwĩ. Mʉꞌʉ quẽꞌrã ʉ̃sãrẽ buꞌeya, nicʉ niwĩ.

Romanos 8:15

Õꞌacʉ̃ Espíritu Santure marĩrẽ oꞌócʉ niwĩ. Tojo weerã niꞌcãrõacãrẽ daꞌracoꞌterã na wiogʉre uirã weronojõ niweꞌe. Marĩrẽ Õꞌacʉ̃ põꞌrã sãjãcã weesami. Tojo weerã cʉ̃ weetamurõ meꞌrã marĩ Õꞌacʉ̃rẽ “Pacʉ”, nímasĩꞌi.

1 Corintios 1:3

Õꞌacʉ̃ marĩ pacʉ, tojo nicã Jesucristo marĩ wiogʉ mʉsãrẽ añurõ weeato. Mʉsãrẽ ejerisãjãcã weeato.

2 Corintios 1:2

Mʉsãrẽ Õꞌacʉ̃ marĩ pacʉ, tojo nicã Jesucristo marĩ wiogʉ añurõ weeato. Tojo nicã mʉsãrẽ ejerisãjãcã weeato.

Gálatas 1:4

Jesucristo cʉ̃ basu cʉ̃ ʉaro meꞌrã marĩ ñaꞌarõ weeꞌquere wẽrĩbosacʉ niwĩ. Aꞌti ʉmʉco cjase ñaꞌase doca ninemoticãꞌto nígʉ̃ tojo weecʉ niwĩ. Aꞌtere wéégʉ, marĩ pacʉ Õꞌacʉ̃ dutiꞌcaronojõta weecʉ niwĩ.

Efesios 1:2

Mʉsãrẽ Õꞌacʉ̃ marĩ pacʉ, Jesucristo marĩ wiogʉ añurõ weeato. Mʉsãrẽ ejerisãjãcã weeato.

Filipenses 1:2

Õꞌacʉ̃ marĩ pacʉ, Jesucristo marĩ wiogʉ mʉsãrẽ añurõ weeato. Mʉsãrẽ ejerisãjãcã weeato.

Filipenses 4:20

Marĩ pacʉ Õꞌacʉ̃rẽ eꞌcatipeonuꞌcũrã. Tojota weerã.

Colosenses 1:2

Mʉsã Colosacjãrã Jesucristo yarã cʉ̃rẽ ẽjõpeonuꞌcũrãrẽ ojaꞌa. Mʉsãrẽ Õꞌacʉ̃ marĩ pacʉ añurõ weeato. Ejerisãjãcã weeato.

1 Tesalonicenses 1:1

Yʉꞌʉ Pablo, yʉꞌʉ meꞌrãcjãrã Silvano, Timoteo meꞌrã mʉsãrẽ aꞌti pũrĩrẽ ojaꞌa. Mʉsã Tesalónicacjãrãrẽ marĩ pacʉ Õꞌacʉ̃, marĩ wiogʉ Jesucristo yarãrẽ añudutise oꞌoꞌo. Õꞌacʉ̃ mʉsãrẽ añurõ weeato. Mʉsãrẽ ejerisãjãcã weeato.

1 Tesalonicenses 1:3

Cʉ̃rẽ ñubuerã, aꞌtiro niꞌi. “Õꞌacʉ̃, Tesalónicacjãrã mʉꞌʉ macʉ̃ Jesucristore ẽjõpeorã añurõ weesetisama. Na maꞌisere ĩꞌorã, ãpẽrãrẽ añurõ weetamusama. Jesucristo cʉ̃ apaturi aꞌtiatjere eꞌcatise meꞌrã yucuerã weesama. Tojo weerã cʉ̃rẽ ẽjõpeoduꞌutisama”, ni ñubueꞌe Õꞌacʉ̃rẽ.

2 Tesalonicenses 2:16

Jesucristo marĩ wiogʉ basuta, tojo nicã marĩ pacʉ Õꞌacʉ̃ marĩrẽ pajañaꞌrã, maꞌicãrã niwã. Na marĩrẽ wãcũtutuacã weenuꞌcũsama. Marĩrẽ oꞌoatjere eꞌcatiyutojacã weesama.

Apocalipse 11:15

Õꞌacʉ̃rẽ werecoꞌtegʉ nitʉogʉ putiwĩ. Ʉꞌmʉsepʉ nirã́ tutuaro meꞌrã na ucũcã tʉꞌowʉ. Aꞌtiro niwã: Niꞌcãrõacãrẽ Õꞌacʉ̃ marĩ wiogʉ nipeꞌtirã aꞌti nucũcãcjãrã wiogʉ sãjãmi. Cʉ̃ beseꞌcʉ Cristo tojota sãjãmi. Cʉ̃ dutinuꞌcũgʉ̃sami, niwã.

Apocalipse 15:4

¿Noanojõ mʉꞌʉrẽ uitibosari? ¿Noa mʉꞌʉrẽ ñubuepeotibosari? Mʉꞌʉ niꞌcʉ̃ta ñaꞌase moogʉ̃ niꞌi. Nipeꞌtise macãrĩcjãrã mʉꞌʉrẽ ñubuepeorãsama. Mʉꞌʉ queoro weeꞌquere ĩꞌarã, na tojo weerãsama, ni basawã.

Apocalipse 19:6

Beꞌro yʉꞌʉ pãjãrã masã ucũcã tʉꞌowʉ. Peje maarĩ puꞌeeja oꞌmabʉrose maarĩ weronojõ bʉsʉwã. Bʉpo ʉpʉtʉ paaro weronojõ bʉsʉwã. Aꞌtiro niwã: Marĩ Õꞌacʉ̃rẽ eꞌcatipeorã. Aleluya. Marĩ wiogʉ tutuayʉꞌrʉnʉꞌcãgʉ̃ niꞌcãrõacãrẽ nipeꞌtirãrẽ dutigʉ sãjãnʉꞌcãmi.

Apocalipse 20:4

Beꞌro, peje wiorã dujise cũmurĩrẽ ĩꞌawʉ̃. Te cũmurĩpʉ dujirã aꞌti nucũcãcjãrãrẽ besemasĩsere oꞌonoꞌcãrã niwã. Ãpẽrã quẽꞌrãrẽ ĩꞌawʉ̃. Na Õꞌacʉ̃ ye queti, tojo nicã Jesú yere werese ye buꞌiri na dʉpopare dʉtesurenoꞌcãrã niwã. Na yai weronojõ bajugʉ, cʉ̃ queose yeeꞌquere ne ñubuepeoticãrã niwã. Tojo nicã na diapoapʉ, na omocãrĩpʉ cʉ̃ wãmerẽ ne ojaõꞌonoꞌticãrã niwã. Na wẽrĩꞌcãrãpʉ nimirã, masãwã. Na masã́ca beꞌro Cristo meꞌrã mil cʉ̃ꞌmarĩ masãrẽ dutitamuwã.