San Lucas 11:15 - Õꞌacʉ̃ Yere Ucũrĩ Turi

¹⁵ Niꞌcãrẽrã aꞌtiro nicãrã niwã: —Ãꞌrĩ Jesú wãtĩa wiogʉ Beelzebú wãmetigʉ tutuaro meꞌrã wãtĩrẽ cõꞌawĩrõmi, nicãrã niwã.

Tukano

¹⁵ Ni'karérã a'tîro niîkãrã niîwã: —Ã'rí Jesu wãtiâ wiôgɨ Beelzebú wamêtigɨ tutuaró me'ra wãtîre kõ'â wĩromi, niîkãrã niîwã.

San Lucas 11:15 Iomraidhean Croise

Mateus 10:25

Buꞌegʉ, cʉ̃rẽ buꞌegʉ weronojõ nigʉ̃ti, nirõʉaꞌa. Mejãrõta daꞌracoꞌtegʉ cʉ̃ wiogʉ weronojõ nigʉ̃ti, nirõʉaꞌa. Buꞌeri masʉ̃, wiogʉ, na ñaꞌarõ yʉꞌrʉcã, buꞌenoꞌgʉ̃, daꞌracoꞌtegʉ quẽꞌrã ñaꞌarõ yʉꞌrʉsama. Tojo weero yʉꞌʉ mʉsãrẽ buꞌegʉre “Beelzebú, wãtĩa wiogʉ nimi” nicã, ¿deꞌro weerã mʉsã yʉꞌʉ buꞌerãrẽ tojo nitibosabaʉ? niwĩ Jesú.

Mateus 12:22

Beꞌro Jesú tiropʉ caperi bajutigʉ, ucũtigʉ wãtĩ sãjãnoꞌcʉre miiejawã. Na cʉ̃rẽ miiejacã ĩꞌagʉ̃, Jesú cʉ̃rẽ yʉꞌrʉowĩ. Tojo wééca beꞌro ĩꞌa, ucũwĩ.

Mateus 4:24

Cʉ̃ tojo weese quetire nipeꞌtiro Siria diꞌtacjãrã masĩpeꞌticãrã niwã. Tojo weerã deꞌro nise piꞌetirãrẽ cʉ̃ tiropʉ miacãrã niwã. Doꞌatirãrẽ, wãtĩ sãjãnoꞌcãrãrẽ, noꞌo ñama wẽrĩse cʉorãrẽ, tojo nicã sijamasĩtirãrẽ cʉ̃ tiro miaa, yʉꞌrʉoduticãrã niwã. Nipeꞌtirãrẽ yʉꞌrʉocʉ niwĩ.

Mateus 9:34

Fariseo masã peꞌe aꞌtiro niwã: —Wãtĩa wiogʉ tutuaro meꞌrã ãꞌrĩ wãtĩarẽ cõꞌawĩrõsami, niwã.

San Juan 10:20

Niꞌcãrẽrã cʉ̃rẽ niwã: —¿Deꞌro weerã mʉsã cʉ̃rẽ tʉꞌoti? Maatigʉ weemi. Wãtĩ sãjãnoꞌcʉ nimi, niwã.

San Juan 7:20

Masã cʉ̃rẽ niwã: —¿Noa mʉꞌʉrẽ wẽjẽsĩꞌrĩti? Mʉꞌʉ wãtĩ sãjãnoꞌcʉ nisaꞌa.

San Juan 8:48

Jesú tojo nicã tʉꞌorã, judío masã cʉ̃rẽ niwã: —Ʉ̃sã mʉꞌʉrẽ Samariacjʉ̃, wãtĩ sãjãnoꞌcʉ niꞌi nírã, diacjʉ̃ta niꞌi.

San Juan 8:52

Na Jesure niwã: —Mʉꞌʉ “Yʉꞌʉ ucũsere tʉꞌo ẽjõpeogʉ wẽrĩsome” nise buꞌiri ʉ̃sã añurõ masĩꞌi. Mʉꞌʉ wãtĩ sãjãnoꞌcʉ niꞌi. Todʉporocjãrã nipeꞌtirã Õꞌacʉ̃ ye queti weremʉꞌtãrĩ masã, tojo nicã Abrahã wẽrĩpeꞌtidija waꞌacãrã niwã.