San Lucas 10:29 - Õꞌacʉ̃ Yere Ucũrĩ Turi

²⁹ Moisé ojaꞌquere buꞌegʉ peꞌe cʉ̃rẽ añurõ wãcũcã ʉagʉ, Jesure aꞌtiro nicʉ niwĩ tja: —¿Noanojõ niti ãpẽrãrẽ maꞌirõʉaꞌa nirãnojõ? nicʉ niwĩ.

Tukano

²⁹ Moisé ohâ'kere bu'egɨ́ pe'e kɨ̃ɨ̂re ãyuró wãkukã́ ɨágɨ, Jesuré a'tîro niîkɨ niîwĩ taha: —Noa nohó niîti naâ ãpêrãre ma'iró ɨá' niirã́ noho? niîkɨ niîwĩ.

San Lucas 10:29 Iomraidhean Croise

Marcos 8:34

Beꞌro Jesú cʉ̃ buꞌerãrẽ, tojo nicã masãrẽ pijio, werecʉ niwĩ: —Noꞌo yʉꞌʉre ẽjõpeosirutugʉnojõ cʉ̃ weesĩꞌrĩrõnojõ weeticãꞌto. Yʉꞌʉ ʉaro peꞌe weeato. Noꞌo yʉꞌʉre sirutusĩꞌrĩgʉ̃ “Jesure ẽjõpeogʉ, wẽrĩbosaʉ” nitigʉta sirutuato.

San Lucas 10:36

Aꞌtere wéréca beꞌro Jesú Moisé ojaꞌquere buꞌegʉre aꞌtiro nicʉ niwĩ: —Mʉꞌʉ ĩꞌacã, ¿niꞌinojõ peꞌe na iꞌtiarã waꞌterore yajari masã na ñaꞌarõ weeꞌcʉre pajañaꞌpari? nicʉ niwĩ.

San Lucas 16:15

Tojo weecã ĩꞌagʉ̃, Jesú narẽ nicʉ niwĩ: —Mʉsã masã ĩꞌorõpʉ diaꞌcʉ̃rẽ “Añurã nima” nicã ʉaꞌa. Õꞌacʉ̃ peꞌe poꞌpeapʉ mʉsã weesetisere ĩꞌapeꞌocãꞌmi. Masã ĩꞌorõpʉ “Añuyʉꞌrʉaꞌa” nisenojõrẽ Õꞌacʉ̃ tʉꞌsatisami, nicʉ niwĩ Jesú.

Romanos 10:3

Õꞌacʉ̃ marĩrẽ Jesucristore ẽjõpeose meꞌrã “Añurã nima”, nisami. Cʉ̃ tojo nisere ẽjõpeosĩꞌrĩtirã, judío masã peꞌe na basu weetutuase meꞌrã añurã nisĩꞌrĩmisama. Tojo weerã Õꞌacʉ̃ cʉ̃ “Weeya” níꞌquere weetisama.

Romanos 4:2

Õꞌacʉ̃ Abrahã weesere ĩꞌagʉ̃ mejẽta, cʉ̃rẽ “Añugʉ̃ nimi”, nicʉ niwĩ. Tojo nicãma, Abrahã cʉ̃ añurõ weeꞌque wapa “Yʉꞌʉ añugʉ̃ niꞌi”, nímasĩbopĩ. Õꞌacʉ̃ ĩꞌorõpʉ peꞌere tojo nita basioweꞌe.

Gálatas 3:11

Õꞌacʉ̃ ye queti ojáca pũrĩpʉre aꞌtiro ojanoꞌwʉ̃: “Õꞌacʉ̃ cʉ̃rẽ ẽjõpeorãrẽ ‘Añurã nima’, ni ĩꞌasami. Cʉ̃ meꞌrã ninuꞌcũrãsama”, niwʉ̃. Tojo weerã marĩ masĩꞌi. Moisé dutise meꞌrã ne niꞌcʉ̃ Õꞌacʉ̃ meꞌrã añurõ nita basioweꞌe.

Santiago 2:24

Cʉ̃ tojo weeꞌquere wãcũrã, marĩ aꞌtiro masĩꞌi. Marĩ Õꞌacʉ̃rẽ ẽjõpeorã añurõ weecã, Abrahãrẽ weronojõ marĩ quẽꞌrãrẽ “Añurã nima”, ni ĩꞌasami. Marĩrẽ “Õꞌacʉ̃rẽ ẽjõpeoꞌo” ni ucũse ʉseri meꞌrã diaꞌcʉ̃ “Añurã nima”, nitisami.