San Lucas 10:28 - Õꞌacʉ̃ Yere Ucũrĩ Turi

²⁸ Tere tʉꞌogʉ, Jesú cʉ̃rẽ nicʉ niwĩ: —Mʉꞌʉ queoro waro yʉꞌtiꞌi. Mʉꞌʉ aꞌtere wéégʉ, Õꞌacʉ̃ meꞌrã catinuꞌcũgʉ̃saꞌa, nicʉ niwĩ.

Tukano

²⁸ Teeré tɨ'ógɨ, Jesu kɨ̃ɨ̂re niîkɨ niîwĩ: —Mɨ'ɨ̂ keoró waro yɨ'tí'. Mɨ'ɨ̂ a'teré weégɨ, Õ'âkɨ̃hɨ me'ra katî nu'kugɨsa', niîkɨ niîwĩ.

San Lucas 10:28 Iomraidhean Croise

Mateus 19:17

Jesú cʉ̃rẽ yʉꞌtiwĩ: —¿Deꞌro weegʉ yʉꞌʉre añuse cjasere sẽrĩtiñaꞌti? Niꞌcʉ̃ta añugʉ̃ nimi. Cʉ̃ Õꞌacʉ̃ nimi. Mʉꞌʉ catinuꞌcũsĩꞌrĩgʉ̃, Õꞌacʉ̃ dutise cũuꞌquere weeya, niwĩ.

Marcos 12:34

Jesú cʉ̃ weesooro marĩrõ añurõ ucũmeꞌrĩcã ĩꞌagʉ̃, cʉ̃rẽ nicʉ niwĩ: —Cãꞌrõacã dʉꞌsaꞌa mʉꞌʉ Õꞌacʉ̃rẽ añurõ ẽjõpeo yʉꞌrʉtẽrĩatjo, nicʉ niwĩ. Aꞌte beꞌrore ne niꞌcʉ̃ Jesure sẽrĩtiñaꞌmaꞌaticʉ niwĩ.

San Lucas 7:43

Simó cʉ̃rẽ yʉꞌticʉ niwĩ: —Yʉꞌʉ aꞌtiro tʉꞌoñaꞌsaꞌa. Pajiro wapamooꞌcʉ peꞌe maꞌiyʉꞌrʉnʉꞌcãsami, nicʉ niwĩ. Jesú cʉ̃rẽ nicʉ niwĩ: —Mʉꞌʉ queoro yʉꞌtiꞌi.

Romanos 10:4

Dʉporopʉ Moisé ojaꞌquepʉ “Õꞌacʉ̃ cʉ̃ beseꞌcʉ masã ñaꞌarõ weeꞌquere yʉꞌrʉogʉsami”, ni ojanoꞌcaro niwʉ̃. Jesucristota nipeꞌtise Moisé cʉ̃ dutiꞌquere weetuꞌajanʉꞌcõpeꞌocʉ niwĩ. Tojo weerã Jesucristore ẽjõpeose meꞌrã diaꞌcʉ̃ Õꞌacʉ̃ meꞌrã añurõ nita basioꞌo. Cʉ̃rẽ ẽjõpeocã, Õꞌacʉ̃ “Añurã, buꞌiri marĩrã nima”, ni ĩꞌasami.

Romanos 3:19

Marĩ masĩꞌi, Moisé cʉ̃ dutisere ʉ̃sã judío masãrẽ cũucʉ niwĩ. Ʉ̃sã te dutisere masĩmirã, tere weetirã, buꞌiritirã tojasaꞌa. Cʉ̃ dutise cũuꞌque aꞌtiro niꞌi. Nipeꞌtirã judío masãrẽ, judío masã nitirãrẽ buꞌiritirã nima, ni masĩdutiro tojo niꞌi.

Romanos 7:10

Marĩ Õꞌacʉ̃ dutisere wéérã, añurõ nicãꞌbosaꞌa. Yʉꞌʉ peꞌe te dutise deꞌro weepeꞌomasĩtigʉ, buꞌiritigʉ tojawʉ. Te dutise masãrẽ Õꞌacʉ̃ meꞌrã añurõ tojacã weeboronojõ nírõ, yʉꞌʉ peꞌere buꞌiritigʉ tojacã weewʉ.

Gálatas 3:12

Moisé cʉ̃ dutise peꞌe tojo mejẽta niꞌi. Aꞌtiro peꞌe niwʉ̃. “Nipeꞌtise Moisé dutiꞌquere weepeꞌogʉ, Õꞌacʉ̃ meꞌrã catinuꞌcũcʉ̃sami. Tere weepeꞌotigʉre Õꞌacʉ̃ ‘Buꞌiri cʉomi’, ni ĩꞌagʉ̃sami”, niwʉ̃.