Jueces 7:15 - Õꞌacʉ̃ Yere Ucũrĩ Turi

¹⁵ Gedeṍ cʉ̃ quẽꞌesere tʉꞌogʉ, ejaqueꞌa, Õꞌacʉ̃rẽ ẽjõpeocʉ niwĩ. Beꞌro Israe curuacjãrã nerẽrõpʉ daja, narẽ aꞌtiro nicʉ niwĩ: —Wãꞌcãnʉꞌcãña. Õꞌacʉ̃ sõjã madianita masã surarare marĩrẽ wiagʉsami, nicʉ niwĩ.

Jueces 7:15 Iomraidhean Croise

Génesis 24:48

Tojo weetoja, yʉꞌʉ ejaqueꞌa, Õꞌacʉ̃rẽ, Abrahã yʉꞌʉ wiogʉ ẽjõpeogʉre eꞌcatise oꞌoapʉ. Cʉ̃ yʉꞌʉ wiogʉ acawererã tiropʉ waꞌari maꞌarẽ queoro ĩꞌoami. Cʉ̃ yʉꞌʉ wiogʉ Abrahã macʉ̃ nʉmo niacjore miidutigʉ, tojo weeami.

Génesis 40:8

Na yʉꞌticãrã niwã: —Ʉ̃sã pʉarã mejẽcã bajuse quẽꞌeasʉ. Aꞌtopʉre ne niꞌcʉ̃pʉta ʉ̃sã quẽꞌeꞌquere “Tojo nisĩꞌrĩrõ weeapã” nigʉ̃nojõrẽ bocatisaꞌa, nicãrã niwã. Na tojo nicã tʉꞌogʉ, José aꞌtiro nicʉ niwĩ: —Õꞌacʉ̃ niꞌcʉ̃ta aꞌtenojõrẽ weremasĩsami. Yʉꞌʉre wereya mʉsã quẽꞌeꞌquere, nicʉ niwĩ.

Génesis 41:11

Niꞌcã ñami pã́ weeri masã wiogʉ quẽꞌecʉ niwĩ. Yʉꞌʉ quẽꞌrã mejẽcã bajuse quẽꞌewʉ̃. Ʉ̃sã quẽꞌeꞌquenʉcʉ̃ mejẽcã diaꞌcʉ̃ nisĩꞌrĩrõ weecaro niwʉ̃.

Jueces 3:28

Aod narẽ aꞌtiro nicʉ niwĩ: “Teꞌa, yʉꞌʉre sirutuya. Õꞌacʉ̃ marĩrẽ ĩꞌatuꞌtirã moabita masãrẽ docaqueꞌacã weegʉsami”, nicʉ niwĩ. Tojo weerã cʉ̃rẽ sirutubuꞌa, dia Jordã́ ʉ̃ꞌcʉ̃atiropʉ Moab diꞌta waꞌarore cãꞌmotaꞌanʉꞌcãejacãrã niwã. Tojo weerã ne niꞌcʉ̃ yʉꞌrʉpẽꞌacã weeticãrã niwã. Titare diez mil moabita masã surara tutuarãrẽ wẽjẽpeꞌocãꞌcãrã niwã.

Jueces 4:14

Cʉ̃ tojo weecã ĩꞌagõ, Débora Barare aꞌtiro ni wereco niwõ: —Waꞌaya. Niꞌcãcã Õꞌacʉ̃ marĩ wiogʉ mʉꞌʉrẽ Sísarare wiagʉsami. Marĩ wiogʉ mʉsã dʉporo ʉꞌmʉtãtojacʉ niami, nico niwõ. Co tojo nicã, Barac cʉ̃ yarã surara diez mil ʉmʉa ʉ̃rʉ̃gʉ̃ Tabopʉ níꞌcãrã Sísara yarã surara meꞌrã aꞌmewẽjẽrã waꞌarã dijaacãrã niwã.

Jueces 7:11

Topʉ na ucũsere tʉꞌogʉ waꞌaya. Tojo wééca beꞌro wãcũtutuase meꞌrã aꞌmewẽjẽgʉ̃saꞌa”, nicʉ niwĩ. Tojo weegʉ Gedeṍ cʉ̃rẽ daꞌracoꞌtegʉ Fura meꞌrã madianita masã nerẽrõ sumutopʉ buꞌa waꞌacãrã niwã.

Jueces 7:14

Cʉ̃ tojo werecã tʉꞌogʉ, cʉ̃ meꞌrãcjʉ̃ aꞌtiro ni yʉꞌticʉ niwĩ: —Mʉꞌʉ tojo quẽꞌese Gedeṍ, Joás macʉ̃, Israe curuacjʉ̃, cʉ̃ ya diꞌpjĩ, aꞌmewẽjẽrĩ pjĩ nisĩꞌrĩrõ weeꞌe. Õꞌacʉ̃ marĩ madianita masã, nipeꞌtirã aꞌtopʉ nerẽrãrẽ, tojo nicã nipeꞌtise marĩ cʉosere Gedeṍrẽ wiagʉsami, nicʉ niwĩ.

Jueces 7:16

Cʉ̃ tojo níca beꞌro cʉ̃ yarã trescientos ʉmʉarẽ iꞌtia curua dʉcawaacʉ niwĩ. Nanʉcʉ̃rẽ putiatje capesaꞌrire oꞌo, tojo nicã sʉtʉparʉ ope pecameꞌe na sĩꞌaꞌque posetiseparʉre oꞌocʉ niwĩ.