Jueces 6:26 - Õꞌacʉ̃ Yere Ucũrĩ Turi

²⁶ Tere cõꞌatoja, Õꞌacʉ̃ mʉꞌʉ wiogʉre niꞌcãrõ waꞌicʉrãrẽ ʉ̃jʉ̃amorõpeoatjore niꞌcã mesã ʉ̃tã meꞌrã seeneocũuña tja. Mʉsã duꞌtiro nirĩ buꞌa dʉposãrĩpʉ seeneocũuña. Tuꞌajanʉꞌcõ, wecʉre wẽjẽ, topʉ peca, mʉsã paacõꞌaca tuturo meꞌrã Õꞌacʉ̃rẽ ʉ̃jʉ̃amorõpeoya, nicʉ niwĩ.

Jueces 6:26 Iomraidhean Croise

Éxodo 34:13

Tojo weronojõ oꞌorã, aꞌtiro peꞌe weeya. Na waꞌicʉrãrẽ ʉ̃jʉ̃amorõpeosere paamʉtõcãꞌña. Apeye ʉ̃tãpaga na miinʉꞌcõꞌque na ẽjõpeosere mʉtõpeꞌocãꞌña. Tojo nicã Aserá wãmetigo na ẽjõpeose yeeꞌque yucʉ meꞌrã weeꞌque tuturire dʉtecõꞌacãꞌña.

1 Corintios 14:33

Õꞌacʉ̃ queoro weecã ʉami. Noꞌo ʉaro weesere ʉatimi. Nipeꞌtirã Jesucristore ẽjõpeorã nerẽrã, aꞌtiro weewʉama.

1 Corintios 14:40

Nipeꞌtise mʉsã weesere noꞌo ʉaro weemaꞌaticãꞌña. Wiopesase meꞌrã weeya.

Jueces 6:25

Ti ñamita Õꞌacʉ̃ Gedeṍrẽ aꞌtiro nicʉ niwĩ: —Niꞌcʉ̃ wecʉ ʉmʉ mʉꞌʉ pacʉ yarã waꞌteropʉ nigʉ̃́, siete cʉ̃ꞌma cʉogʉre ñeꞌegʉ̃ waꞌaya. Baare waꞌicʉrãrẽ ʉ̃jʉ̃amorõpeoro, mʉꞌʉ pacʉ yarore paamʉtõdijogʉ waꞌaya. Tojo nicã, to pʉꞌto nirĩ tuturo Astarté queose nirĩ tuturore paacõꞌaña.

Jueces 6:27

Beꞌro Gedeṍ diez ʉmʉa, cʉ̃rẽ daꞌracoꞌterã meꞌrã Õꞌacʉ̃ cʉ̃rẽ weedutiꞌcaronojõta weecʉ niwĩ. Cʉ̃ acawererãrẽ, ti macãcjãrãrẽ uiyugʉ, ʉmʉco ʉ̃jʉ̃amorõpeosĩꞌrĩticʉ niwĩ. Tojo weegʉ ñamipʉ ʉ̃jʉ̃amorõpeocʉ niwĩ.