Jueces 6:19 - Õꞌacʉ̃ Yere Ucũrĩ Turi

¹⁹ Cʉ̃ tojo nicã, Gedeṍ waꞌa, niꞌcʉ̃ cabracãrẽ wẽjẽ, doꞌa, tojo nicã pã́ bʉcʉase meꞌrã morẽtiꞌquere apocʉ niwĩ. Tuꞌajanʉꞌcõ, diꞌirore piꞌipʉ miisãa, tecore sʉtʉwʉpʉ piosãacʉ niwĩ. Te nipeꞌtisere cʉ̃ yucʉ doca dujigʉre mia, oꞌocʉ niwĩ.

Jueces 6:19 Iomraidhean Croise

Génesis 18:3

Narẽ aꞌtiro nicʉ niwĩ: —Wiogʉ, yʉꞌʉre yʉꞌrʉaticãꞌña; coꞌteniña yujupʉ.

Génesis 18:5

Mʉsãrẽ daꞌracoꞌtegʉ tiro aꞌtiapʉ. Tojo weegʉ mʉsã baꞌatjere miigʉ̃ waꞌagʉti. Mʉsã tere baꞌáca beꞌro wãcũtutua, yʉꞌrʉwãꞌcãrãsaꞌa, nicʉ niwĩ Abrahã. Na “Jaʉ”, ni yʉꞌticãrã niwã.

Mateus 13:33

Beꞌro apeye queose meꞌrã werenemowĩ tja: —Õꞌacʉ̃ wiogʉ nise aꞌtiro weronojõ niꞌi. Niꞌcõ numio pã́ weegotigo pã́ weese harinarẽ iꞌtiapa queo, poꞌosãasamo. Te meꞌrã levadura pã́ bʉcʉacã weesere morẽsamo. Beꞌro te nipeꞌtise bʉcʉa seꞌsapeꞌtia waꞌasaꞌa, niwĩ. Levadura harinarẽ bʉcʉacã weeꞌcaro weronojõ Õꞌacʉ̃ wiogʉ nise nipeꞌtiropʉ seꞌsarosaꞌa nígʉ̃, tojo niwĩ.

Jueces 13:20

Pecameꞌe oꞌme mʉjãarĩ cura Õꞌacʉ̃ cʉ̃ basuta nimigʉ̃, cʉ̃rẽ werecoꞌtegʉ weronojõ upʉsãjãnʉꞌcã, oꞌme waꞌteropʉ mʉjãa waꞌacʉ niwĩ. Tojo weecã ĩꞌarã, Manoa, cʉ̃ nʉmo diꞌtapʉ paamuꞌrĩqueꞌacãrã niwã.

Jueces 6:18

Aꞌtota yucueya yujupʉ. Yʉꞌʉ mʉꞌʉrẽ ẽjõpeosere ĩꞌogʉ̃, apeyenojõ oꞌosĩꞌrĩsaꞌa, nicʉ niwĩ. Õꞌacʉ̃ cʉ̃rẽ “Jaʉ, mʉꞌʉrẽ yucuegʉti”, nicʉ niwĩ.

Jueces 6:20

Õꞌacʉ̃ basuta nimigʉ̃, cʉ̃rẽ werecoꞌtegʉ weronojõ upʉsãjãnʉꞌcã, cʉ̃rẽ nicʉ niwĩ: —Diꞌiro, pã́ bʉcʉase morẽtiꞌquere ʉ̃tãgã buꞌipʉ cũuña. Tecore piostepeoya, nicʉ niwĩ. Cʉ̃ dutironojõta Gedeṍ weecʉ niwĩ.