Jueces 6:1 - Õꞌacʉ̃ Yere Ucũrĩ Turi

¹ Beꞌropʉ tja Israe curuacjãrã apaturi Õꞌacʉ̃ ĩꞌorõpʉ ñaꞌarõ weecãrã niwã. Tojo weegʉ Õꞌacʉ̃ narẽ siete cʉ̃ꞌmarĩ madianita masã dutise doca tojacã weecʉ niwĩ.

Jueces 6:1 Iomraidhean Croise

Génesis 25:2

Co meꞌrã aꞌtiro wãmetirãrẽ põꞌrãticʉ niwĩ. Zimram, Jocsán, Medán, Madiã́, Isbac, Súa nicãrã niwã.

Génesis 37:28

Tojo weerã ismaelita masã apeyenojõ duari masã na tiropʉ yʉꞌrʉacã, José maꞌmisʉmʉa ti pepʉ sãñaꞌcʉre miiwĩrõ, narẽ duacãrã niwã. Cʉ̃rẽ veinte niyeru cujiri wapayecãrã niwã. Tojo weerã Joseré Egiptopʉ miacãrã niwã.

Hebreos 11:32

¿Ñeꞌerẽ ninemogʉ̃sari yʉꞌʉ? Nipeꞌtirã ye quetire wereta basioweꞌe. Gedeṍ weeꞌquere, Barac weeꞌquere, Sansón weeꞌquere, Jefté weeꞌquere, Davi weeꞌquere, Samue weeꞌquere, tojo nicã ãpẽrã Õꞌacʉ̃ ye queti weremʉꞌtãrĩ masã weeꞌquere werepeꞌotisaꞌa.

Jueces 10:7

Tojo weegʉ Õꞌacʉ̃ na meꞌrã ua, filisteo masã, amonita masã doca waꞌacã weecʉ niwĩ.

Jueces 2:11

Na noꞌo nirã́ Baal wãmetirã queosere ẽjõpeocãrã niwã. Õꞌacʉ̃ ĩꞌorõpʉre na tojo weese ñaꞌa nicaro niwʉ̃.

Jueces 6:13

Gedeṍ cʉ̃rẽ yʉꞌticʉ niwĩ: —Õꞌacʉ̃ ʉ̃sã meꞌrã nimicã, ¿deꞌro weero aꞌte ñaꞌase ʉ̃sãrẽ tojo waꞌati? Ʉ̃sã ñecʉ̃sʉmʉa Õꞌacʉ̃ tutuaro meꞌrã cʉ̃ weeꞌquere werecãrã niwã. Na “Õꞌacʉ̃ ʉ̃sã Egiptopʉ níꞌcãrãrẽ miiwijawĩ”, nicãrã niwã. Ʉ̃sã peꞌe cʉ̃ tutuasere ĩꞌaweꞌe. Õꞌacʉ̃ ʉ̃sãrẽ cõꞌawãꞌcãwĩ. Ʉ̃sãrẽ madianita masã dutise doca nicã weewĩ, nicʉ niwĩ Gedeṍ.