Jueces 2:18 - Õꞌacʉ̃ Yere Ucũrĩ Turi

¹⁸ Israe curuacjãrãrẽ ĩꞌatuꞌtirã narẽ ñaꞌarõ wee, pũrõ piꞌeticã weecãrã niwã. Na uti caricũsere tʉꞌogʉ, Õꞌacʉ̃ narẽ pajañaꞌcʉ niwĩ. Tojo weegʉ masãrẽ sʉꞌori nisetiacjʉre cṹúgʉ̃, cʉ̃rẽ weetamucʉ niwĩ. Cʉ̃ catiro ejatuaro masãrẽ narẽ ĩꞌatuꞌtirãrẽ yʉꞌrʉweticã weecʉ niwĩ.

Jueces 2:18 Iomraidhean Croise

Éxodo 2:24

Tere tʉꞌogʉ, cʉ̃ todʉporopʉ Abrahã, Isaa, Jacob meꞌrã apoꞌquere wãcũcʉ niwĩ.

Éxodo 3:12

Õꞌacʉ̃ cʉ̃rẽ aꞌtiro ni yʉꞌticʉ niwĩ: —Yʉꞌʉ mʉꞌʉ meꞌrã nigʉ̃saꞌa. Yarã masã Egiptopʉ nirãrẽ miiwĩrṍca beꞌro mʉsã nipeꞌtirã aꞌtigʉ ʉ̃rʉ̃gʉ̃pʉ yʉꞌʉre eꞌcatipeorãsaꞌa. Tojo waꞌacã, “Diacjʉ̃ta Õꞌacʉ̃ yʉꞌʉre oꞌoámi”, ni masĩgʉ̃saꞌa.

Éxodo 32:14

Moisé tojo nicã tʉꞌogʉ, Õꞌacʉ̃ cʉ̃ yarã masãrẽ “Buꞌiri daꞌregʉti” nimiꞌquere duꞌucʉ niwĩ.

Jonás 3:10

Õꞌacʉ̃ na ñaꞌarõ weesere duꞌucã ĩꞌagʉ̃, cʉ̃ buꞌiri daꞌregʉti nimiꞌquere weeticʉ niwĩ.

Josué 1:5

Ne ãpẽrã mʉsã meꞌrã aꞌmewẽjẽrã põtẽosome. Moisé meꞌrã níꞌcaronojõta mejãrõta nigʉ̃saꞌa mʉꞌʉ meꞌrã quẽꞌrãrẽ tja. Ne mʉꞌʉrẽ cõꞌasome.

Jueces 10:16

Na tojo níca beꞌro ape diꞌtacjãrã na ẽjõpeorãnojõ na waꞌteropʉ nirãrẽ cõꞌa, Õꞌacʉ̃rẽ apaturi ẽjõpeocãrã niwã tja. Na tojo weecã ĩꞌagʉ̃, Õꞌacʉ̃ na piꞌetisere ĩꞌanemosĩꞌrĩticʉ niwĩ.

Jueces 11:32

Jefté amonita masã meꞌrã aꞌmewẽjẽgʉ̃ waꞌacʉ niwĩ. Õꞌacʉ̃ Jeftére narẽ docaqueꞌacã weecʉ niwĩ.

Jueces 2:19

Sʉꞌori nisetiri masʉ̃ wẽ́rĩ́ca beꞌro masã apaturi ñaꞌarõ weedojacãrã niwã. Na pacʉsʉmʉa yʉꞌrʉoro ñaꞌarõ weeseti, ãpẽrãnojõ Õꞌacʉ̃ nitirãnojõrẽ ẽjõpeoseticãrã niwã. Na ñaꞌarõ weesetisere ne duꞌuti, na wãcũsere dʉcayusĩꞌrĩticãrã niwã.

Jueces 3:9

Beꞌro na Õꞌacʉ̃ weetamusere ʉpʉtʉ sẽrĩcã tʉꞌogʉ, narẽ yʉꞌrʉoato nígʉ̃, Otoniel, Cenaz macʉ̃, Caleb acabijire oꞌócʉ niwĩ.

Jueces 6:12

Õꞌacʉ̃ cʉ̃ basuta nimigʉ̃, cʉ̃rẽ werecoꞌtegʉ weronojõ upʉsãjãnʉꞌcã Gedeṍrẽ bajua, aꞌtiro nicʉ niwĩ: —Gedeṍ, Õꞌacʉ̃ mʉꞌʉ meꞌrã nimi. Mʉꞌʉ aꞌmewẽjẽtutuagʉ niꞌi.

Jueces 6:16

Õꞌacʉ̃ cʉ̃rẽ yʉꞌticʉ niwĩ: —Yʉꞌʉ mʉꞌʉ meꞌrã nigʉ̃ti. Mʉꞌʉ nipeꞌtirã madianita masãrẽ niꞌcʉ̃ masʉ̃rẽ wẽjẽ́gʉ̃ weronojõ weegʉsaꞌa.