Jueces 2:17 - Õꞌacʉ̃ Yere Ucũrĩ Turi

¹⁷ Cʉ̃ tojo weemicã, sʉꞌori nisetiri masãrẽ tʉꞌoticãrã niwã. Ãpẽrãnojõ Õꞌacʉ̃ nitirã peꞌere ẽjõpeoseticãrã niwã. Na ñecʉ̃sʉmʉa peꞌe Õꞌacʉ̃ dutisere añurõ weecãrã niwã. Na, na weronojõ weeticãrã niwã. Maata Õꞌacʉ̃rẽ ẽjõpeoduꞌucãꞌcãrã niwã.

Jueces 2:17 Iomraidhean Croise

Éxodo 32:8

Na maata waro yʉꞌʉ weedutiꞌquere duꞌucãꞌma. Niꞌcʉ̃ wecʉ wĩꞌmagʉ̃ queosere uru meꞌrã ʉ̃jʉ̃asipio wĩorẽama. Cʉ̃rẽ eꞌcatipeorã, ejaqueꞌama. Tojo nicã, waꞌicʉrãrẽ wẽjẽ, cʉ̃rẽ ʉ̃jʉ̃amorõpeoama. Aꞌtiro ni ucũama: “Israe curuacjãrã, ãꞌrĩ marĩ ẽjõpeogʉ nimi. Cʉ̃ta Egipto diꞌtapʉre marĩrẽ sʉꞌori miiwijawĩ”, niama, nicʉ niwĩ Õꞌacʉ̃.

Gálatas 1:6

Õꞌacʉ̃ mʉsãrẽ maꞌígʉ̃, besecʉ niwĩ. Jesucristo cʉ̃ wẽrĩse meꞌrã mʉsãrẽ yʉꞌrʉocʉ niwĩ. Cʉ̃ tojo weemicã, mʉsã peꞌe maata waro cʉ̃rẽ ẽjõpeoduꞌurã weeꞌe. Apeye buꞌese peꞌere siruturã weeꞌe. Mʉsã tojo weecã tʉꞌogʉ, ʉpʉtʉ ʉcʉasaꞌa.

Josué 24:24

Masã Josuére aꞌtiro yʉꞌticãrã niwã tja: —Ʉ̃sã Õꞌacʉ̃ marĩ wiogʉre ẽjõpeo, siruturãti. Cʉ̃ dutiro weerãti, nicãrã niwã.

Josué 24:31

Josué catiri curare, Israe curuacjãrã Õꞌacʉ̃rẽ ẽjõpeo, cʉ̃ dutiro weecãrã niwã. Cʉ̃ wẽ́rĩ́ca beꞌro bʉcʉrã nipeꞌtise Õꞌacʉ̃ Israe curuacjãrãrẽ añurõ weeꞌquere masĩrã catiro põtẽorõ tojota Õꞌacʉ̃rẽ ẽjõpeo, cʉ̃ dutiro añurõ weesirutucãrã niwã.

Jueces 8:33

Gedeṍ wẽ́rĩ́ca beꞌro maata Israe curuacjãrã apaturi Õꞌacʉ̃rẽ ẽjõpeoduꞌu, Baal peꞌere ẽjõpeocãrã niwã tja. Niꞌcʉ̃ Baal-berit wãmetigʉre ẽjõpeocãrã niwã.