Jueces 16:7 - Õꞌacʉ̃ Yere Ucũrĩ Turi

⁷ Sansón core yʉꞌticʉ niwĩ: —Siete dari bʉacatjẽ nise dari, bopotise dari meꞌrã yʉꞌʉre dʉꞌtecã, yʉꞌʉ tutuase peꞌtirosaꞌa. Mejõ nigʉ̃́ weronojõ tojagʉsaꞌa, nicʉ niwĩ.

Jueces 16:7 Iomraidhean Croise

Romanos 3:8

Na “Ʉ̃sã ñaꞌarõ weecã, Õꞌacʉ̃ añurõ weesere nemorõ masĩrãsama”, nisama. Tojo weerã “Añuse waꞌato nírã ñaꞌasere weerã”, nisama. Ãpẽrã yʉꞌʉre, yʉꞌʉ meꞌrãcjãrãrẽ mejẽcã wãcũato nírã, “Pablo aꞌtere buꞌemi”, nisoosama. Na tojo nisoose wapa Õꞌacʉ̃ narẽ buꞌiri daꞌregʉ, queoro weegʉsami.

Gálatas 6:7

Mʉsã aꞌtere masĩña. Õꞌacʉ̃rẽ ñaꞌarõ bujicãꞌa, cʉ̃rẽ ñaꞌarõ weeduꞌtita basioweꞌe. “Õꞌacʉ̃ yʉꞌʉ ñaꞌarõ weecã, buꞌiri daꞌresome”, ni wãcũticãꞌña. Mʉsãrẽ queose meꞌrã weregʉti. Marĩ otese dʉca otecã, marĩ oteꞌquenojõta pĩꞌrĩ dʉcatisaꞌa. Marĩ weesetise quẽꞌrã te weronojõ niꞌi. Marĩ weesetironojõta mejãrõta tja bocarãsaꞌa.

Colosenses 3:9

Ãpẽrãrẽ nisooticãꞌña. Mʉsã todʉporopʉ weesetiꞌquere duꞌutojacãrã niwʉ̃. Tojo weerã tere weeticãꞌña majã.

Jueces 16:10

Tojo waꞌacã, Dalila Sansṍrẽ aꞌtiro nico niwõ: —Yʉꞌʉre bujicãꞌpã. Tojo nicã, yʉꞌʉre nisooapʉ. Wereya. ¿Ñeꞌenojõ da meꞌrã mʉꞌʉrẽ dʉꞌtebosari, mʉꞌʉ sureticã? nico niwõ.

Jueces 16:6

Tojo weego Dalila Sansṍrẽ aꞌtiro nico niwõ: —Wereya yʉꞌʉre. ¿Deꞌro weegʉ mʉꞌʉ tocãꞌrõ tutuase cʉoti? Mʉꞌʉ tutuase moogʉ̃ waꞌacã, ¿ñeꞌe meꞌrã mʉꞌʉrẽ dʉꞌtebosari? ni sẽrĩtiñaꞌco niwõ.

Jueces 16:8

Cʉ̃ tojo nicã tʉꞌorã, filisteo masã wiorã siete dari bopotise darire core miiticãrã niwã. Te dari meꞌrã Dalila Sansṍrẽ dʉꞌteco niwõ.

Jueces 16:9

Filisteo masã wiorã ti tucũ bajutiropʉ nicãrã niwã. Sansṍrẽ dʉꞌtetoja, cʉ̃rẽ aꞌtiro caricũco niwõ: —¡Sansón, filisteo masã mʉꞌʉrẽ ñeꞌerã aꞌtitojama! nico niwõ. Co tojo nicã tʉꞌogʉ, Sansón te darire yuta dare ʉ̃jʉ̃asurero weronojõ surecãꞌcʉ niwĩ. Tojo weerã filisteo masã deꞌro wee cʉ̃ tutuati nisere masĩticãrã niwã.