Jueces 16:31 - Õꞌacʉ̃ Yere Ucũrĩ Turi

³¹ Beꞌro cʉ̃ acabijirã, nipeꞌtirã cʉ̃ pacʉ acawererã cʉ̃ upʉre miirã waꞌacãrã niwã. Cʉ̃ pacʉ Manoarẽ yááca tutipʉ Zora Estaol decopʉ cʉ̃rẽ yaacãrã niwã. Sansón veinte cʉ̃ꞌmarĩ Israe curuacjãrãrẽ sʉꞌori niseticʉ niwĩ. *****

Jueces 16:31 Iomraidhean Croise

Jueces 13:2

Niꞌcʉ̃ ʉmʉ Manoa wãmetigʉ Dan ya curuacjʉ̃ nicʉ niwĩ. Zoracjʉ̃ nicʉ niwĩ. Manoa nʉmo põꞌrãmarĩgõ nico niwõ.

Jueces 13:25

Siapeꞌe meꞌrã bʉcʉa, niꞌcã nʉmʉ Sansón Dan ya curuacjãrã ya diꞌtapʉ nirĩ cura Espíritu Santu cʉ̃pʉre sãjãnʉꞌcãcʉ niwĩ. Zora, Estaol wãmetise macãrĩ waꞌteropʉ tojo waꞌacaro niwʉ̃.

Jueces 15:20

Filisteo masã na duticaterore Sansón veinte cʉ̃ꞌmarĩ Israe curuacjãrãrẽ sʉꞌori niseticʉ niwĩ.

Jueces 16:30

Tojo weetoja, aꞌtiro caricũcʉ niwĩ: “¡Filisteo masã meꞌrã yʉꞌʉre wẽrĩcã weeya!” nicʉ niwĩ. Beꞌro nipeꞌtise cʉ̃ tutuase meꞌrã te tuturire tuunuadijocʉ niwĩ. Cʉ̃ tojo weecã, ti wiꞌi wiorã, tojo nicã nipeꞌtirã ti wiꞌipʉ níꞌcãrã buꞌipʉ doquepejacaro niwʉ̃. Tojo weerã wẽrĩpeꞌtia waꞌacãrã niwã. Tojo wee Sansón cʉ̃ wẽrĩrĩ nʉmʉrẽ cʉ̃ catiri ʉmʉcore wẽjẽꞌcaro yʉꞌrʉoro filisteo masãrẽ wẽjẽnemocʉ niwĩ.