Jueces 16:10 - Õꞌacʉ̃ Yere Ucũrĩ Turi

¹⁰ Tojo waꞌacã, Dalila Sansṍrẽ aꞌtiro nico niwõ: —Yʉꞌʉre bujicãꞌpã. Tojo nicã, yʉꞌʉre nisooapʉ. Wereya. ¿Ñeꞌenojõ da meꞌrã mʉꞌʉrẽ dʉꞌtebosari, mʉꞌʉ sureticã? nico niwõ.

Jueces 16:10 Iomraidhean Croise

San Lucas 22:48

Jesú cʉ̃ tojo weecã, nicʉ niwĩ: —¿Juda, mʉꞌʉ miꞌmise meꞌrã yʉꞌʉ Õꞌacʉ̃ macʉ̃ masʉ̃ weronojõ upʉtigʉre yʉꞌʉre ĩꞌatuꞌtirãrẽ ĩꞌogʉ̃ weeti? nicʉ niwĩ.

Jueces 16:11

Sansón core yʉꞌticʉ niwĩ: —Pũnʉꞌmo dari maꞌma dari, dʉꞌtenoꞌña marĩse dari meꞌrã yʉꞌʉre añurõ dʉꞌtecã, mejõ nigʉ̃ weronojõ tutuatigʉ tojagʉsaꞌa, nicʉ niwĩ.

Jueces 16:13

Beꞌro Dalila Sansṍrẽ aꞌtiro nico niwõ: —Mʉꞌʉ yʉꞌʉre bujicãꞌa, nisoodecotiꞌi yujupʉ. ¿Deꞌro weecã mʉꞌʉ tutuatigʉ tojagʉsari? Wereya, nico niwõ. Cʉ̃ yʉꞌticʉ niwĩ: —Suꞌti suꞌawʉaropʉ yuta paasuꞌaro weronojõ ye poarire seepaꞌtaꞌque siete darire paasuꞌatjĩagõ, dʉꞌtecũuña. Mʉꞌʉ tojo weecã, yʉꞌʉ tutuatigʉ, mejõ nigʉ̃ weronojõ tojagʉsaꞌa, nicʉ niwĩ.

Jueces 16:7

Sansón core yʉꞌticʉ niwĩ: —Siete dari bʉacatjẽ nise dari, bopotise dari meꞌrã yʉꞌʉre dʉꞌtecã, yʉꞌʉ tutuase peꞌtirosaꞌa. Mejõ nigʉ̃́ weronojõ tojagʉsaꞌa, nicʉ niwĩ.

Jueces 16:9

Filisteo masã wiorã ti tucũ bajutiropʉ nicãrã niwã. Sansṍrẽ dʉꞌtetoja, cʉ̃rẽ aꞌtiro caricũco niwõ: —¡Sansón, filisteo masã mʉꞌʉrẽ ñeꞌerã aꞌtitojama! nico niwõ. Co tojo nicã tʉꞌogʉ, Sansón te darire yuta dare ʉ̃jʉ̃asurero weronojõ surecãꞌcʉ niwĩ. Tojo weerã filisteo masã deꞌro wee cʉ̃ tutuati nisere masĩticãrã niwã.