Jueces 15:14 - Õꞌacʉ̃ Yere Ucũrĩ Turi

¹⁴ Cʉ̃ Lehipʉ ejari curare filisteo masã cʉ̃rẽ ĩꞌarã, pũrõ eꞌcatise meꞌrã caricũwãꞌcãticãrã niwã. Na tojo weecã, Espíritu Santu tutuaro meꞌrã cʉ̃pʉre sãjãacʉ niwĩ. Cʉ̃pʉre sãjãcã, cʉ̃rẽ dʉꞌteꞌque dari lino ʉ̃jʉ̃ꞌque caꞌbise dari weronojõ waꞌacaro niwʉ̃. Tojo weero te dari surustedijacaro niwʉ̃.

Jueces 15:14 Iomraidhean Croise

Éxodo 14:3

Na tojo weecã, faraṍ aꞌtiro wãcũgʉ̃sami: ‘Ãꞌrã Israe curuacjãrã noꞌo apero waꞌamasĩtima. Na masã marĩrõ, yucʉ marĩrõpʉ wisinuꞌcũbajaqueꞌatima’, nigʉ̃sami.

Éxodo 14:5

Egiptocjʉ̃ wiogʉ na duꞌtiwijaꞌque quetire tʉꞌogʉ, cʉ̃, cʉ̃ docacjãrã wiorã meꞌrã na wãcũꞌquere mejẽcã dʉcayu, aꞌtiro nicãrã niwã: “¿Marĩ deꞌro weerã Israe curuacjãrãrẽ duꞌuoꞌomiapari? Na marĩrẽ daꞌracoꞌterã nimiama”, nicãrã niwã.

Filipenses 4:3

Sícigo, mʉꞌʉ yʉꞌʉ meꞌrã weretamugʉ̃ waro niꞌi. Na numiarẽ niꞌcãrõnojõ wãcũcã weeya. Õꞌacʉ̃ masãrẽ yʉꞌrʉomi nise quetire werecã, na numia yʉꞌʉre weretamuwã. Na meꞌrã Clemente quẽꞌrã niwĩ. Tojo nicã ãpẽrã na meꞌrã yʉꞌʉre weretamuwã. Na Õꞌacʉ̃ ya pũrĩ catinuꞌcũse nirĩ pũrĩpʉ ojaõꞌonoꞌcãrã nitojasama.

Jueces 14:19

Maata Espíritu Santu tutuaro meꞌrã cʉ̃pʉre sãjãacʉ niwĩ. Tojo weegʉ Sansón Ascalón wãmetiri macãpʉ buꞌacʉ niwĩ. Tocjãrã ʉmʉa treintare wẽjẽ, na suꞌti sãñaꞌquere ẽꞌmacʉ niwĩ. Tere cʉ̃ níbocasere wereꞌcãrãrẽ oꞌocʉ niwĩ. Na meꞌrã pũrõ uagʉ, cʉ̃ pacʉ ya wiꞌipʉ dajacʉ niwĩ.

Jueces 14:6

Espíritu Santu Sansṍpʉre sãjãa, tutuase cʉ̃rẽ oꞌocʉ niwĩ. Tojo weegʉ cʉ̃ omocãrĩ meꞌrã diaꞌcʉ̃ yaire wẽjẽgʉ̃, tʉ̃asurecãꞌcʉ niwĩ. Cabra wĩꞌmagʉ̃rẽ tʉ̃asurero weronojõ tojo weecʉ niwĩ. Tojo weemigʉ̃, cʉ̃ pacʉsʉmʉarẽ cʉ̃ weeꞌquere wereticʉ niwĩ.

Jueces 15:13

Cʉ̃ tojo nicã tʉꞌorã, “Jaʉ”, nicãrã niwã. “Mejõ mʉꞌʉrẽ dʉꞌte, filisteo masãrẽ wiarãti. Mʉꞌʉrẽ wẽjẽsome”, nicãrã niwã. Tojo weerã pʉa da pũnʉꞌmo dari, maꞌma dari meꞌrã cʉ̃rẽ dʉꞌtecãrã niwã. Dʉꞌte, cʉ̃rẽ ʉ̃tã tutipʉ níꞌcʉre miiwijaacãrã niwã.

Jueces 15:9

Beꞌro filisteo masã Judá diꞌtapʉ majãa, topʉ nerẽcãrã niwã. Téé Lehi pʉꞌtopʉ tuustenʉꞌcãcãrã niwã.

Jueces 16:12

Cʉ̃ tojo nicã tʉꞌogo, Dalila maꞌma darire mii, cʉ̃rẽ dʉꞌteco niwõ. Dʉꞌtetoja, cʉ̃rẽ caricũco niwõ: —¡Sansón, filisteo masã mʉꞌʉrẽ ñeꞌerã aꞌtitojama! Filisteo masã ti tucũ bajutiropʉ nicoꞌtecãrã niwã. Co tojo nicã tʉꞌogʉ, Sansón yuta darire weronojõ te darire wejesurecʉ niwĩ.

Jueces 16:24

Masã ti wiꞌipʉ nirã́ quẽꞌrã na ẽjõpeogʉ Dagṍrẽ aꞌtiro ni basapeocãrã niwã: “Marĩ ẽjõpeogʉ marĩrẽ ĩꞌatuꞌtigʉ Sansṍrẽ marĩrẽ wiacʉ niami. Cʉ̃ marĩ ye trigo weserire ʉ̃jʉ̃aꞌcʉ, pãjãrã marĩ acawererãrẽ wẽjẽꞌcʉre wiacʉ niami.”

Jueces 16:9

Filisteo masã wiorã ti tucũ bajutiropʉ nicãrã niwã. Sansṍrẽ dʉꞌtetoja, cʉ̃rẽ aꞌtiro caricũco niwõ: —¡Sansón, filisteo masã mʉꞌʉrẽ ñeꞌerã aꞌtitojama! nico niwõ. Co tojo nicã tʉꞌogʉ, Sansón te darire yuta dare ʉ̃jʉ̃asurero weronojõ surecãꞌcʉ niwĩ. Tojo weerã filisteo masã deꞌro wee cʉ̃ tutuati nisere masĩticãrã niwã.

Jueces 3:10

Espíritu Santu Otoniepʉre sãjãa, Israe curuacjãrãrẽ sʉꞌori nisetiri masʉ̃ sãjãcʉ niwĩ. Cʉ̃ Cusán-risataim yarã masã meꞌrã aꞌmewẽjẽgʉ̃ waꞌacʉ niwĩ. Õꞌacʉ̃ Otoniere Cusán-risataĩrẽ wapataꞌacã weecʉ niwĩ.