San Juan 9:8 - Õꞌacʉ̃ Yere Ucũrĩ Turi

⁸ Cʉ̃ ya wiꞌi pʉꞌtocjãrã, todʉporo cʉ̃ caperi ĩꞌatigʉ nicã ĩꞌaꞌcãrã aꞌtiro nicãrã niwã: —¿Ãꞌrĩ todʉporopʉ niyeru sẽrĩdujiꞌcʉta nimiba?

Tukano

⁸ Kɨ̃ɨ yaá wi'i pɨ'tokãharã, too dɨpóro kɨ̃ɨ̂ kapêri ĩ'yâtigɨ niikã́ ĩ'yâ'kãrã a'tîro niîkãrã niîwã: —Ã'rí too dɨpóropɨ niyéru sẽri duhí'kɨta niîmi baa?

San Juan 9:8 Iomraidhean Croise

Marcos 10:46

Na Jerusalẽ́pʉ majãrã, Jericópʉ etacãrã niwã. Beꞌro ti macãpʉ Jesú cʉ̃ buꞌerã meꞌrã yʉꞌrʉacʉ niwĩ. Pãjãrã masã cʉ̃rẽ sirutucãrã niwã. Topʉ Bartimeo wãmetigʉ Timeo macʉ̃ caperi bajunoꞌtigʉ maꞌa sumutopʉ niyeru sẽrĩdujicʉ niwĩ.

San Lucas 1:58

Cʉ̃ bajuáca beꞌro co acawererã, ãpẽrã co ya wiꞌi pʉꞌto nirã́ core eꞌcatitamurã waꞌacãrã niwã. Õꞌacʉ̃ core añubutiase weecã ĩꞌarã, tojo weecãrã niwã.

San Lucas 18:35

Jesú Jericó pʉꞌto nirĩ cura niꞌcʉ̃ caperi bajunoꞌtigʉ maꞌa sumutopʉ niyeru sẽrĩdujicʉ niwĩ.

San Juan 9:9

Niꞌcãrẽrã “Cʉ̃́ta nimi”, nicãrã niwã. Ãpẽrã peꞌe “Nitimi. Apĩ cʉ̃ weronojõ bajugʉ nimi”, nicãrã niwã. Cʉ̃ peꞌe “Yʉꞌʉta niꞌi”, nicʉ niwĩ.

Rut 1:19

Tojo weerã na pʉarãpʉta waꞌa, téé Belẽpʉ etacãrã niwã. Belẽpʉ sãjãcã, nipeꞌtirã ti macãcjãrã numia ĩꞌamarĩa, aꞌmerĩ sẽrĩtiñaꞌcãrã niwã: —¿Sico Noemí mejẽta nitiba? nicãrã niwã.